سولفلي على روحك يابعد هالروح

بارت 45

نحجي وجاي ندخل الغرفة شفت شي ياريت ماشفته

لزمت ايد مهيوب وعصرتها قوي وكأنو هو المسؤول عن كلشي ..

مهيوب : شدسووووين منو سمحلج تدخلين  غرفتي شنو ضميتي وراج ...

فرح: ولا شي  ما اخذت شي  .

رزان : هنا استهترت كلش واساسا اني من اشوفها اتخربط ودور شفتها شايلة قميص مهيوب وعطرة تخبلت

صرخت لتكوولين مااخذت رجعي الي اخذتي بسررعة شلون تجرئين دخلين غرفتي منو سمحلج ..

فرح : مهيوب اسمعني اني بس بس ضاعت التراجي مالتي وجاي ادورها هنا وشفت هذا ع الارض وشلته تحجي وهي تأشر بالقميص فهمتوني غلط ..

رزان: تقربت منها وأخذت القميص اياج اشوفج مرا ثانية متقربة من غراض مهيوب  دفعتني وطلعت انداريت فاتحة حلكي ع الجرئة مالتها ..

باوعت لمهيوب يريد يغلس ع القصة تقربت منه وحجيت ليش ساكت شنو مشفت شنو جانت تسوي لو عاجبك الوضع ..

مهيوب : رزاااان احجي عدل لاتجاوزين حدودج ويايي من تحجين نصي صوتج اخر مرا انبهج سدي الموضوع اني اتصرف ...

ضربت رجلي ع الأرض وحجيت لا والله ما اسد وهسه اروح افضحها جاية تشمشم ملابس رجال متزوج ...

اجيت امشي لزم ايديي قووي باوعت بعيونه بغضب واحس ايدي راح تنكسر حجيت مهيوب ايدي اشبيك .

مهيوب : اياج رزان اياج اسمع بيج مطلعة االسالفة الي صارت برا الغرفة ولا قسم بالله مايصير خير حذرتج ما اريد اتساحة وي خالي وماراح اعيد كلامي ..

سحبت ايدي قوي وطلع برا الغرفة  ضلت نار بصدري هالحقيرة هاي ماراح تخليني ارتاح اخذت القميص والعطر  خليته ع الميز وجبت المقص گصصته وصل وذبيته بالزبل وذبيت الريحة وياه  باوعت صار نص ساعة من طلع ضليت اللوب شوكت يرجع وين راح الله اعلم شديسوي واكيد راحلها  رن تلفوني رحت ركض واني افكر ما ارد عليه ولا اسامحه فكرته هوا طلعت شهد اخذته ورديت  الوو هلو حبيبتي شلونج ..

شهد : هلو رزان عمري مشتاقتلج ..

رزان : اني همات شخبار ماما وبابا شوكت تجون ..

شهد : بليل الحمدلله تمام مشتاقيلج كلتنه مكانج خالي انتي شلونج شسويتي ..

رزان : عمري انتم واني بعد فقدتكم ماسوي شي كاعدة .

شهد : ليش احس مو على بعضج ..

رزان : احساسج صح حجيتها وبجيت ..

شهد : شكوو لج  ليش تبجين منو زعلج حبيبتي .

رزان : فرح دسويلي مشاكل تعبت هاي اول يوم وهيج امه ماطايقتني وفرح من كفه ومهيوب طلع وعافني..

شهد : شمسوية هالحية ..

رزان : سمعت الباب يندك لحظة شهد اشوف منو كمت فتحته شفت رحمة تكول امي تكول خلي تنزل اجونا خطار  كتلها تمام هسه جاية .