((( بقلم الكاتبة رفل )))
( سولفلي على روحك يابعد هالروح )
مدري ليش الگاك موتي وما اهدك
ومدري ليش أتبيعني لحزني وأودك !
مهيوب : بعد ما طلعت امي من المستشفى قررت تروح لبيت خالتي وتعيش هناك ماكدرت اقنعها ترجع وياي رغم حااولت وياها بكل الطرق بس ماجاب اي نتيجة جانت مقررة وخلص اخذتها بالسيارة لبيتهم هي وخالتي اخلاص وصلتها وساعدتها تنزل ونطيتها علاجها وودعتها وطلعت جنت مقرر كم يوم ترتاح وارجعها طلعت لدوام صار هواي تارك الشغل ومتراكم عندي دخلت لشركة المكتبي ووصيت السكرتير على كوب جاي راسي دايخ من المستشفى
اخذت الابتوب وبلشت بالشغل شوي وحسيت تلفوني يتصل اخذته شفتها رزان ارتجيت ضهري للكرسي وابتسمت ابتسامة من اعماق قلبي رديت .
هلاااا بالعافية .
اجاني صوتها الناعس هسه كاعدة من نوم .
رزان : كعدت من نوم باوعت لساعة 8 وربع اتصلت بمهيوب اشوف امه وين صارت.
اجاني صوته هلا بالعافية رديت هلا حبيبي وين..
مهيوب : صح نوم يااب .
رزان : هههه صح بدنك انت وين .
مهيوب : بالشغل ليش .
رزان : ها الله يساعدك حبيبي امك وين صارت .
مهيوب : شنو امك كولي خالة عمة اشبيج انتي لخ .
رزان : اووو هسه نفس الشي شلون صارت عمتي حبيبتي ..
مهيوب : الحمدلله احسن احذتها لبيت خالتي اخلاص ترتاح .
رزان : شنووو وليش يعني ما ترتاح الابيت خالتك اخلاص مو هاي خالة نهرين ليش حته تروح لهناك .
مهيوب : هيي بعد ترتاح يمهم شسوي .
رزان : وانت راح تضل تروح وتجي لبيتهم وتشوف فرح .
رد اي وشنو يعني وااذا شفتها قابل شراح يصير اشبيج .
عدلت كعدتي وحجيت مهيوب لاتخبلني اشبيك انت شنو يعني تشوفها شنو نسيت فرح تحبك وامك تحبها وخاطبتها الك .
مهيوب : رزان حبيبتي عوفي هالسوالف اني خطبتج وكلشي انتهى ومافكر بغيرج ارتاحي حبيبتي لا فرح ولاغيرها انتي دخلتي قلبي وقفلتي ..
رزان : رغم كل الحجي وبدا يقنعني ويصالح بيه بسس ابد مااا ارتاحيت لروحة امه ابيت فرح بقيت اشوي احجي ويا بعدها سديته منا وطلعت صليت وسويت ريوك كاعدين بابا وماما وشهد طالعة للمدرسة .
خالد : هاا بوية رزان شلون صارت عمتج هدية ماخابرتيهم .
رزان : بلي خابرت مهيوب كال احسن وطالعة من المستشفى .
أنت تقرأ
سولفلي على روحك يابعد هالروح
ChickLitعائلة سعيده مكتونه من ام واب وثنين بنات وثنين ولد ليكتشفوو جايهم مولود جديد ياترا شحيصير تابعووا احداث مشوقه
