سولفلي على روحك يابعد هالروح

البارت 42

       

رزان : طلعنة للبيت بعد ماكملنة وصلتنة خالة نهرين وراحت لبيتها فتت تعبانة كلش خابرت مهيوب مارد لسة ماوصل يمكن رحت لغرفتي وسديت الباب شغلة المكيف وماحسيت بعدها ..

شهد : اجينة متكسرين واساسا هالاسبوع كله تعب  دخلت سبحت ورجعت اخذت تلفوني اقلب لحد ماغفيت حسيت على امي تكعدني فتحت عيني وحجيت ها يوم اشبيج ..

مريم  : كومي ماما كومي سوي عشا هذا خطيب اختج اجه وعيب يرجع بلا عشا ..

شهد : باوعت رزان نايمة  بعدها حجيت صدك تحجين ماما انتي دتكولين خطيب اختج يعني هي لازم تسوي العشا مو اني  كعديها تسوي غطيت راسي بالبطانية  وغمضت حسيت نشالت البطانية ونركعت بالمخدة .

مريم : لجج كومي عاد كافي نوم اختج عروسة ميصير تشتغل بعدين باجر حتروح وتعوفج وتتندمين على اسلوبج وياها .

شهد : اوووو ماما افتهمنة  كمت  هسه لاحكتج .

طلعت وسدت الباب وتخوزر بيه رجعت سحبت البطانية حته انام الغرفة شبه ضلمة وباردة تخليك كوة تنعس   بس ماكدرت انام ظل ببالي كلام امي صدك باجر نتفارك شلون بيه حيصير هالبيت ظلمة بدونها دمعت عيني ودفعت الغطة ورحت للمطبخ شفت ماما جاي تلف  كبة غسلت وبلشت اساعدها واسوي بالعشا  واسمع صوت ابوية ومهيوب الي جاي من الصالة جانوا يضحكون وساعة يحجون بالشغل وساعة يحجون عن الوضع سوالف زلم ماتخلص ويكولون سوالف نسوان متخلص كملنا كلشي وامي راحت تصلي اخذت سطل الطرشي وصرت افرغ بالصحون اجاني صوت من وراي عرفته صوت مهيوب .

اجه وكف يمي وصار ياكل طرشي وحجه .

مهيوب : اكلج شهودة ..

شهد : ابتسمت عرفت شيريد حجيت خير اليوم شهودة شنو عندك مصلحة ويااي ..

مهيوب : ارتجه ع الميز ورجع ايده لورا وابتسم  وحجه مشتاگ مشتااگ ...

شهد : ههههه عرفته شيقصد بسس غلست وكتله اي اني همات مشتاگة الك ..

عقد حاجبة وكال بس اني ماقاصدج ..

باوعته واني اغسل ايدي اي وشتريد ..

أريد   صيرين حبابة وترحين تكعدين عشگي 

ههههههاي هذا عشكگ روح كعدا اني شكو  لو متكدرون بدون شهد .

صرت احجي وأشر بيديي شهد تعاي شهد روحي شهد اطبخي شهد نضفي شهد شهد شهد كافي كافي مليت منكم تعرف هسه ماما كعدتني غصبا عني علمود اسويلك عشا بعدين انت ليش ماخابرت خطيبتك وكتلها جايكم  .....

مهيوب : كافي  دووختي راسي بالعة مسجل اشبيج
بعدين شكو بيها اذا سويتي الشغل والاكل مو جانت رزان تسوي كل هاي الشغلات شو ماحجت .

شهد : هاااااا من هسه دافع لرزان ولايكعد راحة

ضحكت بصوت عالي وكتله كون تسمعك امك هيج تحجي جان كالت مسحور ..