بقلم ((( الكاتبة رفل )))
( سولفلي على روحك يابعد هالروح )
_ رزان : بعد شهر كبرت نازك وصارت احلا بيضه وخدوها كبار وعيونها سبحان الخالق وساع ورموش
طووال لمن تفتح تطخ بحواجبها والكل متعلق بيها
ماما بابا احمد علي لاكن اني وشهد بدت عدنه غيره
شويه ،،نشوف ماما 24 ساعه ويا نازك حته ماعادت
تسألنه شنو نحتاج او شون صرنه نتمرض نطيب محد بحالنه ،، بابا لازم متبجي نازك ابد ولا احد يكعدها ،،
فديوم جنه اني وشهد كاعدات نباوع مسلسل
وماما كاعده تبدل لنازك وتغني الها ( اموره وحلوه وكتكوته دي حبيبتي اجمل بنوته )
دندن وتبدل لنازك ،،، باوعت لشهد وجا ع بالي قبل
جانت تغنيلي ( ام القمل والصيبان تركض ورا الطليان )
حجيت شهد تفكرين بالي افكر بي ،،،
شهد : خليت ايدي على خدي واباوع رديت على رزان
لا انتي الي تفكرين بلي افكر بي ،،
تذكرين لمن جانت تغنيلي ( يجلب عباس لاتاكل الناس تعال اكل شهوده وخلينه بس الراس )
رزان : زين اكلج شيسوون بالراس ،،،
شهد : حته تعدي قمل غير ،،
رزان : يا ادبسززز صح امي جانت هيج تغني الي بس شعري جان انضف من وجهج حقيره ،،
شهد : هههههههه اشاقه ،،
رزان : دنجبي حيوانه ،،
مريم : صووتجن نامت اختجن اذا كعدت متلومن غير حالجن ،،
رزان باوعنه وحده ع لخ حجيت ماما صدك تحجين
ترا احنه هم بناتج حسي بينه روحنه طلعت من البيت كولي اريد اطلعهم اونسهم شسالفه ،،،
مريم : هوا اني طالعه حته اطلعكم من يجي ابوكم
اخلي يطلعكم بس هااا ذكرت اليوم نازك عدها مراجعه يم طبيب خليها ع باجر ويلا كومن نضفن المطبخ ،،
شهد : هزيت ايدي وباوعت لرزان مو كتلج اخذي حسن بس انتي بووومه جان هسه حسن طلعنه صخمنه شوفي خواته حته ميعرفن شنو بيت ،،،
رزان : شهد ممكن تنجبين واصله لهنا ترا،،
سمعنه صوت الباب شهد كومي فتحي ،،
شهد : رحت افتح الباب شفت بابا اجا هلا الله يساعدك وبوسته ،،
خالد هلا بيج بنيتي شلونج ،، رديت تمام الحمدلله
خالد دومج بويه وين الولد مارجعووا بعد ،،
شهد : لا والله بابا هسه يجون ،،
أنت تقرأ
سولفلي على روحك يابعد هالروح
Chick-Litعائلة سعيده مكتونه من ام واب وثنين بنات وثنين ولد ليكتشفوو جايهم مولود جديد ياترا شحيصير تابعووا احداث مشوقه
