كذبه صنعت عشقا

الثامن عشر

نظر عماد خلف رنيم وهو يبتلع ريقه بتوتر و هو يقول :مفيش حاجه يا قلبي رنيم بس زهقانه شويه عشان خاطر ابنك اللي بيعمله معها

روح باستغراب :مش عارفه ليه مش مصدقك يا عماد بس تمام

ثم نظرت الى رنيم بهدوء وهي تقول: متزعليش يا بنتي هو عامل زي ابوه

عماد بابتسامه :طب وانا عملتلك ايه بس يا قلبي هو انا جيت جنبك يا قمر انتى

روح بسخريه: بقولك يا عماد هو انت ناسي اول سنه جواز انت عملت ايه ده انت طلعت عيني

عماد بابتسامه: من حبي فيكى يا قمر اعمل ايه بس

روح بسخريه :ماشي يا عماد يعني انت طلعت عيني عشان بتحبنى طب بلاش تحبنى اوى كدا

هنا تحدثت رنيم بابتسامه بسيطه :ايه يا جدعان اجيبلكم شجره واثنين لاموني

عماد بهدوء: شوفي البنت غيرانه مننا

روح بابتسامه و دلال وهي تقول: اللي غيران مننا يعمل زينا ثم اخذوا يضحكون مع بعضهم البعض وهم لا يعلموا ذلك الذي يقف خلف الباب يستمع الى كل كلمه وحرف منذ البدايه وعلى وجه ابتسامه ساخره ويقولوا:هو انتى فاكره ان دخل الحمام زي خروجه بقى عايزه تتجوزيني بمزاجك وتتطلقي برده بمزاجك ماشي يا رنيم وحياه امي مبقاش يونس لو ما علمتكيش الادب وعرفتك ام الله الحق وانت يا عم عماد وحياه امي لا خلي روح تعمل معك الصح
🌺🌺🌺🌺🌺🌺🌺🌺🌺🌺🌺🌺
اما ميرنا استيقظت من النوم على صوت رامز الغاضب يطلب تحضير الفطور قامت من على الفراش بملل وتعب فذلك المتجبر يعاملها على انها خادمه لا يقف عن طلباته السخيفه مثله خرجت من الغرفه تنظر اليه بغضب وهي تقول له :في جبنه فى قلب الثلاجه وممكن تعمل لك بيض اومليت وتفطر ليه الصوت العالي وليه الزعيق بس

رامز بسخريه :بقى عاوزاني يا هانم انا اقوم اعمل الفطار لنفسي امال انتي اى لازمتك ايه يلا يا هانم عاوز في خلال عشر دقائق الفطار يكون جاهز وياريت بقى لو فنجان قهوه حلوه نظرات له ميرنا بغضب وهي تقوله :حاضر بس عاوزه اطلب منك طلب

رامز بهدوء: خير يا ميرنا قولي اللي انتي عايزاه

ميرنا بهدوء :انا بطني وجعاني بقلى يومين ومش بعرف ادخل الحمام ممكن تديني اي حاجه ملينه

رامز بهدوء وهو يقول: من عينيا انتى تامري

قال ذلك و ذهب الى الثلاجه واخرج منها علبه الدواء واعطاها لميرنا وعلى وجه ابتسامه خبيثه اخذت منها ميرنا بعض النقط وذهبت لكي تضعها في الثلاجه كل ذلك تحت انظار رامز الساخره فهو يعلم في ماذا تفكر توجهت ميرنا الى المطبخ وهي تسب رامز بافظع الشتائم التي تعرفه وهي تقول: ماشي يا رامز مبقاش انا ميرنا لو مخلتكش تعرف الصح بقى انت تعمل معي انا كده وحياه امي لعرفك قالت ذلك واخرجت علبه الدواء من جايبها وضعتها على رخام بدات تحضر الطعام بكل سرعه وبعد ان صنعت كوب القهوه وضعت فيه خمس نقط من الملين لكي لا تغير طعم القهوه بعد مرور 10 دقائق كانت تخرج ميرنا من المطبخ وتضع الفطور امام انظار رامز الساخره