يقين الشهم. ،،،،،،
الكاتبه أيليا النور،،،،،
البارت العشرون ،،،،
السلام عليكم شلونكم حبايبي المتابعين راح اكمل القصه علئ هذا الحساب الجديد انشاء الله
والي توه جاي يقره القصه علئ هذا الحساب ومامفتهم
شي يروح لحسابي القديم يلكه بدايت القصه
والتكمله هنااا
متابعه ممتعه
الكاتبه أيليا النور،،،،،
البارت العشرون،،،،،
،،،،،،،،،،،،،،،،،،،
يقين
،،،،،،،،،،
بس فكتها الكحه اجت عليه وهيه عيونها تريد تطلع من مكانها من العصبيه جنها عبوه وتريد تنفجر تقربت مني ولزمتني من زندي وسحبتني للمطبخ ماتكدر تصيح بصاله
من الناس بس دخلنه نفجرت بوجهي
سرئ بعصبيه ،،،،،،لج حيوانه شلللللون تتجرئين تلبسين من ملابسي هااا كلبه حقيره هو أنه اشتهيج علمود تلبسين مني الوسخه القذره امشي والي نزعيه ايالله
امشي لج
ضلت تجرجر بيه تريدني انزعه
بهل الأثناء طبت ميساء ومبينه سامعه صوت سرئ
ميساء بعصبيه ،،،،،، ولج خزيتينه كافي صوتج الله يطيح حضج كاعد تلعلعين والوادم هنا هسه شيكولون علينه
سرئ بنزعاج ،،،،،،ماما ليش خليتيها تلبس من ملابسي
تدرين بيه اكرها ومااشتهيها بعيشت الله هااا
ميساء ،،،،،،اذا أنتي يمصخمه مشككه الفستان النطيتهيا
شسوي لعد اخليها مبهذله علمود تاكل وجهي الوادم و
يالله كافي امشي يم اختج وخل يعدي هذا اليوم والج
افتهمتي لاتسويلنه طلابه كدام الوادم سرئ شيكولون علينه وعوفي هاي الكلبه
كالت هذا الكلام وعافتنه طلعت
دارت عليه سرئ بغضب وكالت
سرئ،،،،،بسيطه يقين أنه الج
باوعتلي بحقد وخلت وطلعت تنفست بغضب مكتوم بداخلي شلون راح تخلص وياها مادري والله
تعبت منها ومن مشاكلها وياي
بس والله فرحت من حسيتها مقهوره ايبا. احس بنتصار
مو طبيعي
طلعت من المطبخ ورحت للصاله وكفت علئ صفحه وباوع للنسوان وهوستهن صاحن عليه يردن ماي رجعت للمطبخ ترست السله ورحت وازع عليهن وسرئ كلساع وطاكتني بخزه لعبت نفسي وأنه ابتسم بوجها بتشفي والله ياالله عبالها تخوفني بخزرتها
خلصت الحفله والناس بدو يطلعون وأنه بديت الم الزباله روئ راحت تقص صور اهي وخطيبها وسرئ وياهم
راحت ههه بكل عزه لطامه. ام اسامه والبنات هم راحو بقيت أنه وميساء بلبيت عمي والولد ماموجودين فماخذه
راحتي بلبيت نضفت الصاله علئ سريع وصعدت أبدل خل انزع فستان هاي العوبه احسلي لا تسويلي سالفه جديده
رحت للحمام غسلت وجهي وأيديه باوعت لروحي بلمرايه مالت الحمام عمي والله طلعت صاكه أنه ومادري بروحي هههه والفستان لايكلي فتريت كدام المرايه ورجعت فتريت واسمعلك ميساء. تلعلع
