يقين الشهم
للكاتبه أيليا النور،،،،،
البارت الرابع والعشرون
بسم الله الرحمن الرحيم
قراءه ممتعه متابعيني اتمنه تعلقون. و ضغطون على مكان النجمه
،،،،،، ،،،،،
.
بهل اثناء نفتحت غرفه من الغرف و
طلع واحد مبلحس لابس دشداشه مال وهابيه طافره عليه هنوب هيه لونها ابيض صاير رصاصي من كد الوصخ والشعر عبالك لا زكه بتفله مصطحه تمصطح ولحيه شطولها شكيت بيه ارهابي والله لئن خلقته كلها الله گالبه گلب
ضليت فاكه حلكي عليه شنو. هل منضر نتبهلي باوعلي من فوك ليجوه وخله ايده علئ لحيته يعلبيها كئن جاي يتفحص شي تمتم بكلامات ماسمعتها وخله ونزل
بلعت ريكي بخوف هاي انه وين نذبيت بيا بئره الحجي يخوف جنه وحش وهسه هذا عبالك ارهابي
شنو هل بيت
رحت بسرعه للحمام غسلت وجهي وفركت حلكي فركه معدله كدما لعبت نفسي من البوس مال الحجي عيعع حلكه بيه ريحه خايسه
هسه شبيك اجيبلي فرش ومعجون وغسل هل حلك يحضي خل ينضف لا من شكل لا من ريحه الله يساعدني عليك
خاف اموت من الرائحه الكريهه
هزيت ايدي وطلعت للغرفه كبل دخلت وسديت الباب
رحت للفراش ضليت اتكلب وافكر شلون بيه بهذا البيت
احسه مو طبيعي ابد ولا الناس البيه طبيعيه اجه علئ بالي حازم شسوه من سمع بيه تزوجت
راح يدور عليه لو لا لو ميساء تهمتني تهمه وهو صدكها
اي لعد اتكله زوجناها جبر شي اكيد هسه تكله شردت ويه صاحبها
عبالها ماعرف فصوللها وخخططها الشيطانيه بس الله بلمرصاد نشاء الله يطلع حوبتي بيهم واحد واحد الاذوني
غفيت وانه افكر كعدت لكيت الصبح طالع باوعت لساعه شفتها ٩حيل واجد نايمه شو محد كعدني
كمت عدلت الفراش وخليت الشال علئ راسي فتحت الباب باوعت داير ما دواري ماكو احد ،رحت للحمام غسلت وكملت
ورجعت للغرفه افتر منا ومنا بلكي تجي مرجانه وتفهمني مثل ماكالت امس هنوب بطني ضلت تئذيني من الجوع مر الوقت ومحد صعدلي فقررت اخر شي انزل انه لبست شالي وطلعت من الغرفه
وكفت قريب الدرج واسمع صوت بنات ستغربت الوضع تالي
نزلت واشوفلك اربع بنات كاعدات بصاله بس شنو من لبس شنو من مكياج عبالك عرايس
ضليت ارمش بعيوني عليهن يلمعن لمع وشعر كل وحده لون باوعتلي وحده من عدهن وصاحت
،،،،،،،، انتي منو
نتبهلي البنات الباقيات وطلعت مرجانه من المطبخ كالت
مرجانه،،،،،،،هااا كعدتي صباح الخير عيوني
يقين ،،،،،صباح النوغ
