يقين الشهم،،،،،،،،
للكاتبه أيليا النور ،،،،،،،
البارت الثاني والعشرون ،،،،،
بسم الله الرحمن الرحيم نبدي على بركه الله
قراءة ممتعه واذا شفتو سحك غلسو وامشو عدل
عطرك كنسمات الربيع
عيونك كليل اظلم
شعركي مثل الكحل في العين
شفتيكي مثل الكرز
يقين الشهم
للكاتبه أيليا النور
مروه
خاله مريم ونسوان عمامي ستلمن امي يسألن والصدمه طلعت حامل عليها شهرين ومحد يدري
نرجس ،،،،،،،يمه مروه شوي لمرت خواج معلاك البت نزفت هواي خل يرجع الدم بيها
مريم بقهر ،،،،،،،اوف يقهرك يامنير. حتئ ماتهنه بوليده راح بغمضت عين
نرجس ،،،،،،،الله يعوضه مادام حبلت هسه نشاء الله بطنها خضرت
مريم ،،،،،،ياخضرت. بعد ماتحبل العاكر. وكولي كالت مريم
نرجس ،،،،،،،كلشي بحكم الله قابل بيدها
خاله مريم عوجت حلكها ماعاجبها. الحجي. رحت شويت المعلاك وديته لهم دكيت الباب ودخلت
شفتها متمدده ومنير كاعد يم راسها مبين خايف عليها
منير يموت على منار يبوس الكاع التمشي عليها
مدللها صاح منير
منير ،،،،،،،جبيه مروه
نطيته الصينيه خلاها بحضنه وكعد يوكلها وهيه تتنعوص
اوي وتلعب نفسي بطني تئذيني عفتهم ونزلت
رحت للمطبخ ايات وزهراء جاي يسون عشه
وشيماء وايلاف يقصصن طرشي وخيار وطماطه
انه هم بديت اشتغل وياهن. دخلن نيڤين ونورس ورتاج
وامل بنات عمامي احنه ماشاء الله خير من الله يعني اذا اريد اعرف عنه كلحنه راح دوخون اجن يساعدنه
تقربت يمي نيڤين بت عمي الشيخ وهمست
نيڤين ،،،،،،،،مروه الشهم وينه ماشفته
باوعتلها بتتدقيق. و ابتسمت بطرف شفتي
مروه ،،،،،،ليش تسألين عليه
نيڤين وهيه تشيح بنضراتها ،،،،،،،يعني ابن عمي واسأل عليه بيها شي
مروه بهمس،،،،،،لا ما بيها شي وعلمود اروي قلبج العطشان شهم فوك بغرفته
نيڤين ،،،،،،،،اهاااا يعني نزل من دوامه
مروه ،،،،،،سوده عليه توه طاب وتلكيناه من الباب بمصيبه منار حتئ مارتاح
نيڤين ،،،،،،خطيه الله يساعده
