- أزيك ؟
= الحمد الله ..
- اخبارك ايه ؟
= الحمد الله بخير
- انت عارف احنا قاعدين مع بعض ليه؟
= ايوه اكيد .. جواز ان شاء الله
- جواز .. ماشاء الله سقف طموحاتك عالي
= لو لينا نصيب ..
- طيب فى حاجات لازم نتكلم فيها هنفرق كتير فى إتخاذ القرار ..!
= اتمام ..
- اتفضل ورقه دي وعلم ب إيدك ع كل حاجه هتقول عليها
= تمام ..
- تشرب شاي ، قهوة ، نسكافيه ، ينسون ؟!
= لسه شارب شاى ..ممكن نسكافيه
- بص هناك كده .. فى كاتل وكل أنواع الكابتشينو اعمل لنفسك واحد واعملي واحد موكا من غير سكر ..
= عاوزة كوبايه ولا مج ..
- هسيبك لذوقك وقرارك ..
راح عمل الكابتشينو ..
= اتفضلي ..
- مااخدتش ليه المج ..؟!
= لأنك مبتشربيش غير فى مج !
- وانت ..؟!
= مبيفرقش كتير معايا ..
- يعني لو فى البيت مج واحد هتتنازل عنه ليا ؟!
= اكيد ..
- ليه .. حب وكده ؟!
= لا هرمونات .. لو معملتش كده هسمح الهرمونات تطلع ع الستيتج واني اناني ومبحبكيش ومبفكرش فى نفسي .. واحنا كرجاله ممكن نشرب من الكاتل نفسه ..!
- تمام .. مستعد ..؟!
= وانتي مستعده ..؟!
- جدا ..
= اتفضلي ..
- لو بتحب فى الفراخ الصدر ولا الورك ؟
= الورك ..
- ولو فى مره نفسي راحت له
= بالهنا ع قلبك ..
- اتفضلي علم ف خانه انك ممكن تتنازل عن الورك فى يوم ..
= تم .. عرفت انك بتحبي جناح الفرخه ..لو فى مره اطفست فى جناح هتتنازلي عنه ولا هتعملي حوار ؟
- الفرخه ليها جناحين ع فكره ف الموضوع خلصان ..
= اتفضلي علمي ع الخانه ..
- بتحب السمك ..؟!
= طبعا ..
- يعني ممكن تجبرني اعمله علشان تأكله
= لا طبعا .. لاني عارف انك بتحبي المشوي والجمبري الجاهز وعادي المقلي اكله عند امي ..
- اتفضل علم انك هتاكل المقلي عند امك وامي ..
= بتعرفي تعملي مكرونه بشاميل ؟!
- ايوه
= فى يوم فى الاسبوع تعملي مكرونه بشاميل
- من عندي يومين مش يوم واكبر علامه للمكرونه وهي متمرمغه بشاميل بالجبنه .. تقطيع البطيخ سخيف .. تقطع البطيخ انت ؟!
= بس متسأليش ع نص البطيخة الل هتكون اتاكلت وقت التقطيع ..
- لو مفيش ضيوف مفيش مشاكل ..
= تخصصي يوم للمحشي ثابت زى المكرونه؟!
- هيبقي صعب لكن اشطه انا بحب المحشي .. بتحب تنام ع الحرف ولا جوه ؟!
= على الحرف علشان لو جه حرامي ياخدني انا ويسيبك
- حنيه مفرطه دي ولا عاوز تخلص مني ؟
= لا تغيير مكان ممكن .. الازازيز الفاضية قبل ما تنامي تتملي وترجع التلاجة قبل ما تنامي ..؟!
- ولما تخلص كوبايه النسكافيه او اى حاجه تشربها تحطها فى الحوض ..
= لما تاكلي شيبسي وتفرفطي فرفته السنين تلميها قبل ما تنامي ..
- ولما تجوع تسخن لنفسك فى الميكرويف الاكل ..ولو كنت جعانه تسخنلي معاك ..؟
- سندوتش الجبن السايحه تعمليلي معاكي من غير ما تسألي
- الل هتاكله برا البيت تجيب منه ليا وانت جي
- تمام
= تمام ..
- فتحت الفريزر ولاقيت علبتين ايس كريم فانيليا وشوكليت .. هتاخد انهي ؟
= كراميل .. هيكون معاهم كراميل انتي مبتحبهوش ومش هتقربيله ..
- ذكاء متفرزن دا ..
= خطه محكمه ضد الهرمونات ..
= بتحب الولاد ولا البنات ..
= البنات لطاف كده وطعمين
= ولو جبتلك ولد هتكرفه
- دا هيبقي صاحبي الانتيم
- تربيته ع مين؟
- على الفاضي يشيل اكتر انا هكون برا البيت اغلب الوقت ..
- هتفضلي من وقتك وقت لابنك معايا انا مجبتوش لوحدي ولا طلعلي فى كيس شيبسي علشان اشيل الليله لوحدي .. ها ..؟!
= اكيد ..
- اتفضل علم ..
- هتستنيني لما ارجع بليل ولا هتسبيني وتنامي ؟!
= يتوقف ع مواعيدك قبل ١٢ مسموح بعد ١٢ انت ونصيبك .. اتفضلي علمي ..!
- حاجات السوبر ماركت مين هيجبها .. انا ولا انت
= هننزل سوا نجيبها
- متاكد ..
- ايوه ..
- تتوافق ع طلبات البيت ومش هتراجع ورايا وتخنقني .. اتفضلي علم لو موافق !
- مش هتساليني السؤال بتاع هناكل ايه انهارده لاني هقولك اى حاجه.. فاجئيني بالأكل..
= يعني مش هتقولي مقترحات ..؟!
- يومين مكرونه بشاميل ويوم محشي ويوم سمك ويوم عند والدتك ويوم عند والدتي ويوم فاضي مسموحلك ب اى اكل .. ف بالتالي مش هتساليني .. علمي لو موافقه ؟
= بتنام فى النوى عادي ؟
- ايوه
= ولو قولتلك انا مبحبش الضلمه ومش هعرف انام فى النور .. هتتنازل وتنام ولا هتسيبني وتنام برا ؟!
- فى اختراع اسمه منامه بتتحط ع العين ..
- يبقي هتعلم انك مش هتسيبني انام لوحدي مهما حصل
= ال أونلاين مش عمال ع بطال .. تخفي الاون لاين شويا بمعني الضروريات اهم وتعرفيني الل هتطلبيه قبل ما تطلبيه .. لو موافقه اتفضلي علمي ..!
= المسقعه باللحمه ولا بالشاميل ولا عاديه وعلم مكان الل بتحبه !
- سندويشات جبنه بالخيار ولا بالطماطم اتفضلي علمي ؟
= هتساعدني فى شغل البيت والطبيخ وأى حاجه تجمعنا مع بعض .. علم لو موافق ؟
- هتسبيني اخرج مع اصحابي ومش هتقفشي علمي لو موافقه ؟
= هتخرجني زى ما بتخرج مع اصحابك ولو ملناش ركز فى ملناش مزاج .. نعمل فيشار ونتفرج ع فيلم ..علم لو موافق ؟
- لما يكون فى ماتش يا تتفرجي ساكته يا اروح اتفرج ع القهوه ..علمي ع الاختيار الل يعجبك ؟
- فى يوم ع الاقل هنرمرم من الشارع .. علم لو موافق ؟
- كده المقابلة المرادي إنتهت.. وكل واحد علم ع اختياره ب إرادته .. ؟
= ايوه .. والورقه دى نسجلها فى الشهر العقاري علشان تكون قانونيه ..والله يخالف اختياره مجبر يدفع للطرف التاني مبلغ من المال هيتقدر بعدين ..
-، انتي عارفه ان ممكن اخليكي تتنازلي عن حقوق ب إرادتك يعني علقه محترمه ضربه كده يعني
= نسيت اقولك انا معايا حزام الاسود تايكوندو مركز اول جامعات ومركز تاني محافظات وكنت فى تصفيات الأولمبياد ..
- امضي فين ..
= آخر الصفحه وياريت ترفق مع الاستماره دي صوره بطاقه ونسخه شهاده ميلاد وصورتين خلفيه بيضا ..
-واخر مره شحنت باقه موبيل امتي وبكام صح ..؟!
سؤال ممكن ؟
= اتفضل ..
- ال ٥ سنين الل عدوا من حياتنا دى واحنا متجوزين ومعانا طفل نايم جوه دا نعتبرهم ايه ؟
= مرحله لطشنا فى بعض فيهم وعرفنا بعض كويس ونبدء من جديد ع إتفاق ..
- المكرونه سخنه ولا تتسخن
= لا تتسخن .. سخنلي معاك وهاخد الدبوس زى ما اطفست واخدت الجناح ع الغدا ..
- هتعملي الشاي
= وانت هتغسل الأطباق
- جيبتي حاجه المحشي
= هنسهر سوا نعمله يا حبيبي
اسكريبت غير هادف
مستوحي من حوار بين اتنين سمعته فصلوني 😂😂
