هاي أتمنى تعجبكم القصه واعطوني رأيكم فيها اذا انتهيتو منها ...
بتكلم بصفتي كريم ب القصه كلها ...
صحيت عصر يوم الاثنين وقعدت مع اهلي كا العاده اضحك واسولف معهم والاخ ...
ابوي قالي ان في عشاء في استراحته وكذا قال تبي تروح قلت فاضي ماعندي شي قال خلص بتروح معي قلت تمام رحت للحلاق وتزبطت وحلقت شعري وشعر وجهي ماحلقت لأن اصلاً مافي ههه
وسويته قصه دايم اسويها ورجعت للبيت واخذت رأي اهلي فيها وكا العاده تنمرو بس ماهتم تروشت وتزينت وركبت السياره مع ابوي وكان عشاء مو رسمي فا رحت بثوب عادي ودخلنا عليهم وسلمت والحركات هذي وبحكم اني معرفهم واستحيت منهم قعدت عند ابوي وعلى جوالي ماسولف ولا اتكلم ولا اسوي ولا حاجه وجودي زي عدمه الا فجأه يجيني airdrop بأسم خالد وقال شفيك لحالك روح تكلم معهم لا تستحي ، مكنت اعرف اسمائهم بس اشكالهم المهم قلت تبي الصدق ؟ انهم موب جوي ووووو وقال هم مو من عمري يعني وانا اقوم اختنقت من ريحه الدخان والشيشه لبرا امشي ولحقني واحد وحطيت سماعاتي فأذني وقعدت اتسمع المهم اخذت لفة في الحاره ومريت من الاستراحه الا في احد جاي بجهتي وقعد يسولف معي واحنا نمشي وعرفني بأسمه وعرفت انه هو خالد الي ارسلي airdrop وقعدنا نسولف ونحش ب الي داخل وضحك وعلى ذا الحال لين تعبنا ورجعنا ويوم جينا بندخل قال كريم قلت هلا قال عطني سنابك وعطيته كملنا ويوم قربنا ع الباب ناديته ورد علي ب استغراب هلا؟ قلت مابي اخش قال اوكي رديت وقلت اطفش لحالي قال تبي اقعد معك ؟ قلت اي جا جلس جنبي وهو يبتسم ولاحظت عليه انه مو على طبيعته وكأن في تفاعل فجسمه ، عرفتو الي اقصده اكيد ، المهم ارتحت له مره انا وقعدنا نسولف عن التخصص وعن وظيفته وووو، انا مره مره احب اختبر حدود الناس معي لأن اغلبهم اذا مو كلهم منجذبين لي من عيال وبنات فا اقعد اختبر حدودهم
قلت خالد قوم خل نمشي قال زين واحنا نمشي مسكت يده قال يلعن خيرك كيف يدك حلوه وناعمه كذا وش تحط عليها انت ضحكت انا وقلت ولله ماحط عليها شي من الله هي كذا قلت خالد رد وهو يضحك لبيه قلت مره ارتحت لك وودي اعرفك اكثر واتعرف عليك قال معليك بتعرفني مع الأيام... رجعنا للاستراحه .
