#اذيال الخيبه

الحلقه ١

مصممه الغلاف المبدعه
النرجسيه NARGASA.

بقلمي 𝒽𝒶𝓂𝒾𝒹𝒶 Al-Maliki

قبل ماتقرون القصه اريد انبهكم على شغله في القصه اكو اسم ( عولى ) كثير كالو مو هيج ينكتب ينكتب ( علا ) لاكن انا كتبت ( عولى ) للفظ افضل وفهم أكثر قرأة ممتعا اعزائي

أقبل رجعتك بس عندي كومه شروط

أولهن تردلي سنين محسوبه

وثانيهن شبابي الهدر بين أوراق

وسهر ذيـچ الليالي المالهن حوبه

وثالثهن دموعي الصبّن بفرگـاك

على كل دمعه أفصلك فصل منهوبه

ورابعهن تروح تسكّت الشّمات

وتگلّهم حيل أحبّه وأبقه محبوبه
____________________&

مايهمني شي بدنيه غير النوم والونسه ويه صديقاتي عايشه حياتي وضاربه الدنيه طول بعرض

لحد ما شفت الشخص الي اخذ گلبي وكياني وغير كل مجريات حياتي

#اذيال الخيبه

بغداد _ الجادرية

2010 شهر 12 /17

'''''''''''''''''''''''''''''''

بيوم جو صافي جنه كاعدين سمعت من اخوي اكو ناس جدد نزلو يمنه مااهتميت كل فتره ينزل احد جديد يمنه عادي

بعد 3 ايام

خطوبه ابن عمي بعد يومين رحت اشتري ملابس اني ومرت اخويه طلعنه جبت ملابس

برجعه بل منطقه اكو شباب ثنين واكفين واحد منهم شايفني ماباوعتلهم بيه طبيعه من اطلع راسي بلكاع مارفعه ضليت مدنكه واحجي ويه مرت اخويه ماكنت منتبهه سمعت واحد صاف نفسع على الحايط ذبلي حجي باوعت كان قريب علي سمعت

ياسر _ اييي ايييه تمشي ومامهتمه ماتعرف شسوت بهذا المسكين اني بحياتي ماحبيت هاي الاول من اول مره شفتهة كلبي حبج وهام بيج

تجاهلته ماهتميت رجعت للبيت عزلت الملابس كاعده اقراه كتاب منازل الاخره كولش احب اقره كتب حياتي عباره عن قرأة كتب صلاه دائما امي دكول هنيال اليزوجج دك جهازي باوعت المتصل اخلاص جيرانه صديقتي

اخلاص _ الو هلو

نور _ هله بيج حبي

اخلاص _ وين انتي

نور _ بلبيت

اخلاص _ اكلج تعالي النه

نور _ اول شي كليلي شبيج شبي صوتج شنو باجيه