#اذيال الخيبه

الحلقه ١٦ ( تكمله حزينه ومحيره )

نكمل احداث حياة نور

+

صحاني من ذكرياتي ورجعني لواقع صوت الجهاز المتصل عولى

عولى _ الو ها يروحي شلونج

نور _  زينه

عولى _ اشبيج اشو ضايجه

نور _  وره اخوج كرهني بحياتي

عولى _ اشبي

نور _ كل يوم نفس الشي توسلاته الماتخلص

حسيتها ضاجت لان حجيت هيج عليه

عولى _  اها عوفينه منه هسه شنو اشوكت خطوبتج بعدكم ماقررتو

نور _ بس تخلص اربعين ام علي  ام علي  هيه زوجت ابن عمي التوفت قبل كم شهر

عولى _ الله يوفق بحياتج  وترتاحين بعد كل هذا العذاب

نور _ امين اشكرج يروحي وانتي اشوكت خطوبتج

عولى _ بس تتحسن حالة ياسر اشويه والزواج بلعطله الصيفيه

نور _ الله يتممج على خير انشاء آلَلَهّ بعد روحي

عولى _ اشكرج يلا حبي اخذي راحتج خاف مشغوله

نور _ تمام حبيبتي باي

بعد ما انطيت موافقتي ثاني يوم اجه الولد حتى يشوفني احنه اثنينه  شايفين بعض بس بعد هاي الشغلات الروتينيه لازم اصير جنت خجلانه ومرتبكه حيل  لبست فستان اسود وبي احزام منفوش مثل البدله  وشعري شلته بلقراصه ونزلت منه خصل اجت اول شي امه

اشويه وكال عزام  راح يجي الولد ايشوفج  البسي  شالج لبست شال وبقيت كاعده بمكاني ومدنكه راسي دخل علينه رفعت نضري عليه خطف ودنكت

جان لابس بنطرون اسود وقميص اسود وهو ابيض كلش لايكله الاسود   كعد مقابيلي بقيت مدنكه  واعصر بديه وجهي اشتعل نار من الخجل محد حجى الصمت سيد الموقف

كسرت الصمت مرت اخوي شيلاء وكالت بضحكه

شيلاء _  شنو كاعدين بفاتحه اثنينكم لابسين اسود ومدنكين يلا رحم الله والديه من قره سوره الفاتحه

ضحك هوه وكالهه

احمد _ لا خويه مو نريد نسق سوه ف لبسنه نفس اللون

ام احمد _ حبيبتي  نور ارفعي راسج خلي يشوفج

احمد _  يابه ارفعي راسج تره مو وحش اني ههههه

ضحكت ورفعت راسي صرنه وجه بوجه التفت لامه وكالها

احمد _ يمه هاي هيه وابصم بعشره

ضحكت امه

ام احمد_ ولك يمه اشبيك اكرص روحك شويه من جوه

ضحك

احمد_  شنو السالفه يمه عاد مو كدامها طيرتي الجبها

ضحكنه عليه وهو طلع مبين عليه مرح ويحب يشاقه قروه الفاتحه كالو نقره الفاتحه حتى اصير محجوزه النه بعد وبس تخلص الاربعين  نجي نخطب رسمي