#اذيال الخيبه

الحلقه ٢٣ اختم اذيال الخيبه

بأسم الله

___________&

لاتنسو التصويت و التعليق بين الفقرات
___________

بقلم : 𝒽𝒶𝓂𝒾𝒹𝒶 Al-Maliki

#اذيال الخيبه

نكمل احداث حياة نور

!!!!!!!!!

حالتي النفسية دمرت بسبب الصار كلشي توقعت بس ماتوقعت هذا الشي وخصوصا من ياسر الي جان بعيني ملاك كرهته اضعاف حبي اله وحقدت عليه رغم عرفت هوه ماجان بوعيه وتحت تأثير الشرب بس اني كل ما اذكر الصار انرعب واخاف ويزيد حقدي عليه

هوه بحياته ما شارب هاي جانت اول مره مااعرف شنو الخلا او لي علمه يلتجئ لهيج شي هوه حتى الجكاير اول ما عرفته ماجان يشرب بس بلفتره الاخير صار يشرب يتوسل ويحلف هو ماجان بوعيه والي سواه لان جان شارب بس اني خلص كرهته وماتمنى اسمع بسيرته يمكن هذا الشي من صالحي حتى اكدر اتقلم ويه الشخص الي راح اكمل حياتي ويا

احمد يحاول بكل الطرق يطلعني من الاني بي رغم مايعرف شنو سبب نفسيتي التعبانه بس يعاملني مثل الطفله ويحاول يطلعني من القوقعه السجنت نفسي بيهه

شويه تحسنت نفسيتي بسبب حبه واهتمامه بيه وتعلقت بي اكثر واكثر صرت اشوفه مختلف يمكن بسبب حبي الياسر ماجنت اشوف كل ايجابياته وحتى ماجنت اهتم اله او الحبه واريد بس اخلص من هذا الزواج بس هسه لا صرت اني متمسكه بهذا الزواج اكثر منه من اشوفه كلبي يصير يدك بسرعه مو طبيعيه واتمنى ابقى اباوع بي طول الوقت ومااشيل عيني عنه

احب اسمع كلامه ومامل او اضوج منه شكد افرح من يكلي بنيتي شكد احب هاي الكلمه منه ماعرف اذ جان هذا حب او اعجاب او تعلق ماعرف بس كل الي اعرفه اتمنى يبقى كدام عيني دائما ومايروح هاي الفتره انقطعت عن الكل احمد ماخذ كل وقتي حتى عولي وخلاص الي جانن اقرب اثنين عليه صرت مااحجي وياهن

اليوم 2 من شهر رمضان عرس بنت اختي تتذكروها بنون بنت اختي سبأ

ماعرف اشلون عرس برمضان بس بعد همه رهموها اخذناهه اني وامه وصديقته لصالون قبلهه مرينه علسوك لان اكو شغلات بعدهي ما ماخذته هنه دخلن لمحل واني بقيت اشتري من محل ثاني كملت وطلعت وسمعت واحد كال نور التفت شفته احمد ابتسمت واقتربت منه

نور _ اشعندك هنا

احمد _ جيت ويه صديقي انتي شسوين هنا مو علساس رايحات لصالون

نور _ اي رايحن بس مرينه على السوك لأن بنون محتاجه كم شغله من السوك

احمد _ اها لعد وينهن ليش وحدج هنا

نور _ دخلن لهذا المحل واشرتله عليه واني بعدني اشتري منا كتلهن روحن واني اجي وراجن

احمد _ تمام يله روحي وياهن لاضلين وحدج