#اذيال الخيبه

الحلقه ٥

بأسم الله

___________&

لاتنسو التصويت و التعليق بين الفقرات
___________

#اذيال الخيبه

نور _ احجي دكتور شكو

دكتور وليد _ الولد الي حجه وياج امس شنو يقربلج

نور _ ليش تسئل

دكتور وليد _ جاوبي

نور _ صدیق اخویه

دكتور وليد_ ها يعني مو خطيبج

نور _ لا

اشو هذا كبل ابتسم وراحت الطنكوره

دكتور وليد _  بس هوه امس كلي هو خطيبج وكلي ممنوع تحجي ویاهه او تقترب منهه ليش هيج اذا هوه مو خطيبج

ابتسمت وحجيت بكلبي حبيبي كل ماشاف واحد يحجي وياي راح هدده يمكن حتی غانم هم مهدده لأن هل ايام فاك ياخه مني بلكي هذا الزكه هم يعوفني بحالي

دكتور وليد_  مو احجي وياج

نور _ نعم دكتور

دكتور وليد _ فهميني ليش حجه هیج

نور _ ماعرف دكتور بس هوه صديق اخوي يمكن اخذته الغيره على اخت صديقه

دكتور وليد _ والله ماعرف بعد

عافني وراح يابه دروح اشكد لزکه

بديت سنة 2019

عمري صار 25 سنه

وياسر 29سنه

حالة امي كولش ادهورت بقت اسبوع فاقده تخبلت عليهه ما اتحمل اخسرهه حولونه المستشفى ابن البيطار انسوي الهه عمليه

بس بعد ماسولهه الفحوصات لكوه النزف واصل الراسهه ف لغوه العمليه رجعنه النفس المستشفى بعد اسبوع كعدت امي الغيبوبه اشویه حالته احسن بس بعد اثلث ایام رجعت انتکست مره ثانيه بس ما فقدت ضلت أسبوعين تعبانه

وبعدها اتحسنت بليل كاعده يمهه وهي نايمه فزت من النوم وهي اصيح باسمي ركضتله واني مفزوعه اشبيج يوم شنو يوجعج باوعت بيه

ام عمار _ ابقي يمي لا تعوفيني

نور _اكيد ما اعوفج باقيه يمج

ام عمار _ لا تروحين للبيت ابقي هنا

نور _ اوكي يروحي باقيه مااروح

بقيت 15 يوم وياها تعبت کولش کلت اروح ارتاح يومين واجي جان يوم جمعه سبحتهه ومشطت شعرها وغطيته ونامت بس هي الفترة كولش تعبانه النزيف صعد الراسها وصارت ماتتحمل الغسل ساعه ونرجعه ف السوائل اتراکمت بجسمه

خليت اختي بمكاني ورجعت لبيت ردتت اكعدها واكلهه راح اروح ماقبلت اختي كالت عوفيه نايمه اني هاي كل مااروح اكعدها قبل مااروح حتى لونايمه بس هل مره رحت بدون ما اودعها كلت هنه يومين ورجع ماجنت اعرف هنه اخر يومين بعمرها