#اذيال الخيبه

الحلقه ١٣

بأسم الله

___________&

لاتنسو التصويت و التعليق بين الفقرات
___________

بقلم : 𝒽𝒶𝓂𝒾𝒹𝒶 Al-Maliki

#اذيال الخيبه

ضجت كمت غسلت وتريكت اجه ماهر كال حضري نفسج حتى نروح لموسسة السجناء كملنه ورجعنه بطريق ياسر خابر ماهر سئله اشوكت نرجع

كله ماهر بعد 3ايام كله وانته كملت شغلك
كله ياسر اني بعد يومين ورجع اخوي كله لا ابقى ويانه بعد اشعندك راجع وحدك
ياسر كله راح انتضركم

رجعنه لبيت اختي لكيت البنات يبدلن

نور _ وين رايحات

محمد _ امشي بدلي بسرعه بدون اسئله

نور _ ولك غير اعرف وين رايحين

محمد _ امشي ومالج علاقه

اني جنت لابسه تنوره وقميص رحت بدلت بنطرون وبدي وستره كلهن اسود لان اني بعدني البس اسود مانزعته على امي

نور _ يلا كملت وين راح نروح

محمد _ تعالي

رحنه كلنه سيارتين سيارت اخوي وسيارت محمد اني صعدتت ويه محمد ردتت اصعد بلوره

محمد _ تعالي يمي وخلي البنات وره

زوجته ويانه بس ابد ماتغار او تضوج مني بلعكس تضحك على عركنه وشقانه اني ومحمد رحنه اخذنه اول شي لسيد اخضير

زرنه وبعدها رحنه لمدينة العاب واحمد طول الطريق امشغل اغاني ويركص بسياره احنه مكيفين عليهه بس امه خطيه تخاف عليه كل ماتوصل سيارت اخوي اكبالنه وكاتله ولك علكيفك راح تموتون خبلت البنات محمد ايكله يمه هنه يريدن هيج مو اني وصلنه لمدينة العاب تونسنه كلش بقينه اربع ساعات

بعدها رحنه تعشينا بمطعم ورجعنه للبيت هلكانين من التعب سبحت وتمددت اريد انام اجن البنات

نور _ وين وين وكت نوم الساعه 8 اطلعو بره اريد انام ولكم

دعاء_ لالا ماكو نوم

نور _ هسه اطلعون لو اكوم اكتل جهالكم

طبعا همه كلهم مزوجين بس جايات علمودي مجمعات بيت اهلهن

محمد _ واحنه شعلينه بجهالنه كومي اكتليهم

نور _ اسكت لا اكوم اكتلك انته

محمد _ يلا كومي

ركضت وراه وهوه شرد

ازهار _ انجمعو محمد ونور لا ربحنه حتى الناس راح شيل من وراكم

صارت ب12 كتلهم راح انام طفيت كلش شفت الجهاز لكيت خمس مكالمات من ياسر اليوم هم نسيتها وماخابرته رجعت اتصلت عليه جاوب بس مبين زعلان اجن البنات كعدن يمي ورهام اخذت الموبايل وفتحت مكبر الصوت