When Can You Tell If You Love Him?

Chapter 4

9pm na ng gabi at ang lahat ay nagkakasiyahan na. Syempre isa na si Jayson at ang impaktang babaeng yun. Masasabi kong medyo nangangapal na ang mukha ko dahil sa alak na iniinom ko. Kung ang mukha ko ay nangangapal ano pa si Jayson madaling malasing yan e.

Napatingin ko sakanya habang nag uusap sila ni Chesca. Aba ang babaeng ito ay panay na ang haplos sa braso ni Jayson. Wala akong magawa kundi panay ang irap sa kanya. Kulang nalang tumirik mata ko sa kakairap sakanya.

"Wait lang guys ha? Mag c-cr muna ako" pasaling lasing na sabi ni Jayson. Kasabay nun ang pag dating ng mga kaibigan ni Chesca "Bes tara sama ka na muna samin" pagaaya ng kaibigan niya na medyo mga lasing na din. Agad naman sumama si Chesca.

"Sampung minuto ng wala si Jayson" sabi ko saking sarili at tinitignan ang orasan sa telepono ko. Iginala ko ang aking paningin para sipatin kung saan ang cr ngunit hindi ko makita gawa ng maraming taong nakatayo at nag sasayawan.

Nakarating nako na kanto ng cover court at nakita ko na ang cr. "Wala namang katao tao dito" sabi ko saking sarili habang nagpapalingon lingon ako kaliwa't kanan. Wala din si Jayson sa CR na yun. Naghilamos muna ako para kahit papaano mawala ang pangangapal ng mukha ko.

Pag labas ko ng CR naisipan ko munang pumunta ng sasakyan ni Jayson para kunin ang power bank ko. habang naglalakad ako papuntang sasakyan ni Jayson. Nakaramdam ako ng kaba sa dibdib ko. Napahinto ako sabay hawak sa dibdib ko.

Mga tatlong cartwheel nalang ay nasa sasakyan nako ni Jayson. Sobrang dilim sa lugar na yun. Laking gulat ko ng buksan ko ang hulihang pinto ng sasakyan nakita ko si Chesca na naka patong kay Jayson.

Halos mapunit ang panga ko sa gulat at ganun din sila. Walang pang itaas si Jayson at si Chesca naman naka bra nalang. Parehas kaming tatlong nag kagulatan. "Uy Van! Anong ginagawa mo dito!?" gulat niyang sabi habang hinahanap niya ang t-shirt niya para suotin.

Para akong binugbog ng tatay ko sa nakita at naramdaman ko. Parang may humahampas sakin ng walis tambo sa likoran ko ng mga araw na yun.

Galit, selos , gigil, inis lahat na ata ng emusyon naramdaman ko. Dahan dahan akong umaatra habang nakatingin pa din ako sakanilang dalawa. "Uy Van parang ewan naman to e" sabi ni Jayson na kita mo sa mukha niya na nagulat talaga dahil sa nakita ko sila.

Umalis ako ng lugar na yun. Bago ako umuwi dumaan muna ako sa playground na malapit samin para magpalipas ng nararamdaman. Kinuyom ko ang kamao ko habang nakatingin sa lupa na patuloy bumubuhos ng luha ko.

"Ang tanga ko! bakit ko to nararamdaman!?" panimula ko "Hindi ko dapat to nararamdaman kasi bakla ako! Kasi hindi kami pwde para sa isat isa! Hindi ko to dapat nararamdaman at lalong hindi ko dapat siya mahalin!" patuloy na bumubuhos ang luha ko.

Kasalanan ko kung bakit ako na hulog kay Jayson. Hinayaan ko ang sarili ko na mahulog sakanya. Na paniwalaan na lahat ng ginagwa niya para sakin. Mali na mag mahal ako ng taong hindi ako kayang mahalin pabalik.

Tumatawag si Jayson sa telepono ko ngunit hindi ko magawang sagutin. Gusto ko siyang sumbatan sa mga efforts na ginagawa niya para sakin. Gusto kong sabihin sakanya na nasasaktan ako na nawawasak ako pero hindi ko magawa dahil ayaw kong mawala ang pagkakaibigan naming dalawa.

Lumipas ang isang linggo na hindi kami nag kakausap. Ni wala na din akong balita sakanilang dalawa. "Ivan pumasok ka nga muna dito sa office" pagtawag sakin ng boss ko.

"Ivan ano bang nangyayare sayo?" panimula niya "Bigla ka nalang nag kaganyan. Matamlay, hindi makausap tapos lagi mo pang iniskip ang lunch break mo. Aba naman Ivan kung may problema ka sabihin mo naman sakin ng matulungan kita. Kapatid na ang turing ko sayo at sana naman kahit papaano mag open ka sakin. Nalulungkot ako pag nakikita kitang malungkot sa totoo lang" pagtatapos ng Boss ko. Tumingin lang ako sa mga mata niya ng bigla ko siyang yakapin at humagulgol ng iyak.