الجزء السابع
حسن : الشاى يا جماعه
الخال : يعنى انتوا اتكلمتوا مع المدير بتاعكوا زى ما كنا متفقين
احمد : منى الى اتكلمت معاه
منى : أه يا خال كلمته
الخال : وقالك ايه يا منى
منى : قال انه هيكلم هيئة الاثار وهيرد عليه خلال يومين
الخال : طيب تمام ده كويس فين المشكله بقى
احمد : المشكله انهم ممكن ميوافقوش وممكن هو نفسه يكبر دماغه وميساعدناش
حسن : وده معناه اننا مش هنعرف ندخل البيت
عم عاطف : متهيقلى البيت ده يا منى يا بنتى كان ممكن دخوله عادى
منى : ايوه يا عم عاطف بس ده كان فى الايام العاديه لكن فى الكرونا كل البيوت دى مقفوله خالص
الخال : يعنى لو معرفناش نجيب موافقه هنضطر نستنى اما موضوع الكرونا ده يخلص
احمد : واحنا عارفين ده هيخلص امتى يا خال ممكن يقعد شهر ممكن يقعد سنه ممكن اكتر منعرفش
حسن : طيب وايه الحل يعنى
احمد : مش عارف بس المفروض يكون عندنا خطه بديله
حسن : هنعمل ايه يعنى يا احمد اكيد مش هنط من فوق السور
الخال : أكيد فى افكار تانيه لو موافقش هندور عن مين المسئول عن البيوت دى فى هيئة الاثار ونشوف نقدر نعمل ايه
منى : لكن حالياً يا خال مش عاوزين نسبق الاحداث
الخال : بالظبط يا منى .. الراجل قال يومين هنستنى بدا اليوم خمسه وبعد كده منى ترجع تسأله .. الموضوع مش عاوز استعجال يا جماعه
عم عاطف : على فكره استاذ فوزى من النوع الى لو عاوز يرفض حاجه بيرفضها ومدام قال هيرد على منى بعد يومين يبقى هيرد
احمد : وانت متربى معاه يا عم عاطف ..؟
عم عاطف : لا بخفيف شغال معاه من زمان وعارفه كويس يا مستجد
احمد : ايه مستجد دى احنا فى الجيش
حسن : مستجد دى تنفع فى السجن بردو
احمد : ليه وانت اتسجنت قبل كده
حسن : لا ياحبيبى انا أشرف من الشرف
احمد : امال عامل فيها رد سجون ليه
حسن : رد سجون ..! طيب بعد كده دخول السطح هنا هيبقى بتذاكر
ميل الخال على منى وقالها
الخال : احنا ايه الى مخلينا واثقين فى المتخلفين دول
منى : ههههههه ما باليد حيله يا خال هما الى قدمنا
الخال : احنا لو لقينا الدهب هنقسمه انا وانتى ونهرب من المجانين دول .. دول لو بقى معاهم فلوس هيبقوا خطر على البشريه .. اقولك على الحاجه انا هتجوزك ونهرب
منى : هههههههههه انت دمك خفيف اوى يا خال زى احمد بالظبط
الخال : لا هو الى زى انا الاصل يا منى
منى : خلاص يا خال انا موافقه بس انا عاوزه قصر فى الهند بقى
الخال : تاج محل .. هشتريلك تاج محل وفيلين عشان نبقى نركب عليهم ونتفسح فى حديقة القصر
منى : هههههه تاج محل مره واحده انت فاكر اننا هتلاقى مال قارون
الخال : المماليك مش شويه بردو يا منى ههههه
احمد : فى ايه يا خال
الخال : عاوز ايه ياد انت
احمد : داخل جوه ودن منى ليه يا خال
الخال : يغازلها غزل عفيف يا حمار
احمد : بلا عفيف بلا لطيف وسع كده شويه وانزل من على ودنها انا هاجى اقعد جنبها
الخال : تصدق ان ابوك معرفش يربيك
منى : هههههههه
عم عاطف : لا بقولكوا ايه منى دى أمانه يلا يا منى يا بنتى عشان نروح قبل الحظر
منى : حاضر يا عم عاطف يلا بينا
عم عاطف : يلا سلام عليكم
رد الجميع : وعليكم السلام
