"خداع انثي" رائد & رقيه

"خداع انثى"

"خداع انثي"24

رائد ♡ رقيه

"البارت الرابع وعشرون"

أشرقت شمس صباح يوم جديد بنورها الساطع فى سماء الاسكندريه
استيقظت رقيه على صوت جرس الباب فتحت عينيها ونظرت حولها بأستغراب وجدت انها مازالت نائمه بالأرض منذ ليلة امس نهضت من على الأرض بألم شديد وتحركت بأتجاه الباب وفتحته وجحظت عيناها بصدمه عندما وجدت مدحت يقف أمامها ابتلعت ريقها بتوتر وقالت

-ا ا انت خ خ خير جاى ليه

دفعها بقوه ودلف إلى الداخل ونظر إلى البيت بأشمئزاز ثم استدار لها وقال بغضب
مدحت :- ممكن افهم ليه مرجعتيش الفيلا امبارح

نظرت له بضيق وقالت
رقيه :- كده ومش راجعه الفيلا دى تانى خالص ومتقلقش علي الدعايه الانتخابيه بتاعتك انا عند وعدى ووقتها هكون رقيه العبيطه اللى حضرتك اشفقت عليها واتكفلت بيها

نظر لها بغضب وقال
مدحت :- مش انتى اللى تقررى هتعملى ايه انا اقول وانتى تنفذى من غير نقاش

ردت عليه بنبره غاضبه وقالت
رقيه :- انت مش مشترينى على فكره انت ليك عندى الدعايا الانتخابيه وبس غير كده انا حره فى اى حاجه تخصنى وزى ما قولتلك رجوع للفيلا تانى مش هيحصل والمفروض يعنى تفرح بالقرار ده على الأقل انا وابنك هنبعد عن بعض ومحدش فينا هيشوف وش التانى وده اللى انت عايزه

اقترب منها وامسكها من ملابسها وهدر بها بغضب وقال
مدحت :- بت انتى نسيتى نفسك ولا ايه

ردت عليه بغضب وقالت
رقيه :- لا منستش نفسي وعارفها كويس اوى ومش محتاجه حد يعرفني انا ايه

صر على أسنانه بغضب وقال
مدحت :-ماشى عايزه تعيشى هنا انا موافق بس من هنا لحد ما الانتخابات تخلص مافيش خروج من هنا

نظرت له بصدمه وقالت
رقيه :- يعنى ايه كلامك ده انا مش فى حبس علشان تمنع خروجى من هنا انا حره اخرج وادخل وقت ما احب انت ليك بس الانتخابات

نظر لها بغضب وقال بنبره صارمه
مدحت :-هو ده اخر كلام عندى عايزه تعيشى هنا يبقى مافيش خروج نهائى يا اما كده يا هتيجى تعيشى فى الفيلا ورجلك فوق رقبتك ونظر إلى رجاله وقال بأمر
-زى ما سمعتوا كده هتقفوا تحت البيت ومش هتسمحوا ليها تتحرك خطوه واحده بره عتبة البيت ونظر لها مره آخره وقال
-لو عايزه تشوفى الوش التانى بتاعى اكسري كلامى يا رقيه واستحملى بقى بس مش عايزك تنسي ان مستقبل اخواتك فى أيدى انا وكل ما تكونى مطيعه كل ما هتنقذى اخواتك من الحبس اللى هما فيه دلوقتى وتركها وغادر المكان

دفعت الباب خلفه بقوه واسندت ظهرها على الباب وانهمرت دموعها بغزاره على وجهها وقالت بصراخ
رقيه :- ياااااارب مليش غيرك يارب انت المنتقم الجبار وظلت تبكى
.............................................................
بالمشفى