"خداع انثى"43
رائد&رقيه
"البارت الثالث والاربعون"
نظر أسر إلى الطبيبه فرح بأستغراب شديد وقال بتساؤل
-انتى عرفتى مكانى هنا ازاى
نظرت له فرح بتوتر وقبل أن تتحدث تكلم مره اخرى سريعا وقال بعدك اهتمام
-ولا اقولك ميشغلنيش عرفتى مكانى ازاى اتفضلى امشى من هنا مش عايز اشوف وشك تانى
حركت رأسها بالنفي وقالت
فرح:- مش همشى من هنا غير وانت معايا لازم ترجع تتعالج تانى يا أسر اللى انت بتعمله ده غلط بتعرض حياتك للخطر كده
ابتسم لها بتهكم وقال بعدم اهتمام
أسر :- ملكيش فيه حياتى وانا حر فيها ايه دخلك انتى
اقتربت منه بترجى وامسكت ذراعه قائله
فرح :- لا ليا فيه أنا الطبيبه المختصه بحالتك ولازم اقف جنبك لحد ما نوصل لبر الامان واساعدك تنتصر على المرض ده أنا مر عليا كتير جدا شبه حالتك كده وعدى عليهم اوقات كتير اوى يأس وكتير فقدوا الأمل فى أن يعيشوا حياتهم من تانى بس بفضل ربنا قدرت ارجع ليهم الثقه دى من تانى ودلوقتى عايشين اجمل حياة وبيستمتعوا بيها
صر على أسنانه بغضب وأمسك يدها بقوه وهدر بها قائلا
أسر :- انا مش عايز اكون مجرد حاله عندك مش عايزك تعاملينى زى اى حد
ابتلعت ريقها بتوتر وقالت بتلعثم
فرح :- ق ق قصدك ايه ؟
اقترب منها أكثر ونظر بعينيها وقال بنبره حاسمه
أسر :- أنا بحبك وعايزك تحبينى زى ما انا بحبك
دفعته بقوه وابتعدت عنه سريعا وقالت بتلعثم
.
فرح :- ا ا ايه اللى انت بتقوله ده انت اتجننت
اقترب منها مره اخرى وقال
أسر :- اه اتجننت حبك الدافع الوحيد اللى كان بيقوينى ويدينى امل ان اعيش علشانه وانا مستحيل اسمحلك تسحبى منى الامل ده
تراجعت إلى الخلف وحركت رأسها بالرفض وقالت بعدم تصديق
فرح :- انت ازاى تسمح لنفسك تقولى الكلام ده
حرك رأسه بعدم فهم وقال بنبره مختنقه
أسر :- انتى ليه ظهرتى فى حياتى وبالذات فى الوقت ده أنا عمرى ما امنت بالحب طول الوقت كنت شايفه لعبه بايخه ما بين اى اتنين حياة معقده تحت مسمى غريب اسمه الحب ولما قابلتك حسيت بحاجه فى عيونك بتشدنى ليكى كل لما اقاومهم يسحبونى ليهم اكتر خلتينى اخاف على نفسى فى الوقت اللى المرض سيطر فيه عليا يمكن لو مكنتش قابلتك مكانش همنى موت ولا غيره بس انا فعلا عايز اعيش بس اعيش ليكى انتى وبس بترجاكى اتقبلى حبى ده وخليكى جنبى
أنت تقرأ
"خداع انثي" رائد & رقيه
Humor"المقدمه" بين الحب والشهوة خيوط متشابكة إذا هوى القلب تشبعت شهواته، وإذا تتبع شهواته أضاع الحب ونبضاته
