" زواج تحت الإقامة الجبرية "حكم القضاء _تحت التعديل_

الفصل الخامس(بعد التعديل)

اخرجت هاتفها لتقم بإرسال ذلك الفديو ل عبد الرحمن من رقم اخر .. وابتسامتها الماكره تزين وجهها ..

ــــــــــــــــــــــــــــــــــــــــــــــــــــــــــــــــ
امسك هاتفه يتصفح الواتساب الخاص به لتظهر له رساله من رقم مجهول .. قام بفتحها وما ان فعل ذلك حتى اتسعت عيناه بصدمه :
"اه ياولاد الـ *** .. انا ابن ياسر اتصور كدا يافضحتك ياعبده وشماته الهبله اميره فيك .."

صمت قليلا يفكر فى الامر مرت دقائق حتى صاح بنبره حانقه :
" ياويلك منى يااميره الكلب .. بقا بتبعتى الفديو علشان اطلقك ،بس بعينك مش هيحصل ولو على جثتى ..!! "

ـــــــــــــــــــــــــــــــــــــــــــــــــــــــــــــــــــ

اقتربت منها لتجلس امامها ،ثم اردفت بتسآئل قائله :
"هتعملى ايه بعد مارفض يطلقك ؟؟!! "

"ولا حاجه .."

"ازاى يعنى ولا حاجه ؟؟! انتى بتهزرى ؟! "

ابتسمت اميره نصف ابتسامه ثم اردفت ببرود قائله :
"احسن حل ارفع عليه قضيه خلع ويورينى هيعمل ايه يما اخلعه قدام الكل .. !! "

" انتى متاكده ياميرو ؟!! "

ابتسمت اميره بمكر لتصيح قائله :
" طبعاً ومش بس كدا .. دا انا هنشر الفديو وهخلى امه محمد كلها تشمت فيه .."

" لا يااميره غلط متنشريش الفديو، ممكن لو رفعتى القضيه تترفض وتترفع عليكى قضيه تانيه لمحاوله تشويهه سمعه حد ،وكمان محاوله الشروع فى القتل هتقوليلى انا ضربته بس هوقولك فى القانون مفيش كدا واثبتى بقا .. "

نفخت اميره بضيق لتردف قائله :
" خلاص مش هنشر حاجه انا هروح بكرا ارفع القضيه فى المحكمه ،ياما نشوف حكم القاضى هيحكم بايه... !! "

" ماشى ياحبيبتى الـ يريحك انا ماشيه عاوزه حاجه .."

"لا ياروحى .. بس جيسى انا عاوزه نتقابل تانى قريب "

"اختارى الوقت وانا هجيلك .. "

ـــــــــــــــــــــــــــــــــــــــــــــــــــــــــــ

مر باقى اليوم بمعجزه بعد تشاجر هؤلاء الحمقى ، فقد عاد عبدالرحمن المنزل وهو غاضباً بشده بسبب ذلك الفديو وغضب اكثر عندما سآلها هل هيا من فعلتها ..؟! لتجيبه اميرن بكل برود واستفزاز نعم ،وهذا جعل التشاجر بينهم يتزايد وقد انتهى التشاجر بذهاب اميره لغرفتها بكل برود ..تاركه اياه يشتعل من الغضب ..!!

وفى حلول اليوم التالى ..مساءً دق جرس الفيلا ليقم عبد الرحمن بفتح الباب وما ان فعل ذلك حتى وجد امامه شخصاً ما حاملا ظرفً بيده ..

اردف عبدالرحمن بإستغراب قائلا :
" اهلا ..مين حضرتك ؟! "

"انا موظف من المحكمه يافندم .."

"محكمه ؟! محكمه ايه؟؟! "

"معرفش يافندم بس الظرف دا مبعوت لحضرتك من المحكمه ،لو سمحت امضى هنا الاستلام .. "

قام بالتوقيع على تلك الورقه ،وما ان فعل ذلك حتى قام بفتح ذلك الظرف الذى ماان قام بفتحه حتى اتسعت عيناه بصدمه ليصيح بغضب قائلا :
" امــــــــيــــره ..!! بقا بترفعى عليه قضيه خلع وحيات امى لهربيكى يااميره الكلب !! "

ــــــــــــــــــــــــــــــــــــــــــــــــــــــــــــــــــــــــ
وفى احدى الاماكن المجهوله فى مصر ..

اردف ذلك الرجل بتسائل قائلا :
"فى اخبار جديده وتقولها كلها انت مش بتنقطنى سامع .. "

"حاضر يافندم فى اخبار جديده ،الاستاذه اميره رفعت قضيه خلع على الاستاذ عبد الرحمن.."

"فى حاجه تانى..؟! "

"لا يافندم .."

"طيب عينك على اميره وكل حاجه صغيره تحصل توصلى ومتخليش حد يحس بيك .. "

"حاضر يافندم .. "
"غور من وشى ومتقوليش كلمه فندم دى تانى علشان مبقتش اطقها .. "
بعد ذهاب ذلك الشاب همس الرجل بحب قائلا :
"هرجعلك ياحبيبتى هرجعلك و هعوضك عن كل جرح حصلك بسببى .. "

ـــــــــــــــــــــــــــــــــــــــــــــــــــــــــــــــــــ

"امــــــــــيـــــــره ..!!! "

اقتربت منه لتردف بنبره حانقه :
"خير .. ؟! "

صاح عبد الرحمن بعدم استيعاب حقا هو لايصدق افعال تلك الحمقاء :
" انا قولتك طلقنى بالذوق رفضت يبقى بالعافيه هتطلقنى .. "

صاح بسخريه قائلا :
"وحياه امك ..؟! "

ابتسمت نصف ابتسامه مستفزه لتردف قائله :
"اه والنعمه ياعبده وحياتها.. "

"ماشى يااميره انا هوريكى هعمل ايه ،ومش هطلقك برضوا واخبطى راسك فى اكبر واشيك حيطه تعجبك...!! "

"انت الـ هتعمل كدا مش انا .."

يتبع...
متنسوش الڤوت (☆)والفولو ياقمرات ..
بقلم/ رحمه ايمن عيد (حكآيآات ريمووو )