" زواج تحت الإقامة الجبرية "حكم القضاء _تحت التعديل_

الفصل الثانى(بعد التعديل)

حكم القضاء (زواج تحت الاقامه الجبريه)

«لايك وعشر كومنتات»
الفصل الثانى..

فى صباح اليوم التالى فى فيلا شرم..استيقظ عبد الرحمن مبكراً ومن ثم هبط للصالون ليجرى اتصالا ما بصوتً خافتاً بالكاد يكون مسموعاً ..
وهو يرمق غرفه اميره بنظره ماكره ..!!

همس عبد الرحمن بمكر قائلا:
"اما نشوف هتستحملى ولا هتقولى طلقنى ياعبده .." ضحك بشده وهو يتخيل ملامحها بعد تنفيذ تلك الخطه الماكره..!!

بعد دقائق استقيظت اميره وهيا تتوعد بالويل لذلك المتعجرف ..اتجهت للمرحاض لتبدل ملابسها سريعاً وبعدما انتهت توجهت سريعاً للاسفل... وما ان رآت ذلك المشهد حتى فارت الدماء فى عروقها ولكنها اخفت ذلك سريعاً لتبدل ملامحها لاابتسامه بارده مستفزه .. لتتجه صوب عبد الرحمن الذى رمقها بمكر ثم تحدث بإستفزاز قائلا:
"انتى ياتيجى كدا ياتيجى كدا .. عاوز اتفرج على الفيلم مع ميرنا .."

ابتسمت اميره ببرود ثم تحدثت قائله :
"مليش مزاج ابعد .. بس ياترى انت الغباء عنك وراثه ولا حاله نادره؟؟! "

"امــــــــيـــــــــره!!!! "

"اميره ايه ؟؟! هااا انت بتتغابى يعنى فى حد ليله الصباحيه يجيب خله سنان البيت؟؟ ياشيخ اتسكسف دا لو حد شافها جنبك المقشفه دى هيقول ايه؟! وبعدين نصيحه ابقى استنضف شويه بلاش تبقى رمرام .. انتوا كدا صنف وس'خ عاوز الحرق .."

صاح عبد الرحمن بغضب قائلا:
"امــــيـــــــــــره ..احترمى نفسك ،انا الراجل هنا واجيب الـ يعجبنى .."

ابتسمت امير نصف ابتسامه ساخره .. لتتحدث قائله:
"طيب احترم نفسى وفهمتها .. اما انا الراجل دى مفهمتهاش اصلى مشفتش راجل هنا خاالص ياعبده شكلهم غلطوا وكتبوا كلمه دكر فى البطاقه .." ابتسمت بنصر وهيا ترى ملامحه التى كانت كفيله بجعلها تبتسم بإنتصار..

سارت اميره سريعاً من امامه ليصيح عبد الرحمن بغيظ قائلا:
"اااااه .. انا هوريكى يااميره صبرك عليا بس.."

ـــــــــــــــــــــــــــــــــــــــــــــــــــــــــــــــــــــــــــ

فى احدى الكافيهات:_

ابتسمت اميره بحب فور رؤيتها لصديقتها :
"ازيك ياجيسى عامله ايه؟؟! "

"الحمد لله يااميره .. والله اتبسط يما عرفت انك فى شرم سامحينى بقا معرفتش احضر فرحك .. ها قوليلى الاخبار ؟!!"

نفخت اميره بحنق لتتحدث بغيظ قائله:
"اسكتى ياجيسى .. مش هتصدقى دول جوزونى من عبد الرحمن ابن اونكل ياسر.. "

شهقت جيسى بصدمه لتتحدث قائله:
"عبد الرحمن عبدالرحمن نفسه بتاع النايت كلاب .."

تحدثت اميره بحنق قائله:
"اه هو نفسه .. دت يباى عليه بارد عارفه عمل ايه الصبح.. جايبلى خله سنان مقشفه ومقعدها جنبه يتفرجوا على التلفزيون .."

ضحكت جيسى بشده :
"يابت دا بيعمل كدا علشان يطفشك الاول .."

ابتسمت اميره قليلا ثم تحدثت بمكر قائله:
"جيسي انا عاوزه اعلمه الادب ابن ياسر دا..عاوزه حد يضربه ويجيلى البيت متبهدل بس يكون متصور بقا علشان امسكها عليه ذله "

ابتسمت جيسى بمكر لتتحدث وهيا تخرج هاتفها:
"بس كدا من عنيا .. انا اعرف واحد هيظبطلك الدنيا .. "

اجرت اتصالاً لدقائق .. لتغلق هاتفها تاليه صياحها ببسمه ماكره :
"كل حاجه هتم بليل ..!! اجهزى بقا "

ابتسمت اميره بتشفى لما سيحدث مع ذلك المتعجرف لتصيح بحماس قائله:
"حبيبتى والله ياجيسى.. انا الحق اروح بقا بدل مايعرف انى كنت بدبر لحاجه.. "

ضحكت جيسى بسخريه:
"على اساس انه غبى ومش هيعرف انك الـ عملاها .. "

"خليه يعرف.. مش هيقدر يعملى حاجه ،سلام ياحب اشوفك قريب .."
"سلام"

عادت اميره بعد ربع ساعه تقريباً للفيلا لتجلس فى غرفتها منتظره رجوع عبدالرحمن للمنزل..

ـــــــــــــــــــــــــــــــــــــــــــــــــــــــــــــــــــــــ

مساءً..
خرج عبد الرحمن مساءاً من احدى النوادى الليليه برفقه ميرنا .. ليقم بتوصيلها لمنزلها ومن ثم قام بالاتجاه لمنزله ولكنه توقف فجآه فور رؤيته لسياره سوداء تقطع طريقه..!!
خرج منها اربع اشخاص حاملين عصيان ..!!

رمقهم عبدالرحمن بإستغراب شديد .. ليقترب الاربع شباب فور هبوطهم من السياره راكضين تجآهه .. قاموا بإجباره على الهبوط من سيارته ليتحدث عبد الرحمن بفزع وهو ينظر لوجوه الجميع ..:
"انتو مين؟؟!! عاوزين فلوس ؟!! "

ضحك احد الشباب بسخريه:
"مش مهم تعرف احنا مين المهم اننا نعرفك ..!! تعالالى ياحلتها دا احنا هنظبطك "

يتبع...
متنسوش الڤوت(★)والفولو ياقمرات..

بقلم الكاتبه/رحمه ايمن عيد