صاحب

٦٢

"‏ياربّ، حالة من الصَّفاء لا تَشوبها حركة ولا تُعكِّرها جَلَبة."
بيدق؟،مو مستعد كيف اكلمه وانا اصيح؟
رفعت له عقب مادق
:مرتضى؟
قلت بحرحشه:نعم
:تصيح؟
سكت
:لاتصيح على شي مايسوى!
قلت بعصبيه:اشلون مايسوى،تقول ان امي ماتلبس حتى ذا!قصدها ان امي ادنى منها،وزياده..وزياده زياد داس على يدي،جسمي كله مجرح كاني من عصابه!
ولا وش واحد عمره ستطعش كل يوم عنده جرح جديد وندبه جديده
ليه تحبون تاذوني؟،وش مسوي لكم انا؟،قولوا لي بس وبحاول اصلح كلشي!،والله!
وهي قعدت تصرخ كنها مجنونه اشوي وتمشع شعرها وتطلع برا الشارع،لو تدري اني،ان كبدي طلعت عشان بس اشتري لها هالسوار!،ليه ما تقدر؟،ليه ماحد يقدر!،تعبت،والله تعبت!
تنهد تكلم بجديه : مرتضى انا معاك مستحيل اتركك
اذا فيه شي تحتاجه واقدر اساعد فيه بساعدك حتى لو كنت تبي تفضفض،دق علي نطلع او اي شي تبيه
وبعدين ماعليك منها ذي،بزره لاتنزل نفسك لمستوى عقلها،فيه ناس مايثمنون كلامهم ذيلوا لاتعطيهم وجه احتقرهم مايستاهلون اي ذرة احترام وتقدير،لهم ذنب كل كلمه ذبوها بدون حساب،وصدقني الله بيجبر خاطرك وان شاء الله قريب
قلت بحزن:ط.طيب،بس لايضربون!،ترا قسم بالله يالم!،جسمي كله يالمني
تنهد: كسر بيدهم ان شاء الله!،جعلهم الكسر والمرض!
:ول تدعي بقوة
:اسحبها؟
:والله مدري
:ههههههه حلوه ذي اسحبها،عاد انا ما اعرف اواسي صراحه يعني
ابتسمت:لا كفيت ووفيت
تكلم،وواضح انه مروق:تغديت؟
:لا،تغدوا عني،وانا مومشتهي اصلا
:ليه؟
:اليوم انت مو طايقني،قلت يمكن انا عصبت فيك او شي،وزياده انسدت نفسي من الي صار
تكلم باسف:آسف اليوم مدري شفيني،بس كنت تعبان حيل وما اقصد كل الي قلته
سكت،بعدها قال:تسامحني؟،ادري مايحق لي اطلب هالطلب،بسبب خطاياي الكثيرة،بس..مقدر
ابتسمت:ايه،فيه احد يزعل من روحه؟
ضحك:اعجبتني حتى ذي،يلا عن اذنك بروح اتغدا اكلمك بعدين
:تمام وداعة الله،وعوافي لاتنسى تثوب لي من الحلا
:خف خف،كله سكر سكر يجيك السكر بعدين!
:اي والله انك صادق،كيف حلا ياكل حلا؟
سكت اشوي،بعدها صرخ:وجع تو استوعب!،تمدح نفسك يالخايس!،مداح روحه يبيله رفسه!
:منين جبت هالمثل ذا؟
:من الحكيم صالح
:اقول لاتكثر هذره ورح تغدا
قال بسرعه:دقيقه!،شبكت الساعه؟
:لا والله،ماشبكتها مساعه انشغلت وكذا،وهذا انا فضيت الان
:طيب ترا فيها ميزات حلوه،ايه صح نسيت شبقول
:وش بتقول؟
:ابيك تدرسني
رفعت حاجبي بسخريه:درس خصوصي يعني؟
قال بغيظ:ايه
:اك،اجل جهز الموني حقك
:وش الموني ذا؟
:فلوس فلوس!
:يوههه انت عاد ماتمشي الا بفلوس مول
ابتسمت:علشانك بس هالمره ببلاش
:اجل على كذا بستغل هالفرصه اخليك تدرسني كل المواد
:ول!،يعني مارح تهدني الا الساعه اربع الفجر
:هذا اذا هديتك
:انقلع،سلامات بتنهك نفسيتي وعقلي معاك
:شقصدك!
انا غبي؟
:والله انا ماقلت صالح غبي
:انا اعلمك،خل اروح اتغدا بس
وسكر،ضحكت ههههه،دخلت الواتس فيه محادثه من رقم غريب
:سلام مرتضى

وعليكم السلام:
من معي؟ :
:انا وصي عليك
وصي؟ كيف يعني؟😶:
:موصى عليك من طرف احد
من الي بيوصي علي احد؟
انت خالي عبدالله؟:
رقمك الثاني ذا؟ :
:لا ماني عبدالله☺️
هاه؟ اجل من؟:
:تقدر تقول فاعل خير،او تناديني الوصي
انا مافهمت وش تبي بالضبط ومن انت:
بس آمر؟ :
:انت الي آمر،محتاج شي؟🤗
:اي شي تحتاجه كلمني
:انا بكون موجود

واو!،اول مره..احد يسالني كذا غير عن خالي
كل شي؟:
:كل شي،ان شاء الله اقدر اجيبه لك
ابي عايله:
ابي ام:
:هذي هبه من الله،مو مني
:لكن الاكيد ان ربي ارسل لك ناس كانهم عائلتك
في تعاملهم وخوفهم عليك
:اما عن الاشخاص الميتين فهم عند الي افضل منا
:عندك ام حولك،حتى لو انها ماتقدر تعوض مكان امك،لكنها حنونه صح؟👀
كيف:
كيف تعرف؟ 😃:
:انا موصى شي طبيعي بعرفك!
:والان وش تبي؟،اشياء ماكنت تقدر تطلبها لانك محرج تكلف على احد
طيب لو طلبت بكون كلفت عليك!:
:ابدا!
:ذا واجبي انا
:انا موصى عليك،لذلك مابيكون هناك كلافه،او تعب اوحتى نقص في مالي
طيب :
عادي اطلب شي كبير اشوي؟:
:اطلب انت وانا انفذ،واشوف
:وان شاء الله اقدر انفذه على اكمل وجه
ابي غرفه🚶🏻‍♂️:
:تم
جد؟😧:
:ايه😌
:ابشر،هات الصورة وتوصلك في اسبوع على الاقل
متاكد؟ :
:ايه،بتكون عندك احسن غرفه!
يعطيك العافيه!🤍:
انا الان
ميت من السعاده!،الحمد لله الله عوضني!
رحت ادور لي غرفه،تصميم غرفه بالاصح
يتبع..