الطمأنينة بذا البارت! عظيييمة✨🥺 - - - -عن الذين قالوا "عادي" لأنّ "التوضيح" كان ثقيلًا جدًا. وانا كنت ارجف بشكل هستيري واناظر بيدي،انا اطلقت على غيث؟ انا..قاتل؟ هدأت الاصوات الي برا،مافيه ولاهمس جا جابر مع فاضل،ركبوا،وشغلوا السيارة كنت ساكت،وهم كانوا يتكلمون عن الي صار توه وصلنا،نزلوا وانا لازلت محتضن مخدتي بتشتت :لؤي،تسمعني لؤي؟ رفعت رأسي له،وقلت:هل..انا قاتل منجديد؟،غيث..غيث بينتقم مني! كنت ارجف،وجابر سحبني انزل من السيارة رجولي ماتشيلني،قواي خامله،وطحت على الأرض سندني عليه وقال:لا انت مو قاتل،انت ماقتلته صوبته بس دفاعًا عن نفسك،غيث مارح ينتقم،لان بالسجن العسكري الي تحت الأرض،مارح يقدر يطلع كان يفتش فيني،ناظرت فيه باستفهام :صار لك شي؟،طعنك؟ هزيت رأسي:كان..كان بيطعني بس انا سحبت المسدس واطلقت بسرعه ابتسم،ومسح على رأسي :كفو،افتكيت من عذابك بلعت ريقي:بس..انا احس سويت شيء غلط اختفت ابتسامته،وقلت:احس بشي يضغط على قلبي،ويقول اني سويت شي غلط ومارح استريح،احس بقلق! :لؤي..انت مضغوط من كمية الأحداث الي صارت،ومنهار تعال نجلس نشرب شيء ونرتاح،بعدها نشوف حل لذي المسألة،وش قلت؟ هزيت رأسي بغير حيلة،وحطيت مخدتي تحت يدي،صعدت بشقة فاضل..يقولون انها بعيده عن المنطقة الي انا وجابر عايشين فيها دخلوا وانا انسدحت على الكنب من جديد،حاضن مخدتي بقوة ومنسدح عليها كانوا بالمطبخ يتكلمون :جابر الولد مو طبيعي :وش يعني؟ :يعني الولد منهار!،يحتاج مستشار نفسي قول لأهله رفع حاجب وقال بهدوء:اقول لأهله؟،لأخوه الي انقلب عليه فجأة من غير سبب؟،او امه وابوه الي مالهم حيل حتى يجيبون فلوس؟ ارتفع صوته:كيف يعني مالهم حيله يجيبون فلوس؟،وش بتسوي يعني! تنهد:ابوه عنده ديون كثيره،ويشتغل عشان يوفي هالديون،حيدر يشتغل ويساعد ابوه،بس بيدفع عشان إستشارة نفسية ولمن؟،للؤي الي صار يكرهه كره المسلمين لليهود؟ :شدراك انه يكرهه؟ :افعاله تفسر كل شيء!،يفشل اخوه ويضربه قدام الناس،وش تعني ذي؟ انت اخوك عمره سوى كذا؟،انت يوم صغير لو صحت على لعبه تبيها جابها لك رفع صوته اعلى:بس شدور اهله طيب!،اذا مب يساعدونه في مشاكله او حتى يدفعون نفقته الطبيه!،وانت الي بتسوي كل شيء!،ولدك هو؟،اخوك؟! التف له ووقف قدامه:ترا هو ماقال شيء ماقال يبي شيء،حتى يوم يهجم عليه غيث ومدري وش يسوي له،سكت ولا تكلم،ماقال ساعدني انا اموت ماقال عطني طوق نجاة!،انا الي رميت له طوق النجاة بس مارح اسحبه منه!،تخيل تغرق وتشوفني احاول ارمي لك الطوق ثم اسحب عليك! وش بيصير بقلبك وروحك؟! طلع وحط كوب على الطاولة القريبة ،وجلس على الكنب الثاني :سويت لك نعناع يهدي اعصابك،قوم اشربه جلست من غفوتي،وناظرت فيه قال باستغراب،توه ينتبه له:وش قصة الدب حقك؟ :مو دب ذا،قرش :اوه،عذرا،قرش محشو قلت بهدوء:مخدة اذا قلقت احضنها،انا احب الأشياء الناعمه واللينه، حتى المخمل يريحوني ويخففون قلقي وانا نايم او حتى المس فيهم ابتسم،ثم جلس يتابع تلفزيون جا فاضل جنبه وجلس يتابع،مدري ليه حسيت الجو متوتر بينهم انسدحت بعد ماشربت النعناع وخذت غفوات متقطعة،جلست ولمبات الصالة مطفيه،قمت اشرب ماي ويوم رجعت شفت جابر واقف :مساعه..يوم غيث يمسح على رأسك ، وش كان يقول؟ ارتجفت يوم ذكرت شقال،بلعت ريقي:عبدالرحمن..الي..كان يتح..فيني لفظيا،بعد ماهربت يدور عني،ويوم مسح على رأسي يقول انه اشوي بينهي عذابي بسرعه اذا طعني،يعن.. تذكرت وش سوى لي عبد الرحمن ابكي،تحر.. مرتين جسديا،بس سبب شرخ في روحي كل ما اذكر استفرغ قمت بسرعه لدورة المياه استفرغ،وابكي لحقني،وجلس يمسح على ظهري بخفه يوم خلصت،قومني وجلسني على الكنب وشغل اللمبات الخفيفة،جلس جنبي على الكنب حطيت يدي على وجهي،انا تدمرت حرفيا! :لؤي؟ ناظرت فيه وانا ابكي:مالي حيل،انهد حيلي متى ربي يفكني وارتاح من هالحياة!،انا...انا تعبان!،والله تعبان،حيدر صار يكرهني وذا عبد الرحمن يلاحق فيني،و..وذكرياتي مو جايه تعتقني! جالس اتعذب من كل الجهات! قال بهدوء :لؤي،انت سمعتنا يوم نتكلم بالمطبخ؟ مسحت دموعي:ل..لا :طيب،قررت شيء بيكون من صالحك ،تاخذ استشارة نفسيه؟ ناظرت فيه،قال يقنعني:ترا كلنا فينا امراض نفسيه لكن الفرق الوحيد هو لو تفاقمت،وكبرت وصارت تأثر علينا وعلى حياتنا ناظرت في الأرض،وقلت بخفوت:بس..انا ماعندي فلوس، وما ادري عن ردة فعل اهلي تجاه الموضوع :انا اتكفل بكل شي وسعت عيوني:يعني شنو؟،يعني انت بتدفع كل شيء؟ هز رأسه بابتسامة:ايه،ليه في شيء غلط؟ قلت بجديه:اي ذا اكبر غلط!،انت سويت أشياء كثيرة لي،وكبيرة لكن ذا اكبرها،ما اقدر!،انامو صاحبك ولا اخوك،ولا شيء! كيف..كيف تصرف علي بهالشكل!،كيف تعاملني كني من اهلك،لا ما اقدر ..اتركني كذا اصارع نفسي،مابثقل عليك ازيد قال بغضب طفيف:كيف ترفض لي طلب!،انا ساعدتك رد لي هالجميل بذا الشيء البسيط! :بس..بس..صعب علي جابر!،اهلي لو دروا اني قبلت منك هالمعروف او مدري وش تسميه بيعصبون!،خصوصا ابوي بيحس بالحزن والضعف انه ماقدر ياخذ ولده لمعالج نفسي! تنهد ثم قال:طيب..رد لي الجميل بشيء واحد بسيط كنت متوجس وخايف من الي بيقوله قال بهدوء وهو يناظر بجدية:تبقى معي رمشت بعدم استيعاب:مافهمت؟،ك..كيف يعني؟ زفر هوا:يعني تبقى معي ماتفارقني :اسكن عندك؟ قال بانزعاج :لا يامفهي!،اقصد ماتتركني وتروح،طيب؟ قال بهمس ماسمعته:مارح اخلي شبيهه يروح من بين يديني،مارح اعيد الغلطة قلت بانفعال طفيف :لا!،مب رد جميل ذا! رفع حاجب:تبي شيء محسوس؟ ناظرت بالأرض:اي،ما احس انه ذا يرد كل الي سويته لي قال ببرود وهدوء:بس انا صاحب القرار،انا الي اقرر كيف ترد لي الجميل قلت بارتباك:طيب..طيب حيدر بيزعل لو صرت صاحبك! :انا ماقلت بترك حيدر وبصادقك!،انا اتفاهم معه معليك قام جاب اللابتوب حقه:فيه واحد اعرفه استشاري نفسي،بحجز لك موعد عنده،وانا الي بوصلك شدد على اخر كلمة :طيب.. فركت يديني ببعضهم :بعد كم يوم عادي؟ هزيت رأسي،مب اتشرط لان هو الي قال يبي،مايصلح قلت بخفوت:طيب عادي.. ارجع البيت؟ :تبي اوصلك؟ هزيت رأسي،محد بيوصلني اصلا،ومن فعلة ليث وانا اخاف امشي لحالي بالشارع قام وخذ المفتاح وراح غرفة من الغرف ورجع ،نزل ونزلت وراه وصلني البيت،ودخلت،استقبلني ابوي وهو متجهم ،بلعت ريقي،مصيبه ثانيه؟ قال بهدوء:مسوي حادث،ليه مابقيت بالبيت مرتاح؟ زفرت هوا براحة:ك..كان،كنت مشغول اساعد الي صدمت معه همهم من غير رضا،ثم قال:الحمدلله على السلامة،ماصار لك شي صح؟ هزيت رأسي:لا..ماصار لي شيء :طيب،فيه لك عشا في المطبخ،امك برا ماجات هزيت رأسي،انا مب اكل لاني مو مشتهي رحت الغرفة،الا حيدر فيها حطيت اغراضي،ورجعت مخدتي في مكانها كان يناظر فيني،بس انا ماناظرته اذا هو مايحبني،انا احبه لانه اخوي بعدين انا من لي ؟،يمكن جابر يتخلى عني لاني ما اصير له مب يدوم لي طول العمر بس انا مب ازعج حيدر او اتهاوش معه،لو تشوفون عصبيته! تطغى على عصبية ابوي وبعدين بياذيني،وانا لحالي متدمر :كنت مع جابر؟ مارديت لاني افكر :اكلمك نقزت على صوته :هاه؟ :طالع مع جابر صح؟ هزيت رأسي :هذا اشوف،طلعاته قلت معي همست:اسف صدم ظهري بالجدار:اذا انت آسف،تركه لاتمشي معه توسعت عيوني وشتت انظاري:مقدر..قطعت وعد مسكني من ياقه بدلتي:قطعت وعد؟،لاتقهرني لان ماعندك ربع تاخذ ربع الناس! بلعت ريقي بخوف:انا..انا ما اخذت اصحاب احد!هو..هو قال اني..هو..بيتفاهم معك انا ما لي شغل :تبي اصدق؟ سكت قلت بخفوت وتردد:طيب..انت ليه م..متغير كذا؟ :لانك تنرفز!،كيف صرت صاحب جابر!،فرق بين عمرك وعمره! :ط..طيب،هو قال بيبقى صاحبك،يعني انا بكون طرف زايد مو بذيك الاهمية،ليه زعلان؟ :توك تدري انك طرف زايد؟ وبعد عني،بلعت ريقي،وطفيت اللمبات وانسدحت نمت اليوم الثاني،فتحت الجوال بعد يوم كامل،كان مليان رسايل،ووحده منهم من صالح :شوف انا قلت لك مو محبه فيك،بس لانك صاحب مرتضى،وبحكم ذلك ابيه يصير سعيد🙄 رديت:من بعد وش تبيه سعيد؟😶 :ابي افهم انتوا كيف تفكرون؟،تجرحون بعدين تقولون اسفين احنا نبيكم مره ثانيه؟ والقلب الي كسرته بكلامك؟ :كلز.. :ماتقصر وش اتوقع منك؟ :بتسوي الي اقولك عليه ولا شلون؟،انت تدري اني شفتك تقتل صح؟😮💨 :ف اذا ماتبي افضحك عند خلق الله،سو الي اقولك عليه🫡 :تمام؟ :اول شي دور لي على استراحة حلوة ما انتظرت ازعاجه،وكلامه الي مثل السم رسلت له اعلان لاستراحة،وطلعت من محادثته،شفت جابر يرسل :الليلة الموعد،اجهز هديت الجوال،ورحت اصلي،وعقب ماخلصت سجدت وقلت بضعف: " اللهم أنت ثقتي في كل كربة، وأنت رجائي في كل شدة، وأنت لي في كل أمر نزل بي ثقة وعدة، كم من كرب يضعف عنه الفؤاد، وتقل فيه الحيلة وتعييني فيه الأمور ويخذل فيه القريب والبعيد والصديق، ويشمت فيه العدو أنزلته بك وشكوته إليك، راغبا إليك فيه عمن سواك، ففرجته وكشفته وكفيتنيه. فأنت ولي كل نعمة، وصاحب كل حاجة، ومنتهى كل رغبة، فلك الحمد كثيرا ولك المن فاضلا، وبنعمتك تتم الصالحات. يا معروفا بالمعروف، يا من هو بالمعروف موصوف، آتني من معروفك معروفا تغنيني به عن معروف من سواك برحمتك يا أرحم الراحمين. هالدعاء،احبه يخليني احس بمشاعر كثيره مشاعر حب،وثقه ان ربي مارح يخذلني وان احسن شي اسويه في الشدايد،اني استشعر وجود ربي،واتقرب منه حتى لو اني باسوأ الحالات! يقول ربي: وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ هو اقرب من حبل الوريد الي بجسمنا،ليه نخاف؟،دام ربي اعلم بكل كبيرة وصغيرة في حياتنا وفي نفسنا،ربنا احن علينا حتى من امنا وابونا،هو الي خلق وهو الي يدبر،وانا يا خالقي اعرف ذا الشيء،ومفوض امري لك ومتكل عليك،صحيح لتوي كنت بجزع على الي صار لي،لكن تداركت نفسي يارب اعني على نفسي،وارزقني من واسع فضلك وكرمك يتبع... — -
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لون الشعر يشبه لون شعر لؤي،لكن الشكل لا ولدي احلا 🦭
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شفتها وحسيتها يد جابر 😶🌫️-من زمان كنت ابي ارفقها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
