Perfect Secrect Love : A Bad New Wife is Alittle Sweet [Side Story of Ji XiuRan]

၆

[Unicode]

အပိုင်း(၆)

လွတ်လပ်သောနိုင်ငံတော်:

ဆောင်းရာသီရောက်လာပြီ ဖြစ်သည့်အတွက် ကောင်းကင်ပေါ်မှ နှင်းများဟာ ငန်းမွှေးများကျလာသကဲ့သို့ တစ်ရက်တာလုံးကျဆင်းလျက်ရှိလို့နေသည်။

ကျီဘုရင်၏ မြေအောက်အင်ပါယာဂိုဏ်း ဌာနချုပ်နားတွင်ရှိသော ခြံဝင်းထဲ၌ :

ကျီရှိုးရန်သည် အလွန်ထူထဲသော အပေါ်ဝတ်ရုံကို ဝတ်ဆင်ထားကာ သူ၏ရှည်လျားသော ဆံနွယ်များမှာလည်း နောက်ကျောတွင် ဝေ့ကာနေ၏။

ထိုယောက်ျားလေးမှာ ဒူးထောက်ထားကာ သူကိုယ်တိုက်စိုက်ပျိုးထားသော သစ်သီးဝလံများနှင့် ဟင်းသီးဟင်းရွက်များကို ဂရုတစိုက်ကြည့်လျက်ရှိ၏။

" ကိုကိုရှိုးရန်.. ကိုကို ရာထူးကထွက်ပြီး သာမန်ဘဝနဲ့ နေမလို့များစဉ်းစားနေတာလား "

နျဲ့ဝူယိုသည် သူ့ခန္ဓာကိုယ်တွင် ဆီးနှင်းများ၊ မိုးစက်ကလေးများဖြင့် အနည်းငယ်စိုစွတ်လျက်ရှိကာ ခြံဝင်းအတွင်းရှိ ထိုင်ခုံပေါ်တွင် ထိုင်နေရင်း ကျီရှိုးရန်အား မေးလိုက်၏။

ထိုယောက်ျားလေးမှာ အဘယ့်ကြောင့် ယခုလို သစ်သီးဝလံများနှင့် ဟင်းသီးဟင်းရွက်များကို စိုက်ပျိုးထားသည်မှန်းကို သူမနားမလည်ချေ။

" ရာထူးကထွက်ပြီး သာမန်ဘဝနဲ့နေမယ်? " ကျီရှိုးရန် ငြင်သာစွာ ရေရွတ်လိုက်သည်။

" အင်း..ရာထူးက ထွက်ပြီး သာမန်ဘဝလေးနဲ့နေမယ် " နျဲ့ဝူယို ဟာသဆန်ဆန်ပြောလိုက်သည်။

" ဘာလဲ.. အဲ့တာ ဝူယိုလိုချင်တဲ့ ဘဝပုံစံလား" ကျီရှိုးရန်သည် နျဲ့ဝူယို ဘက်သို့လှည့်ကာ မေးလိုက်၏။

" လိုချင်တဲ့ ဘဝ.... " နျဲ့ဝူယို သူမမေးစေ့ကို ပွတ်ပြီး အချိန်ခဏတာ စဉ်းစားပြီးနောက် " လယ်ကွင်းအနည်းငယ်ရယ် ၊ ဟင်းသီးဟင်းရွက်တွေရယ်၊ တစ်နေ့ကို ထမင်းသုံးနပ်ရှိမယ်၊  မနက်မိုးလင်းကနေ ညနေ နေဝင်ချိန်အထိ အလုပ်လုပ်မယ်... ရိုးရိုးရှင်းရှင်းနဲ့ အေးချမ်းတဲ့ ဘဝလေးပေါ့ "