Perfect Secrect Love : A Bad New Wife is Alittle Sweet [Side Story of Ji XiuRan]

၄

[Unicode]

အပိုင်း (၄)

နျဲ့ဝူယိုမှာ အဆိုပါကောင်လေး၏ မှော်ဆန်လှသော မျက်ဝန်းများအား ကောင်ကင်ရှိ ကြယ်စုတန်းကြီး အလား မြင်လျှက် ကြည့်လို့နေမိသည်။ အချို့သော အကြောင်းအရာများကြောင့် သူမနှလုံးသားလေးမှာ မြန်ဆန်စွာ ခုန်လာပြီး သူမပါးလေးတွေမှာလည်း နီရဲလာတော့သည်။

ဘာဖြစ်လို့ ဒီယောက်ျားလေးက အရမ်းကြည့်ကောင်းနေတာလဲ.. သူကလုံးဝ ပြုစားထားသလိုပဲ..

" ဘာနဲ့ဆော့တာလဲ " နျဲ့ဝူယို အဝေးသို့ အကြည့်လွှဲကာ ပြောလိုက်သည်။

ကျီရှိုးရန် ထိုကောင်မလေး၏ အမူအရာအားမြင်သော် ရယ်လိုက်ပြီး သူမ၏ ခေါင်းကို ငယ်စဉ်ကထဲက လုပ်နေကြအတိုင်း အသာအယာပုတ်လိုက်ပြီး " ကိုကိုက ဝူယိုလိုချင်တဲ့ အရာမှန်သမျှ အကုန်လုပ်ပေးနိုင်တယ် "

" ဒါဆို ဗိုက်ဆာနေပြီ။ ဟင်းချက်ကျွေး " နျဲ့ဝူယို ဆိုလာ၏။

"ကိုကို ဘယ်လိုချက်ရမလဲ မသိဘူး " ကျီရှိုးရန် ခေါင်းခါရင်း ‌ဖြေလာသည်။

နျဲ့ဝူယို : " ... "

" ဒါပေမဲ့ ကိုကို သင်မယ်လေ " ကျီရှိုးရန် သူမအား ပြုံးပြလိုက်၏။ " ကိုကို့နောက်လိုက်ခဲ့ "

" ဘယ်ကိုသွားနေတာလဲဟင် " နျဲ့ဝူယို သိချင်စိတ်ဖြင့် မေးလေသည်။

" မီးဖိုချောင်ကို " ကျီရှိုးရန် ဖြေပြီးသည့်နောက် လမ်းလျှောက်သွားလေ၏။

...

ကျီအိမ်တော်ရှိ မီးဖိုခန်းထဲတွင် :

" သခင်လေး! ""

မီးဖိုချောင်ထဲတွင် အလုပ်ရှုပ်လျက်ရှိသော အစေခံများမှာ ကျီရှိုးရန်ကို မြင်သည်နှင့် အံ့ဩသွားလေတော့သည်။ သခင်လေးက ဘာလို့ ဒီလိုနေရာကို ရောက်လာတာလဲ။

" နျဲ့သခင်မလေး "

အကုန်လုံးမှာ နျဲ့ဝူယိုအား နှုတ်ဆက်ကြလေသည်။