كل الي صرت اعرفه اني راح اروح فصليه
سمعت من اهلي انو مرت الشيخ اسماعيل (حميده) جانت ناويه اجيبني خدامه بس شيخ اسماعيل كال ماعدنه بنات غرب تفوت البيت لذلك بعد المناقشات الطويله بينهم قرروا يزوجوني لابنهم الحبير احمد ضابط ...
هذا بس اللي جنت اعرفه عن شخص راح اكضي ويا العمر..
المهم مااعرف اشلون انكلبت العلاقه بين ابويه وشيخ اسماعيل من كره وثارات الى علاقه محبه ...
يوم من هاي الايام كعدت الصبح اتريكت اني وماما ف جان تكلي بدلي اليوم رايحين نعقدلج محكمه اني كلت شنو ليش هيج بسرعه كالتلي لان احمد اليوم راح ينزل من الحيش وكبل رايح يعقد عليج ..
طبعا اني لبست لبس عادي (بنطرون قماش اسود وبدي اصفر طويل وشيله سوده ) وطلعت اني وماما وبابا شافتني حميده (ام احمد )كالتلي ياخاله هاي شلابسه جان اشيل عبايه ولبستني وشيله كالت احنه هذا لبسنه المهم اني ماحجيت شي لاني مجرد فصليه ...
رحت واني مدنكه وماشفت من احمد غير رجليه بس... لاني مدنكه وسمعت صوته وبس صار زوجي
المهم مااعرف وشلون لكين نفسي ابدل وناويه اروح لبيت غريب يسمى بيت زوجي من دون عرس او زفه او اي شي واني اصلا لحد الان ماشايفه شكل زوحي ....
كعدت الصبح بدلت واتكشخت ورحت مسافه طووووووووويله اتخيلوا من بغداد للبصره وطبيت للبيت كبير فخم قديم صعدوني فوك للغرفه وبقيت بيهه شفت بس حميده جانت انسانه طيبه وخلقوقه ا تاحيتلهه بصراحه وبقيت بالغرفه غرفه حلوه فخمه بيهه اشكال العطور والمكياج ..
اني جنت لابسه دراعه ورديه حلوووه كلش حميده بس غشتني وكالتلي انتضري احمد
اني بقيت منتضره تقريبا نص ساعه وطب عليه رجال
من طب عليه ماشفته شفت بس رجليه (نصيبي دائما رجليه هههههه) لابس لبس عسكري وبسطال وبي ريحه طيبه ريحة تراب وتعب ماحاجني شي وراح نام عالتخم واني نمت
كعدت الصبح الجو حلوو والبيت اجوائه حلوه بصراحه ارتاحيت للبيت وهله حسيتهم ناس على نياتهم المهم اني لبست دراعه بيضه وفليت شعري كلش طويل جو خصري فتتت للمطبخ سلمت عليهم جانو خوش ناس المهم كلهم طلعوا بره بالحديقه اني بقيت اسوي جاي بالمطبخ جان طب عليه ولد اني نزيت وصرت اعلي صوتي
——————————
رفل:انت شلون اطب هيج للمطبخ ماتكول اكو نسوان محجبات
الولد: بس هذا بيتنه
رفل: اي ادري هذا بيتك بس ماتكول اكو بنيه جديده اجت محجبه (بصراحه اني هنا لسبالي واحد من اخوان احمد)
الولد:بس هاي امي (ياشر على حميده)
رفل : اي واذا امك اني مرت اخوك احمد ومايصير اني احرم عليك
الولد :(دنك راسه وكال ) رفل اني احمد
رفل: هااا انت احمد ااااا
هنا اني بقيت صافنه لاني رزلت الولد والولد حلووو وشخصيه لاو محترم رزلته وهو مدنك راسه ماحاجاني
أنت تقرأ
الضابط والفصليه
Romanceماخليت صوره البطله بالغلاف لان ماعدنه بنات يحطن صورهن ..... هذا هو تفكير بطلنا احمد ضابط عمره 32 سنه ضابط بالجيش العراقي بسبب حادث اخوه الصغير تغيرت حياته ونكلبت كليا وكانت ضحيته هي بنيه بعمر 18 بريئه كان حلمهه تكون جراحه عالميه .....ياترى شنو احادا...
