اللي صار بعد الحادث جماعه شيخ اسماعيل مااخبروا الشرطه على الحادث او اشتكوا و اخذوا عائله ابو كرار وحبسوهم عندهم هو وبناته وزوجته وهددوهم انو راح نقتلهم لان العين بالعين والسن بالسن والدم بالدم ....
طبعا ابو كرار حاول يفهمهم ان كان حادث وقضاء وقدر بس كل محاولته باقناعهم فشلت
————————————————
ابو كرار : صدكني ياشيخنه كان حادث ومامتقصد
شيخ اسماعيل: موش ياهو الجان يكتل ابني واسكتله وراح ادفعكم الثمن غالي (بغرور )
ابو كرار: شيخنه خلي نحل الامور واذا تريد نفصلك (بلطف ومسكنه)
شيخ اسماعيل : عمرهه الروح ماتنباع بالفلوس يابن ادم تريدني هسه ابيعلك دم ابني خاطر جم دينار (بقوه شخصيه)
ابو كرار : شيخنه اني رجال فقير وعلى كد حالي ومالي بمشاكل المشيخه عندي بنات اشتغل واكلهن وماد رجليه على كد لحافي ...اترجاك ارحمنه
شيخ اسماعيل:اذا تريد ارحمك تطينه روح هذا عدل الله الروح بالروح ...هاا و شرايك
ابو كرار : يعني شنو قصدك
شيخ اسماعيل : يعني اخذتو روح منه تنطونه روح ..اني مااحب انهي السالفه بدم
ابو كرار: ماافهمت
شيخ اسماعيل : وشبيك ماتفهم ..هاي كلكم هيج ولد بغداد عقلكم سميج
يعني تفصلونه بروح موش بفلوس
---———————————————
اللي صار بهاي المحادثه بين ابو كرار وشيخ اسماعيل انو طلب منهم يفصلونه بروح يعني فصليه او يذبحون واحد منهم ...
هنا بقى ابو كرار حاير ومتردد بين حياته وحياه عائلته وبين ينطي وحده من بناته فصليه.....
راح وشرح الزوجته الي صار طبعا زوجته مثل كل ام ماتنطي بزوجهه وعائلتهه ففوافقت اما ابو كرار كان رافض الفكره
————————————————
ابو كرار: تريديني انطي وحده من بناتي تفصل شي مالها علاقه بي
ام كرار : ياابو كرار افهمني احسن ماالعائله كلهه تضيع على الاقل وحده بس
ابو كرار: شلون .شلون .فهميني شلون اوافق
ام كرار: وافق ياحبيبي احسن ماكلنه نضيع
لسبالك سهله عليه انو انطي بنتي الناس غربه بس شسوي ماابيدي شي
ابو كرار: كافي فهمت ....... يعني هسه كدامي حياه عائله او حياه بنيه
أم كرار : اي فكر فكر بس لا اطول لا اروح بيهه ببلاش
————————————————
بعدين وافقوا انو ينطون فصليه من بناتهم
كالو ماننطي زينب لان متزوجه وفاطمه صغيره
مابقت غير رفل هذا الحوار الللي دار بين ابو كرار وام كرار سمعته بنتهم رفل وقررت انو توافق من دون ماتناقش حتى لان ما تكدر اضحي بابوهه
راحت لابوهه ومن دون ماتناقش
——————————————
رفل :بابا اني موفقه صدكني وهذا الشي ابد مامضوجني لاني ضمنت حياتك
ابوهه: شلون اخليج هناك بين ناس غربه
رفل : اني موافقه وخلص بابا
————————————————
وهنا اني ماجنت اعرف وين رايحه كل الاعرفه اني رايحه فصليه حتى اكدر اضمن حياه ابويه واخواتي وعائلتنه كلهه وماجنت اعرف قدري ونصيبي وين راح يوديني وهل حياتي الجديده راح تكون سعاده او مجرد راح اكون فصليه لبيت مااعرفه ..
أنت تقرأ
الضابط والفصليه
Romanceماخليت صوره البطله بالغلاف لان ماعدنه بنات يحطن صورهن ..... هذا هو تفكير بطلنا احمد ضابط عمره 32 سنه ضابط بالجيش العراقي بسبب حادث اخوه الصغير تغيرت حياته ونكلبت كليا وكانت ضحيته هي بنيه بعمر 18 بريئه كان حلمهه تكون جراحه عالميه .....ياترى شنو احادا...
