الضابط والفصليه

البارت الرابع

بعد ما اتعرفنه بطريقه كللش غريبه وبقا ببالي شكله واني داارزل بي خطيه وبقيت بباله واني داارزله ....
المهم طبت علينه خاله حميده ..
خاله : ها يمه صبحك الله بالخير
احمد : هله يمه هله .. انه جوعان
خاله :يمه رفل حطي اكل لرجلج
رفل: حاضر خاله هسه احطله اكل
بعد ما راحت حميده وطلعت كعد احمد على ميز الطعام وبدا يراقب رفل وهيه اسويله ريوك يراقبه وعيونه يلمعن وبقا صافن عليه وهنا حسس وحاجه نفسه كال اني شنو داسوي ليش داباوع على مراه هاي مو اخلاقي بعدين حس انو هاي مرته وحس انو انعجب بيها لا وحبه من اول مره شافه  ....
رفل : احطلك جاي
احمد : ليش ببغداد تتريكون بدون جاي لعد مايسمى ريوك اذا مو جاي
رفل: هاا لا نتريك بجاي بس اني مااحب الجاي
احمد : لعد لا اصبيلي  جاي مااريد
رفل : هااا (استحت )
حطيتله الاكل وكعدت وياه وبدينه ناكل سوه اوو بالاصح اني اكل وهو يباوعلي هنا اني ما جنت مرتاحه حسيته خفيف وابو بنات ...
رفل : ماتاكل ماعجبك الاكل تريد اسويلك شي ثاني اومليت او بان كيك او اي شي
احمد : اومليت وبان كيك ؟
رفل : اي بان كيك كللش طيب اني كل يوم جنت اتريك بي
احمد: ولله مامجربه قبل واحنه اهل البصره مو مثل اهل بغداد يتعايرون وياكلون هالاشياء
رفل : صدكني راح تحبه طيب كلللش
احمد : لا لا ماتعجبني هالاشياء
رفل : انت ليش هيج عنيد جرب واحكم
احمد : انتي عنيده ليش مصره ما اريد كتلج
رفل : اني راح اكوم اسوي لنفسي وراح اخليك اجرب وتحكم 
ضحك احمد ونزل راسه (خطيه الولد ماكدر يحجي )
................................................................................
كامت تطبخ البان كيك وبعده احمد يباوع وعيونه مبتسمه يباوع ومايرمش
سوت البان كيك وريحته طلعت بالقصر حطت لاحمد حتى يضوك بس طبعا هو ماقبل قربت منه وحطت ايده على كتفه وباوعت بنص عينه وكالتله اكل وشوف وهو ماكدر يرفض هذا العرض المغري اخذ البان كيك من الماعون واكل . اكل وهو يباوع بنص عينه وكللش عجبه الطعم اكثر ماعجبته عيونه بسس عاند وكاللهه مو طيب وماعجبني هيه شويه انزعجت
بعد ما طبخت وطلعت ريحه البان كيك كل العائله اجمعت بالمطبخ ويريدون ياكلون وهيه فرحت كللش وسوتلهم بعد حتى ياكلون وكللش عجبهم و انعجبوا بيهه ايضا واحمد سرق قطعه وطلع بالحديقه ياكلهه هههههه (شنو هالعناد )