ဝမ်ရိပေါ်တို့ ဖန်မုဟန်တို့ရှိရာဆီ ပြန်ရောက်တော့ ရေအမြန်ကမ်းပေးလိုက်သည်။ဖန်မုဟန်နဲ့ ပိုင်ယန်စန်းတို့ ရေသောက်ပြီးနောက် သူတို့အရှေ့က တဲစုတ်ဆီကို သွားကြတော့သည်။
တဲစုတ်ဆီရောက်ဖို့ သူတို့ကြာကြာ မလျှောက်လိုက်ရပေ။တဲစုတ်ဆီရောက်တော့ မနှစ်သက်ဖွယ် အနံ့ဆိုးကြီးကို ရလိုက်ကြသည်။အနံ့က အလောင်းပုပ်အနံ့နဲ့ ဆင်နေသည်။
ရှောင်းကျန့် သူတို့နှာခေါင်းတွေကို အမြန်ပိတ်လိုက်ရသည်။အနံ့ဆိုးကြီးကြောင့် တဲထဲဝင်ဖို့ကိုပင် တွန့်ဆုတ်သွားသည်။သို့သော် လှေကားရှာဖို့ ဘာသဲလွန်စမှ မရှိသဖြင့် တဲစုတ်ထဲကို ဝင်ရှာကြည့်ဖို့သာ ရှိတော့သည်။
သူတို့တွေ တဲထဲဝင်တော့ မြင်လိုက်ရတာက မေ့မျောနေကြသော ရီချုံးမိုတို့ကို ဖြစ်သည်။ရီချုံးမို၊ပိုင်မုံ့မုံ့နဲ့ အမွှာနှစ်ယောက်သာ ရှိပြီး ဘေးမှာတော့ အရေခွံမရှိသောအသားပုံကြီးတွေ ဖြစ်သည်။
ရှောင်းကျန့်တို့သုံးယောက် အန်ချင်စိတ်ကို မနည်းအောင့်ထားရသည်။ဝမ်ရိပေါ်တစ်ယောက်သာ ဘာမှမဖြစ်သည့်ပုံ ပေါ်သည်။
စိတ်ပျက်ဖွယ်မြင်ကွင်းထဲကနေ အမြန်ထွက်သွားနိုင်ရန် သူတို့တွေ ရီချုံးမိုတို့ကို နှိုးရတော့သည်။သို့သော် သူတို့ဘယ်လောက်ဘဲ လှုပ်နှိုးပါစေ သူတို့တွေက နိုးမလာခဲ့ပါ။
ကြည့်ရတာ သတိမေ့မျောနေသလိုနဲ့ အသက်ကင်းမဲ့နေတယ်လို့ ခံစားလာရသည်။ရှောင်းကျန့်ရဲ့ နှလုံးခုန်သံဟာ မြန်လာခဲ့သည်။သူ့ရဲ့လက်ကို တွန့်ဆုတ်စွာနဲ့ ရီချုံးမိုနှာခေါင်းရှေ့ ရွေ့လိုက်သည်။
သူ့ရဲ့လက်ဆီမှ မည်သည့်လေငွေ့ငွေ့ကိုမှ ရမနေပါပေ။ရှောင်းကျန့် မြေကြီးပေါ်ကို လဲကျသွားသည်။ဝမ်ရိပေါ်က သူ့ကိုဆွဲထူပေးသော်လည်း သူ့မှာ ထဖို့အင်အားရှိမနေပေ။
ဝမ်ရိပေါ်က ရှောင်းကျန့်ခံစားချက်ကို သိသဖြင့် အသံတိုးတိုးနဲ့ ပြောပြလိုက်သည်။
"သူတို့က ဝိဉာဥ်အနှုတ်ခံလိုက်ရတာ...မကြာခင်မှာ သူတို့ရဲ့ကိုယ်ကလည်း ဘေးနားက အလောင်းတွေလို ဖြစ်လာလိမ့်မယ်"
VOUS LISEZ
Ding-dong(Season 1)(Completed)
Fanfictionရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"