الجزء الثاني للقصه مابعد الهروب…
اضاع آدم معظم وقته بالعمل محاولا تناسي جراحه في الماضي
حيث بدء بالعزف بالنادي وكان يكمل عمله ويخرج لايكلم احد ولااحد يعرفه
وتكمن الصدفه ان يكون عقد عمل لاصدقائه في نفس النادي الذي يعمل فيه
اصدقائه الذين ملوا من كثر البحث لسنوات عنه ولم يجدوا اي خبر عليه ولم يخطر ببالهم انه ممكن ترك العراق وسافر ..
الغريب انه ادم علم بوجود اصدقائه فطلب من المدرب الموسيقي في النادي ان يتدرب لوحده فبدء الشك والاستغراب من الاصدقاء من هذا الصديق ولماذا لايريد ان يتدرب معهم وعندما عزفوا في الحفل كان يرتدي نظاره سوداء شمسيه وقبعه فلفت نضرهم جدا وتسالوا لماذا هكذا يتصرف
اما محمد صديقه فشك بالامر وقال ليوسف : عندي احساس كبير جدا انه ادم فرد يوسف : مااظن وبرئيك شنو الي يخلي ادم يجي لسوريا .
فذهب محمد يسال في النادي عليه ولم يكن احد يعرفه غير انه يعزف كمان وبيانو وكيتار ثلاث الاات موسيقيه ولكنه في الكمان اشطر فنظر محمد ليوسف وقال : مثل مااتوقعت ادم
فرد يوسف : وشلون نتاكد فرد محمد : نراقبه فرد يوسف :واذا طلع مو هو فقال محمد : شاب وبنفس عمرنا وعراقي ويعرف ثلاث الاات وادم كان يعرف يعزف بيانو وكيتار وكمان برئيك صدفه فرد يوسف دخت والله
وفعلا راقبوه ووجدوه يفطر بالنادي فتعرفوا عليه بسرعه وركضوا عليه تفاجؤا بانه لم يتفاجئ بيهم فقالوا له بااستغراب : آدم شنو تسوي هنا فرد ادم مثل ماتشوفون عمل فقالوا : وليش من شفتنا ماحجيت فرد ادم : والمطلوب ؟ فااستغربوا الاصدقاء من رده . فرد محمد : ترجع ويانا عمك يسال عليك وابن عمك مشغول باله جدا عليك فقال يوسف : وتحجيلنا شنو الي صار بتلك الليله وليش هربت منا شنو الي صار فهمنا فرد آدم : بالمختصر ومااتعبكم ويايه اني مارجع للعراق والي يسالكم عني قولوله مات اوك
فااخذ كمانه ونهض واول خطوتين سقط مغمي عليه فركض نحوه اصدقائه ونقلوا بالاسعاف للمستشفى في دمشق
فقال لهم الطبيب هناك : آدم عندو اثر رصاصه بكتفوا وشكلوا الجرح ملتهب كثير والافضل نعملوا اشاعات وفحوصات لتاكد من حالته الصحيه
فقال محمد اشكرك دكتور بس انت تعلم احنا هنا ضيوف عندكم اجينا بعقد عمل ونريد نطمن اكثر على آدم حتئ لو يستوجب الامر مانرجع فرد الدكتور اطمن خيي شرفتونا وعلى راسنا انتم صديقك راح يكون منيح بس هو عندو هبوط بالضغط واعطيناه مغذي لازم يرتاح ويتغذى منيح
فتشكروا الاصدقاء من الدكتور وضلوا ينتضرون آدم لحد ماسمحت لهم الممرضه بدخول لزيارته فدخلوا وعندما رآوه هكذا ادمعت عيونهم فقام آدم بنزع الاجهزه وحاول النهوض لترك المستشفى فصرخ محمد : شنو تعمل يامجنون فرد ادم : اريد اخرج من المستشفى فقال يوسف انت ليش تسوي بروحك هيج انت تريد تنتحر هذا تصرفك حرام فاادمع آدم فقال محمد : يوسف خلص اتركه يرتاح لا تكثر بالكلام ، فرد ادم : لا عادي اني بخير ماكو مشكله فقال محمد: اذا فهمنا احكيلنا الي حصل وياك يمكن نكدر نساعدك ونحل مشكلتك
فرد آدم : صدقني ماكو شي كل المشكله اني تعبت كرهت كل شي كرهت الدنيا وحياتي ونفسي فقال يوسف اها وهذا الحل الأنسب برئيك تقتل نفسك وتموت ببطأ لا علاج ولاتغذيه انت مجنون وتريد نسكت وننهي الموضوع بصمت ، فرد آدم انتم ليش ماتفهموني خلاص اتركوني انسوني وارجعوا للعراق ، فرد محمد : وبرئيك استاذ آدم نقدر احنا ممصدقين وجدناك ، فرد آدم : اي محمد تقدرون مثل ماعشتوا هالسنتين ثلاثه بدوني تقدرون الان واكيد كل واحد بيكم صار عنده عمله وعائلته وحياته وماراح توكف عليه ، فرد محمد : فعلا انت مجنون وهذا السر الي حول حياتك لجحيم حولك شخص اناني
في هذه الأثناء دخل الطبيب عليهم فقال آدم انا راح غيرلك على الجرح بس لازم تلتزم بالادويه وتنتبهه على تغذيتك انت محتاج رعايه فقال آدم : دكتور انا حابب اطلع من المشفى اذا بتسمحلي فرد الدكتور : ممكن بس اذا توعدني تلتزم فقال ادم : ان شاءالله دكتور فقال الطبيب الحمدلله على السلامة
وخرج ادم واخذ معه اصحابه لشقته وتعشوا معاً فدخل آدم لغرفته ولملم اغراضه فقال محمد : شكلك عقلت وراح ترجع معانا للعراق صح؟ فقال آدم : لا ياصديقي ماراح ارجع فقال يوسف شنو ؟ ليش فرد آدم : هناك على نهر دجله وفوق الارصفه والشوارع والامطار عندما دخلت الرصاصه بصدري تمنيت لو كانت بقلبي ومت ساعتها ولكن اني فعلا متت تركت روحي هناك واخذت ويايه جسد بلا روح هناك دفنت آدم بكل ماضيه والحانه واشعاره وماضل لي الا جرح ملتهب لايشفى فرد محمد يااا انت محمل يا صديقي بس شنو ذنب نفسك تعذبها وياك ،فرد آدم ذنبها حلمت ...والي مثلي مايحقله ان يحلم يا شباب اني خلص تعبت راهنت على روحي تنسى ومانست وراهنت على جروحي تشفى وماشفت واليوم اريد اخرج من نفسي اريد اعيش باانسان ثاني مايمد لادم الحقيقي بصله ولايربطه بيه شي وبكى ادم فعانقوه اصحابه وبكوا معه فقال يوسف : ادم حبيبي فدوه اروحلك لاتسوي هيج بينا وبيك كل شي فداك وكل شي ممكن يتصلح وحتى وطنا راح يصير احسن وراح نرجع نعزف على دجله ونسهر ادم حبيبي الحب مايموت ووطنا ماراح يموت وحلمنا ماراح يموت ومادام احنا الثلاثه ايد وحده وانت ويانا موجود كل شي وداعتك خويه يصير احسن ، فرد محمد والله صح كلامه يلا ارجع ويانا ، فقال ادم : يا شباب الموضوع خلص اني اخذت فيزا لاوربا وكان المفروض اليوم سفري بس بسبب الحادث تغير الموعد لبكرا الصبح وارسل الطبيب التقرير الطبي لمنظمة ال un وخلص باجر لازم اطلع والا راح يلغي كل شي
فرد محمد :انت تتكلم جد لو تمزح فقال يوسف مو على كيفك مااسمحلك تدفن نفسك بالغربه ولك انت تموت هناك وحدك ،
فلم يرد ادم وخرج مسرعا حاول محمد ان يلحق به لكن يوسف منعه وقال له : اتركه يرتاح ويرجع اني متاكد راح يرجع فقال محمد : بس لازم نبدل علئ جرحه لاتنسى جرحه ملتهب واحتمال يصير عنده نزيف او ممكن يعمـل شي بروحه فقال يوسف : ادم عنده سفر باجر الصبح مثل ماسمعت اوراقه وغراضه والكمان مالته كلها هنا وادم مهما كان مؤمن مستحيل يأذي روحه اتركه يفرغ همهه ويرجع
انتضروا الاصحاب طول الليل وحتى الفجر وادم لم يعد 🥺💔 … يتبـع
