"ကောင်လေးတွေထတော့ ခြောက်နာရီထိုးပြီ"
ဟု အဆောင်မှူးက ဆော်ဩသဖြင့် အိုးညို နိုးလာခဲ့သည်။
"စာမေးပွဲလည်းမြန်မြန်ပြီးလေမှဘဲ လူနှိုးစက်ကြီးရဲ့ အသံကိုမနက်တိုင်းကြားနေရတာ သည်းခြေတောင်ပျက်တော့မယ်"
"ဟုတ်ပါ့ကွာ အာ့ကြောင့်လူပျိုကြီးဖြစ်တာနေမှာ
အသံသေးအသံကြောင်ရုံမကဘူး ဟိုဟာပါ
သေးကျုံ့နေလို့ဖြစ်မှာ"ဟု ထူးထက်က အပြတ်အသတ်ထောက်ခံလေသည်။
"မြန်မြန်သွက်သွက်လုပ်ကြ စာမေးပွဲက ဖင်ကြားညှပ်နေပြီ လူပျင်းလူပေ လုပ်မနေကြနဲ့"
'အံမယ် သူကတပြန်ဟောက်နေသေး'
အိုးညိုလည်းအမြင်ကပ်ကပ်နှင့် သူ့ဘေးနားရောက်ချိန်တွင်..
"အရူးအရူးချင်းတူတူတောင် တမူးကသာချင်သေးတာကွ အဲ့ကောင်က"ဟု ထူးထက်ကို
ပြောပြသလိုနှင့် သူကြားအောင်ကျယ်ကျယ်ပြောလိုက်သည်။
"ခွန်အိုးညို....ဘယ်သူ့ကိုပြောနေတာလဲ"
"ဗျာ...ဪ ကျောင်းကကောင်တွေအကြောင်းပြောနေတာပါ ကိုကြီးအကြောင်းမဟုတ်ပါဘူး
အကိုကြီးအမေနိုးလို့ စောစောနိုးမှန်းလည်း
သိပါတယ် .ကိုကြီးလာနိုးလို့ ကျွန်တော်တို့
ထရတာကိုလည်းကျေးဇူးတင်ပါတယ်ခဗျ ..
ကိုကြီး ရဲ့ လုံ့လဝီရိယကောင်းမှုကြောင့် မိန်းမ
မရသေးမှန်းလည်းသိပေမယ့် မျင်မြင်တွေ့ရအောင်လို့ မျက်နှာသွားသစ်လိုက်ပါအုံးမယ်
တာ့တာ..."ဟု စကားနှပ်ခဲ့ပြီး ရေကန်သို့အသော့ပြေးဆင်းလာခဲ့လိုက်သည်။
ထိုလူကြီးရဲ့ ငါးပိဖုတ်မီးတူးနေတဲ့ ဒေါသပုံရုပ်ကြီးကိုမြင်ယောင်မိပါသေးသည်။
ခံပေါ့...ခွန်အိုးညိုက နှပ်သမျှခံနေရအောင်
လက်ဖက်မှမဟုတ်ဘဲ~~~
>>>
"ဒီဇေး..မနက်ဖြန်ဟဲဟိုးဈေးကို မကြီးမလိုက်လည်းဖြစ်တယ်မလား"
"အွန်းရတယ်လေ နင့်သမီးအငယ်မလေးက
နေကောင်းသေးတာမဟုတ်ဘူး သူ့ကြီးကြီးနဲ့ထားခဲ့ရင်လည်း တစ်နေ့လုံးဂျီနေမှာ အမိက"
"အေးလို့ ၊ခမ်းယာလေးက မူးယာလိုမဟုတ်ဘူး
နေမကောင်းရင် အမေရှိမှ အမေဘေးမှာမရှိရင်
ဂျီလိုက်တာဆိုတာ ငါတောင်နေမကောင်းဖြစ်ချင်သွားတယ်ဟယ်"
YOU ARE READING
ချစ်ခြင်းဋီကာ ဘယ်မှီပါအံ့(ခ်စ္ျခင္းဋီကာ ဘယ္မွီပါအံ့)
Romanceမီးသွေးက ကျွန်တော့ငယ်ဘဝရဲ့ အသက်မွေးဝမ်းကြောင်း ဆိုရင် အကိုကတော့... ကျွန်တော့ အရွယ်သုံးပါးလုံးရဲ့ အသက်သွေးကြောလေးပါ ...အကို..🤍 မီးေသြးက ကြၽန္ေတာ့ငယ္ဘဝရဲ႕ အသက္ေမြးဝမ္းေၾကာင္း ဆိုရင္ အကိုကေတာ့... ကြၽန္ေတာ့ အ႐ြယ္သုံးပါးလုံးရဲ႕ အသက္ေသြးေၾကာေလးပါ ...အက...
