الفصل الأول
يوماً ما سنلتقي
بقلمي هدير ممدوح
عندما تأخذ الدنيا أغلى مالديك 🌷🌷
كان يقف أعلي الجسر يستند علي السور الحديدي ينظر إلي النهر أسفله تتساقط دموعه على وجنتيه واقفاً يتحدث مع نفسه:- هان عليكي تسبيني يارهف مش وعدتيني نعيش العمر كله سوى ليه حرمتيني منك مش أتفقنا لو زعلتك فيوم تيجي تقوليلي وأنا هعتذر
ضرب قبضة يده بعصبية ولم يكترث لألم يده
وأغمض عينيه وتساقطت دموعه.
جاءه صوت أحدهم بالخلف :- كنت عارف ومتأكد إني هلاقيك هنا
ألتفت خلفه لينظر للشاب ويتحدث ببرود:- إيه اللي جابك هنا يا أحمد
أحمد بهدوء :- أمتي هتنسى يا إيهاب
إيهاب وهو يكتف يده امام صدره :- هنسى لما روحي تطلع من جسمي يا أحمد
أحمد وهو يضع يده على كتف إيهاب:- أنا عارف أنك مش هتقدر تنساها بس مراتك وأبنك ليهم حقوق عليك ولازم ترجع لبيتك
إيهاب بضيق:- متقولش مراتي لأن مراتي هي واحدة وبس وهي رهف قال جملته تلك وأزاح يد أحمد
تنهد أحمد بعمق ليؤشر على سيارة سوداء ويتحدث:- العربية موجودة أهي خلينا نمشي الساعة داخلة على 12 وعلياء قلقانة عليك
مر إيهاب من أمامه دون ان يعيره إي انتباه وصعد بالسيارة شارداً دون ان يستمع لمندات صديقه
نظر أحمد في أثره بقلة حيلة عاجزاً عن مدوات رفيقه ومن ثم تنهد بعمق وصعد بجانبه وأنطلق بالسيارة
بإحدي العمارات السكانية كانت تمكث داخل شقتها تتحدث بعصبية بالهاتف وتروي لوالدتها معاناتها مع زوجها :- ياماما أنا زهقت من العيشة دي كأني مش موجودة أصلاً بيرجع كل يوم متأخر ويغير هدومه وينام
تحدثت والدتها بعصبية:- علياء انتي اللي عملتي فنفسك كده محدش غصبك ع الجوازة دي بالعكس انا و والدك كنا معارضين انتي اللي قولتي وصية صحبتي ولازم أنفذها الغلط عندك فأستحملي
علياء بحزن:- ياماما رهف كانت أكتر من أخت بالنسبالي وهي قبل ماتنتحر وصتني على أبنها ف إزاي عايزاني معملش بوصيتها وبعدين انا بكلمك أشتكيلك وأفضفضلك شوية مش تزودي عليا
الأم بهدوء:- خلاص يابنتي هبقا أخلي أبوكي يكلمه
علياء سريعاً:- صوت الباب أنفتح أكيد إيهاب جه هروح أشوفه سلام
وأغلقت الهاتف دون سماع رد من والدتها
وضعت علياء الهاتف جانباً وخرجت من الغرفة بلهفة لتجد إيهاب أمامها لتتحدث :- إيهاب أنا قلقت عليك أوي أنت كنت فين
لم يعيرها أي أنتباه لحديثها إنما مر من أمامها وجلس على الأريكة وهو يفك ساعة معصمه ويضعها على الطاولة التي أمامه
تقدمت علياء منه لتتحدث بعصبية:- إيهاب لحد هنا وكفاية الأول كنت مراعية أن مراتك ميتة وسكت بس خلاص لازم تفهم أن أنت عندك عيلة جديدة
