شحال ما كتبت قصتي كانت طويلة بزاف! ٠ مطويلاش بالأحداث إنما بالمشاعر و الأحاسيس و الحزن
صفحتين أنهكو قواي و مخلاونيش مزال نكتب. و الصفحة ٣ جات معطلة
وقعو بزاف الأحداث ربما خاصني نسحب كلامي في الصفحة ١، حيث كنحس بشوية الأمل
كنحس بلي نقدر نقذ نفسي معاك
الحمل تأكد '، حملي بيك كان حقيقة٠٠٠
غبية ياك ههههههه لو معرفتش راسي حاملة بيك كفاش بديت نكتب هاد مذكرات أصلا
مغاديش نكذب. كان عندي أمل نكون غالطة!
الحقيقة هي أنك كنتي كتكبر لداخل ديالي و مقدرتش نقتلك!
حيث خفت تكون جريمة و دابا حسيت بأن جرمي أكبر ملي قررت نحتافظ بيك
نسى... مبغيتش نحرق قلبك بهاد هضرة مبغيتش تخيل انك سبب عذابي لا٠ نتا ماشي هاكا كيف مبغيتش تخيل أنني كنكرهك ولكن كنت كنتمنى نعيشو حياة طبيعية و يكون باباك معانا
مقدرتش نأمن ليك أبسط الأمور
حقوقك!
الشقاء نصيب
و النصيب ماشي بإيدينا
دخان المحرقة، المحرقة لي خايفة يكون الحطب لي كيتجمع ليها دابا ليا
خايفة تزاد أول ريحة تشم متكونش ريحتي
تكون ريحة حريقي
خايفة!
شوف فين وصلت آآآه! في لول عطيتك مقعد في قاطرة الأمل و رجعت نزلتك من القطار كلو حيث معندكش تذكرة.
ولكن أنابصح كنقنع راسي بالمصير و مرة كنقنع راسي بالخلاص
• انا ماري
• انا الخطيئة
معقول! انا المسؤولة ، انا حواء لي غوات آدم ياكل التفاحة.
لحظة أ ولدي شكون غيتجرأ يدير ليك التعميد
شكون غيخلصك من الخطيئة لي كترافقنا من الولادة
شكون!
لا حياتي ولا هاد الحياة ولا هاد الجسد ولا هاد الكون كيتاسع ليا
انا ، انا ............
عرفتي شنو! قابلت شخص مهم ،
"الخالة هارلين "
هربت من بيتنا تخليت على أبي و ذكراه مع حبيبته الراهبة لي مكتابش ليهم يتزوجو أبدا و هي حرقوها! حيث زنات و عرفو هادشي
معامن؟! معاه انا متأكدة و هو سكت و تخبى و خلاها دفع الثمن بحدها و كذب! كذب! قال بلي تبناني انا عارفة بلي انا بنتو و بنتها
و هو مكلفش راسو يبغيني كيفها
حيث انا حرمتو منها نهار حملت بيا نهار رفض يتزوجها و يهربو من هاد القوانين نهار تخلى عليها و هربت نهار ولدت و حرقوها نهار رجعني لعندو
كلشي كلشي كان موثق في ديك مذكرة لي عطاتها ليا إحدى الأخوات [ الراهبات] تماك يمكن كانت صديقة ماما شكون عرف
و بغاتني نعرف ، من هنا قررت نكتب ليك
يمكن انا وياها عندنا نفس المصير
و ختاريت نهرب٠٠٠ شخص تخلى على سيدة لي عشق و إحساس خفيف خلاه يخليني قريبة ليه
و مقاومش و معتارضش على حرقها
غيساندني!!!!!!!!!
هربت! الشموع لي كيشعلوها الناس باش يعتارفو للرب و يصليو أنا تستعملتها باش نشعل العافية و نهرب
و فعلا هربت! معارفاش فين ولا عارفة كيف و لا شنو ندير و كنت كتصلي للرب
انا كنت هاد سنوات كلها شخص روحاني
كنتضرع دابا للرب باش ينقذني!؟
لحظة! أي واحد فيهم!
الرب ولا الإبن ولا الروح القدس
يمكن خاصني نطلب الأب
لا! مكانش خاصني حيث الإبن طلبو و هو على الصليب طلبو يحررو من ألمو و يخفف عليه ولكن مستجابش
خاصني نطلب يسوع هو كيبغيني مات عل قبلنا باش يحررنا من الخطيئة
و هو هو سامح ديك الزانيةفاش قال ليهم من كان بلا خطيئة فل يرجمها ولكن علاش مرجمهاش هو! ياك هو بلا خطيئة ولكن حتى حد
مقد يهز حجرة وحدة حيث كلنا عندنا خطايا
غادي نسى مبغيتش نفكر في هادشي مبغيتش نفكر في الكتاب المقدس ولا في الكنيسة و لا في اي حاجة
المهم ان يسوع قادني و قاد هارلين ل عندي
و عشت معاها و نهار على نهار كتكبر لداخل ديالي و كنحس بيك و كيقوى الرابط بينا
باراكة ليوم باراكة عليك غادي نخرج بغيت نخرج دابا . لا لا ، متخافش كفاش تخاف لا كنتي عايش إذن انا مغيكون طرا ليا والو
انا كنحس راسي أغبى انسانة في هاد الكون بعض مرات
تصبح على خير!
أنت تقرأ
❜ سِريالية دماء ❛
Fantasy『القارئ الـجيد أهـم بكثير من الكـاتب الجـيد'』 ╗🃏 سِريالية دِماءْ 🃏╔ تأليف : ايمان قادري [الرواية بالعامية المغربية] حِصار الملك قد يكون حِصار أديب ══•...
