❜ سِريالية دماء ❛

الجزء•1

                          🍷سريالية دماء
『كتابة ''ايمان قادري』
                  ════•◐•════
                           "الضمير"
   'يقاوم، ينتفض، ليعيش وسط ظلمة الخطايا'

             المعرض السريالي الأول 🎨

في أحد الزوايا لوحات عديدة كلها تقريبا بنفس اللون و درجاته " الأحمر"

لوحة رئيسية كبيرة معلقة على جدار واحد، بينما كيحيطو بيها من الجهات الأخرى لوحات باينة أنها لنفس الفنان أو الفنانة على ما يبدو

اللوحة الرئيسية بعنوان " الضمير"
لوحة سريالية بين الجمال و البشاعة، كان شخص كتشكل على وجهو إبتسامة ، وكأن هاد اللوحة عطاتو الإلهام أو ربما لا!

بينما هي كانت مراقباه طول ماهو واقف قدام لوحتها كتجلدو بنظراتها المكسوة بالبرود، الجلد تايخلي اثار على الآثِم، لكن فهاد الحالة الاثار بقاو على الجلاد، لأنها ربما هي لي كانت الآثمة..

بنيتو، سواد شعرو، لون عينيه الزمردي الشبيه بلون عينيها، تقاسيم وجهو و حركاتو، هاد الشي كامل لاحظاتو وحللاتو فجزء من الثانية.

اقتربت منو  بـبطئ كتحرك بهالة غريبة دايرة عليها،  هو كان ساهي فاللوحة حتي انتبه أن شخص آخر شاركو الوقفة في نفس الزاوية إلتفت ليها ودغيا رجع مكمل تحليلو للوحة بلا ما يعيرها أي إهتمام.
٠نوع غريب عليها..

▪︎ مدت ليه إيديها قائلة " سِحر"
▪︎ صافحها و رد عليها بجنتلمانية " سِحر!! كنعرفو بعض؟ حيث ذاكرة الوجوه عندي منعدمة "

حسات به بحالا كيتهكم في ردو 

▪︎ابتسم ليها فاش شاف نظراتها الغريبة فيه وقال:" إيروس هذا إسمي صحيح ماعنديش ذاكرة الوجوه ولكن ذاكرة الأسماء قوية عندي... الفنانة  السريالية سِحر!"

سِحر ردات عليه بنبرة جافة وعينيها كايتفحصو كل جزء من وجهو :"  الأديب  إيروس صح؟ فين وصلتي فالرسائل لي كتكتب لحبيبتك الوهمية المجهولة"

إيروس رجع شاف فاللوحة وقال وهو ساهي: " سٍحر!! "

شافت فيه بتساؤل وكمل كلامو
:" سميتها هاكا 'سِحر' ، بحال سميتك"

سِحر مستغلة انشغالو باللوحة وهي بدورها منشغلة بوجهو : " من الممكن تكون نفس السمية، ولكن ابدا نفس الشخصية"

إيروس صغر عينيه فشي تفصيل فالاوحة وقال بنبرة خاصة : " الفنانة  لي كتملأ لوحاتها بتدرجات لون الدم و صرخات اليأس و العار أكيد ماشي هي لي كنرسل ليها رسائلي"

سِحر مر شبح ابتسامة خفيفة على وجهها وتجاهلات كلامو..

مرت لحظة صمت قاطعها إيروس بتساؤل: " كنستغرب فقط من أن تشكيلة اللوحات الجديدة تحت عنوان  الضمير شنو السر؟"