هلوو
بااارت جديد واسفه عل تأخير
اريد منكم نجمه وتعليق حلو علمود استمر وشكرا 🌹
نازك:. اجرنا بيت من 3 طوابق كل طابق بي 2 غرف
نوم وحمام والمطبخ الرئيسي جوه بالارضي وكل
وحدة مسؤولة عن اكلها وطبخها فاتفقن البنات الي
وياي انو يوميه الطبخ عل وحده والمصرف مال 3
يوميه عل وحدة كل يوم وحده تطبخ مال 3
اشخاص وبعدين ينطنها الفلوس شو طبخت اليوم
الاول والثاني والثالث يوميه يكللي ننطيج ننطيج
شو تاليتها اكلن الفلوس عليه ولا انطني الي صرفته
عليهن جانن يضحكن عليه لان فطيره فلذلك عزلت
منهن هذا اول موقف صار اليه بالغربة وجنت من
النوع الي اخاف من كلشي حتى المردانه
الحمره(الصرصرة) اخاف منها الشي الي ما ممتوقع
بالبيوت الي كعدنا بيها اما مسكونه لو اهل البيت يردون. يهججونه من البيت لاسباب غير معروفه بحيث
جنه بليل نسمع بليل حنفيات الماي تنفتح وتنسد
الضوايات تنطفي وتنشعل والاحذية مالتنا (تكرمون)
نسمع الطقطقه مالتها طاق طق طاق طق الكعوبة
مالتها عبالك واحد يلبسها ويتمشى بيهن وبالفعل
شردنا من البيت خوفا واستقرينا ببيت قريب على
المدرسه مالتنا بشارع الامام الصادق عليه السلام
شارع معروف بالنجف مااعرف حاليا شنو اذا غيروا
اسمه وقبل جنا نشتري ملابس اخذية جنط بنظام التقسيط من محلات راقيه بزمن الستينات مثل
ابن الكفنويز محل راقي ومشهور بذلك الوقت اهل
النجف القدامى يعرفونه وكان راتبنا بذلك الوقت
12دينار مع غلاء المعيشة بزمن التفاليس جان ثروة
اما البنات الي جانن وياي عاشن بغير مكان وگمت
اتفاداهن لان جانن يسببن مشاكل ومن النوع الي
يحبن النفاق واني مو من هذا النوع وجانت عادة
اهل النجف قبل يسوون حفلات او القبوليات
يسموها بذلك الوقت ويعزمون المعلمات علمود
مساعده بناتهم الضعيفات بالدراسة وكانت هاي
الحفلات تفيدني اغلب الاحيان لان ثلاثة ارباع
الراتب تروح لأهلي كوني صرت المعيل الوحيد الهم
وچانت تجي والدتي من العمارة وتگعد يمي
20 يوم وتجيب كلشي بلاقساط ويتسجلن عليه
بحيث راتبي يصفه للاقساط واجار البيت الي بوكتها
جان ايجاره 2 دينار وبسبب هذا الشي غديت جلد
على عظم فجانت هاي الحفلات تنقذني من هذا
الشقاء وبيوم من الايام اتفاجئت بطلب يدي من احد
عوائل السماكه في النجف ومن عرضت الامر على امي...
نازك:. يمه اجوني خطابه من اهل النجف ناس سماچه (اي يبيعون السمچ).
امي؛. لابويه شنو ننطيج لناس سماچه.
وانتهت الخطوبه قبل ان تبدأ
وبعد فترة هذه العائلة عزمت المعلمات لكون بتهم طالبة عدنا بسبعة اخوه الي تقدملي سابقا وبذاك
الوكت اهل السمچ بالنجف يكونون من اغنى العوائل بالمحافظه ومن رحت ويه المعلمات
اتعجبت ببيتهم
واناقتهم وترتيبهم ماچنت مصورة هذا الشي بعقلي
هذا مو قسمتي وچانن المعلمات الي يسكنن وياي
بالبيت من محافظات شتى اهل الحله. بغداد.
الرمادي موصل. وكانوا امهاتهن يزورن بناتهم يومين
فقط وفد مرة وحده من امهات المعلمات شافتني اطبخ بدون محاطه شي عل راسي..
گالتلي عيني شلون طبخين بدون ما لافه شعرج او مغطيته لان هذا يشيب الشعر.
وجانن المعلمات بعطلة الخميس عل الجمعه
يسافرن لاهلهن اظل بس اني لان مكاني بعيد وبنيه
من الموصل اني بالطابق الاول وهيه بالطابق
الثاني وجنت اخاف اطلع بليل.
ودوام گبل صبحي وعصري وفد يوم بده الدوام
الظهري وما نشم الا ريحه السمج المشوي وريحه
الخبز فاحت بالمدرسه🤤 وهنا صارت المفاجأة .......!؟ ً
وبسسسس كافي تعبت ان شاء الله احاول انزللكم بارت باسرع وقت.. 😻
بس اريد منكم نجمه وتعليق حلو علمود استمر وشكرااا 🌹
أنت تقرأ
هل جزاء الاحسان الا الاحسان(قيد التعديل)
ChickLitتتحدث قصتنا عن بطلتنا التي استلمت برقية من اهلها تطالبها بالعودة اليوم الفلاني للتفاجأ عندما اتت لاهلها وعلمت ان اليوم هو قطع مهرها. معاناة. تفرقة. تضحية. وفاء..
