مودة ورحمة "اسكربيت"

اسكربت7 من ترك شيئا لله عوضه الله خير منه

جالي وأنا في المسجد شاب محتاج يتكلم معايا .. فقال

- أنا بحب بنت يا شيخ، عمري ما قولتلها حاجه عمري ما حولت ألمح ليها ولا عمري هحاول عاوزها في الحلال أعمل اية ؟!

= انت عندك كام سنه ؟
- أنا لسه ٢١ سنه وهي قدي في السن ، وبالله ما تقول ما هينفع

= لا يا أخي الكريم مش كدة، كل شئ قدر وكل ما هو ليك خير .. اصمد وافعل كل حاجه  خير عشان تبقي ليك

انصرف الشاب، وأنا مروح عديت على الفرن  اشتري عيش للأهل البيت.. لقيت الشاب دة هناك

- بتعمل اية هنا ؟!
= أنا بشتغل وكدة يعني منتا قولتلي أعمل كل حاجه
أعانك الله يا طيب

مشيت وأنا كلي أمل، لما الواحد يكون بيحب بينه وبين ربنا كدة وعاوز الحلال ويعمل كل السُبل عشان يوصل لحاجه بما يرضي الله

بعد ٤ شهور في إجازة نهايه العام جالي نفس الشاب، وعيناة تكاد من فرط البكاء ابيضت!

- مالك يا طيب فيك إيه إحكي
= اتخطبت  يا شيخ ، اتخطبت وكل اللى عملته راح على الأرض يا شيخ

'' وحضني وهو بيبكي وأنينة كأنين الطفل "

انت قولت كل حاجه خير! طيب فين الخير في أن ربنا يبعدها عني رغم إني حافظت على الحلال

= لعلها هي اللى مش خير...
- أنا حبيتها يا شيخ والله!
= ادعي يا حبيبي.. ادعي واتركها لله

'' وانصرف، وعشان مطولش عليكم جالي الشاب ده تاني ''

يا شيخ البنت اللى حكيت عنها.. فسخت خطبتها بس للأسف عشان جالها السرطان!!

فلا حول ولا قوة إلا بالله العلي العظيم .. صراحه انا بشر ومعرفتش أقول ايه وعيني دمعت

فضل الشاب يشتغل في الفرن، ويدرس، ويشتغل ويدرس على مدار ٣ سنين

وهو لازال يا خونا بيخطط للحلال...

وكان بيجي يطمني كل فترة بالأخبار، بس أهلهارافضين العرسان بسبب مرضها

وخصوصا وإن خاطبها السابق تركها لما أصابت بالمرض فآثرت في نفسيتها جدا

الطيب اللى حكيت عنه، راح أتقدم وخطب بنت الناس سنتين وشفاها الله من اللى كانت فيه

وحاليا رب العباد رزقهم بأول مولود بعد كل دة يا جماعه .. شوفتوا اللى بيريد الحلال كيف ييسر الله له؟

الطريق الصحيح دايما الحلال، علموا ولادكم وبناتكم كدة دمتم بخير.💚

لازال قلبي في حُبكِ يغرق يا مولاتي “🥺💚💚💚💚💚💚💚💚💚💚💚💚☘