السيدة X X (بقلم القناع🎭 )

الفصل الخامس والعشرون🎬

في المستشفى

الساعة الرابعة صباحا يمر خالد ويلمح رغد في الاستقبال على احدى سراير المرضى فيجري عليها
خالد: ريم مالك انت كويسة يا ريم
تاتي لميا مسرعة وتقول: انت تعرفها
خالد: ايوة دي ....اخت نادر
لميا: كويس ان في حد من اهلها هنا لحسن دي كانت مرعوبة على الاخر
خالد: ايه الي حصل
لميا: على حسب ما فهمت في واحد حاول يخطفهم والعربية اتقلبت بيهم
خالد: اكيد رغد كانت معاها دي اختي هي فين
لميا: اهدأ هي لسه طالعة من غرفة العمليات واتجاوزت مرحلة الخطر
ياتي نادر ويرى اخته فيفزع ويقول: ريم ايه الي حصلها
لميا: هى دلوقتي كويسة وخالد هيقولك الي حصل
خالد: فين المجرم الي حاول يخطفهم عشان هموتوا بايدي
لميا: هو مات
خالد: احسن ربنا اخده وريحنا
تذهب لميا ويشرح خالد ما حدث لنادر

في احدي غرف المستشفى يجلس اسر ويتذكر ما قلته اسيا ويقول: مش هرحمك يا كامليا انا تكسري حبي ليكي طب لو محبتنيش جيتي ليه ولبستي السلسلة ليه.... ليه انا قسمتى كده دي غلطتك يا اسر عشان فتحت باب قلبك لحد تاني بس ليه حاسس بوجع كبير اوي المرة دي محستهوش مع حب اربع سنين
زين: عشان دا الي كان حب بجد
اسر يمسح دموعه بسرعة ويقول في غضب : انت هنا من امتى ازاي متتكلمش
زين: انا جبت الي طلبته مني بس
اسر: ايه
زين: احيانا الحقيقة بتوجع بس متندمش على حبك ابدا
اسر: تمام اتفضل انت دلوقتي
يفتح اسر الملف ويجد صورة مختلفة غير صورة اسيا ومكتوب كامليا سيدة اعمال وان ليها تعاملات كتير مع الارهاب وتجار المخدرات وهي الدراع اليمين لاخوها الافعى
اسر: لو دي كامليا يبقى مين التانية يظل اسر يفكر ويتذكر طريقة كلامها وطباعها معاه
ويتذكر معرفة لميا على الفور ان لديها حساسية رغم ان هذه الاشياء لا تعرف بهذه السهولة وثم يتذكر كلام اسيا عن السيدة X X ويقول في ابتسامة: انا عرفت انت مين يا سيدة X X
على سطح المستشفى تقف لميا مع يحيا
لميا: في حاجة مضايقاك يا يحيا
يحيا: انت مش شايفة اخويا عامل ازاي كله من ورى كامليا اه بس لو عرفتها هموتها بايدي
لميا
بعد تفكير عميق تقول: يحيا انا عايزة اقلك حاجة
يحيا: ايه هي يا حياتي
لميا: كامليا ....كامليا
يحيا: ملها يا حياتي
لميا: دي تبقى دي تبقى اختي
يحيا في صدمة: انت بتقولي ايه انا مش فاهم
لميا: انا هفهمك
تجلس لميا مع يحيا وتخبره بكل شئ
في احدى الغرف يجلس جاسر ويتذكر ما حدث بعد انتهاء الاجتماع
اسر: جاسر عايزك
جاسر: امرك
اسر: انا عرفت ان عندك مرض في القلب
جاسر في خوف: انا.....
اسر: متكملش انا هديك خيرين اما ان دي تكون اخر مهمة ليك وترجع البيت وتعيش حياة سعيدة مع عائلتك وتتقاعد او انك تكمل معانا في الكتيبة واوعدك محدش هيعرف بحاجة انا عايزك تفكر كويس مراتك محتاجة ليك وتعبانة وفي طفل في الطريق خد قرار صح
جاسر: هفكر وارد عليك
اسر: مستني ردك الصبح
يرجع جاسر للواقع على صوت هاتفه يرن باسم والده
جاسر: ايه يا بابا
والد جاسر: جاسر يا ابني مراتك كانت تعبانة جدا
جاسر: هس كويسة دلوقتي يا بابا
والد جاسر: ايوة بس هي نفسيتها تعباها اوي الفترة دي ومحتاجاك جنبها
جاسر: طب اقفل دلوقتي يا بابا انا هروح اكلمها
يتحدث جاسر مع زوجته
جاسر: انت عاملة ايه دلوقتي
مريم: الحمدلله
جاسر فين البطل الصغير
مريم: حمزة عند ماما كام يوم
جاسر: طيب يا حبيبتي انا كنت عايز اكلمك عشان اتعصبت عليكي المرة الي فاتت و...
مريم: جاسر اسمعني انت الاول
جاسر: طب اسمعيني انا اخذت قرار مهم هيبسطك جدا
مريم: انا قلت تسمعني
جاسر: طيب قولي
مريم: انا عايزة اطلق انا فكرت و....
جاسر: احنا المفروض
مريم: متقاطعنيش انا فكرت كتير في الكلام الي قلته فعلا يا ابن الناس محدش جبرني على العيشة دي من الواضح انا الي حطيت نفسي في سجن مفتاحه في ايدي وانا مش حاسة
جاسر: جوازك مني سجن حب حياتك سجن يا مريم
مريم: دلوقتي مش زي زمان انا اتحملت ٨سنين من غير كلام عشان بحبك لكن خلاص ولو على ابنك هتشوفوه وقت ما تحب معنديش مشكلة
جاسر: هي وصلت لكده طيب اول ما اوصل هتوصلك ورقتك
يغلق جاسر الخط ويذهب لاسر
يدخل جاسر لاسر ويقول: ممكن ادخل
اسر: اتفضل يا جاسر
جاسر: انا فكرت
اسر: بسرعة كده
جاسر: انا هكمل
اسر: مع ان مش ده الاختيار الي عايز اسمعه بس ماشي
جاسر: انا .....
يفكر جاسر ويقرر عدم اخبار اسر بما حدث لان مشاكله تكفي
اسر: ايه
جاسر: انا هروح انام شوية
اسر: تمام
⚡⚡⚡⚡⚡⚡⚡⚡⚡⚡⚡⚡⚡

الساعة ١٠ صباحا

تاخذ اسيا سلاحها بعد ان ارتدت زي المناسب وتذهب لمهمتها
بينما في الجانب الثاني يقف اسر امام باب المستشفى دون تحرك وزين يراقب شاشات المراقبة
وعلى الشاطئ يقف جاسر من فوق التلة يحاول مراقبة الجميع بعد ان امر عدم دخول اي اشخاص اخرين للشاطئ وياتي له يحيا ويقول: محتاج مساعدة يا بطل
جاسر: بتعمل ايه هنا انت منفذتش الاوامر ليه
يحيا: انا كويس متخافش هنفعك
جاسر: تعالى يا ابو الصحاب امري لله
يجلسون ويراقبون الاجواء بينما خالد ونادر في الشاطئ التاني يراقبون الاجواء بدقة حتى تاتي فتاة صغيرة وتقول لخالد: عمو ...عمو
خالد: ايه يا عسولة
الفتاة: معاك خوخ اصل انا بحبه اوي
يضحك نادر وينظر خالد بيئس ويقول: ليه يا بنتي كده
الفتاة: عمو انت مش ضابط انت غبي بتدور في المكان الغلط على طول كده هو ايه يعني اي حاجة في اي حاجة
ينتبه خالد ونادر لكلام البنت ويسالاها من قال هذا
الفتاة: عمو الي معاه سلاح كتير كتير
نادر: ايوة فين يعني
الفتاة: في الشاطئ الثاني
خالد: وانت عرفتي منين
الفتاة: ابدا كنت باكل خوخ والخوخة بتاعتي وقعت بعيد تحت العربية فانا نزلت اجيبها ولقيت واحد واحد تاني قاعدوا يطلعوا اسلحة
ويقولوا ان المهمة هتم هنا وكان معاهم واحدة في دم كتير كده
خالد: لقينا المكان بسرعة قبل ما العملية تتم
نادر: استنى ....فاكرة يا حلوة مكان العرابية
الفتاة: ايوة انا عبيطة عشان انسى هي العربية الزرقاء جنب الشجرة الوحيدة الموجودة في الشاطئ
يجري نادر وخالد للشاطئ الثاني بينما جاسر في الشاطئ الثاني يلاحظ تلك العرابية الزرقاء ولا يرتاح لها فيقرر الذهاب لرؤيتها
وعندما ينظر داخل العرابية لا يستطيع رؤية شيئ ومن داخل السيارة يتهامس الاثنين
الرجل: هموته
الرجل الاخر: استنى متدمرش الخطة
الرجل: طيب ماشي
بعد وقوف جاسر بالقرب من السيارة يقرر الذهاب وهو ذاهب يلمح دماء على صندوق السيارة
⚡⚡⚡⚡⚡⚡⚡⚡⚡⚡⚡⚡⚡

يتبع ....