في غرفة ريم ورغد
ريم: انا قلتلك يا حيوانة متدخليش لجوه
رغد وهي ترتعش من البرد: ما انا محستش بنفسي المياه سحبتني
ريم: طيب طلعتي ازاي
رغد: الواد الحليوه انقذني
ريم: مين ..... آه الي قولتيلي عليه
رغد وابتسامتها تصل الى السماء: بس شكله بيحبني
ريم: بيحبك ايه يا مفعوسة دا انت حتى متعرفيش اسمه
رغد: لا عرفت اسمه نادر وهو فعلا نادر
ريم: ييي نادر الاسم ده قشعرلي جسمي بيفكرني بالحيوان اخويا
رغد: ليه سيرة النتنة دي ما احنا كنا تمام
ريم: صحيح احنا هنروح امتى قبل ما البهوات يعرفوا ان احنا سبنا العذبة
رغد: اسبوع كمان ونمشي
ريم: ايه ازاي انا اتفقت مع اخويا اسبوع وارجع
رغد: لو اخوكي اتصل طنشي هو في مهمة مش هيعرف هيرجع وانا هقول لبابا اننا هنقضي اسبوع كمان في العزبة
ريم: .......
⚡⚡⚡⚡⚡⚡⚡⚡⚡⚡⚡⚡⚡
في غرفة لميا
لميا: الحيوان ده ازاي يعمل كده يروح يراقب اختي ويتهمها
تدخل فتاة الي غرفة لميا وهي رفيقة سكن وتبدأ ان تتطلع الي لميا نظرات استحقار وتقول : ايه مش هتروحي تشوفي يحيا عامل ايه
لميا باستغراب : وانت مال اهلك
البنت: يا ماما انت قليلة ادب كده ليه
لميا: يا حول الله دا الي كان ناقص
البنت: ناقص ايه
لميا: بنت ممحونة زيك بصي انا عندي صداع وزي ما كسرت راس الطور قصدي العسكري الي برى حتة كيكة زيك مش هتاخد في ايدي ثانية واكون هرساها
البنت وبدأ وجهها يحمر من الخوف وتقول: خلاص انا .... انا ماشية يلا باي
لميا: خدتك داهية يا حبيبتي خدي الباب في ايدك
بعد قليل يدق الباب
لميا: لا اله الا الله يا بنت الجزمة انا مش قلتلك امشي انا عندي صداع
يظل الباب يدق عدة مرات لذلك تضطر لتذهب هي وتفتح الباب وعندما ترى من يقف على الباب لا تستطيع كتم ضحكاتها
يحيا: عجبك انت كده راسي النتخيطة دي
لميا: لا والله ما الي خيطتها الهي تتقطع ايدها ويعدي عليها قطرين ....
يحيا: بس بس انا خايف انزل القيهم عمللها عزا بسببك
لميا: كان في فازة تانية هنا تقريبا
يحيا: خلاص خلاص انا همشي
لميا: استنى
يحيا: ايه
لميا: هو أسر وكامليا اتصلحوا
يحيا: انت بتسألي ليه
لميا: لا يعني انا كنت بسأل اصل كامليا بنت طيبة اوي
يحيا: آه أسر مش عارف يصلحا ازاي
لميا: يشترلها سلسلة على شكل سلاح
يحيا باستغراب: انت عرفتي ازاي
لميا: لا مجرد استنتاج اصل الحاجات دي باحبها البنات
يحيا: لا والله يغني البنات بتحب وردة سلسلة على شكل قلب مش سلسلة على شكل سلاح
لميا: لا مش كلهم يعني انا بحب كده
يحيا: يا حبيبي الدموي انت
لميا: بطل وروح قول لأسر على النصيحة
يحيا: طيب انا رايح
⚡⚡⚡⚡⚡⚡⚡⚡⚡⚡⚡⚡⚡
في غرفة أسر
يطرق باب غرفة أسر ويفتح الباب فيجده يحيا
يحيا: ايه يا بني صلحتها
أسر: لا
يحيا: طيب انا عندي فكرة
أسر: ايه
يحيا: اشترلها هدية على شكل سلاح
ينظر أسر ليحيا بغضب ويقول: وحياة امك البنات بتحب ورد سلسلة على شكل قلب مش على شكل سلاح
يحيا: والله انا قلتلها كده
أسر: قلت لمين
يحيا: لا قلت لعقلي يعني
أسر: لا إله إلا الله
يحيا: يا أسر معظم البنات دلوقتي بتحب كده يعني دمويين
أسر: ماشي همشي ورا كلامك المرة دي
يدخل خالد الغرفة ويقول: ايه بتعملوا ايه
أسر: عايز اجيب سلسلة على شكل سلاح
خالد: لمين
أسر: لكامليا عشان اصالحها
خالد: انت مريض الواحد يجيب وردة سلسلة على شكل قلب مش سلاح
يحيا: يا لهوي
لا يستطع أسر كتم ضحكته ويضحك بصوت عالى
خالد: في ايه يا جماعة
يحيا: ملكش دعوة تعرف حد نجيب منه السلسلة بس عيزنها دهب وماس حر
يحيا: بس كده نص ساعة والسلسلة تكون هنا
⚡⚡⚡⚡⚡⚡⚡⚡⚡⚡⚡⚡⚡
أنت تقرأ
السيدة X X (بقلم القناع🎭 )
Açãoفتاة في المخابرات المصرية الكل يعرف عن انجازتها ولكنها تظل شخصية غامضة تتمنى ان تأخذ اجازة فيقرر رايسها ارسالها الي مطروح للتصيف بجانب مهمه سرية بينبا كتيبة الصقور العسكرية تنتهي من مهمة خطيرة وتتمنى ان تاخذ اجازة وبالفعل تستطيع اخذ التسريح ويقرروا...
