فتاة في المخابرات المصرية الكل يعرف عن انجازتها ولكنها تظل شخصية غامضة تتمنى ان تأخذ اجازة فيقرر رايسها ارسالها الي مطروح للتصيف بجانب مهمه سرية بينبا كتيبة الصقور العسكرية تنتهي من مهمة خطيرة وتتمنى ان تاخذ اجازة وبالفعل تستطيع اخذ التسريح ويقرروا...
بعد مرور ثلاثة ايام - خروج ايمن من المستشفى ومحاولته للتحسين من نفسه - رجوع كتيبة الصقور لوحدة القيادة والتقديم على طلب اجازة - تحضير آسيا للسفر الى مطروح - وتردد يحيا على لميا وتطور علاقتهم الى الصداقة ⚡⚡⚡⚡⚡⚡⚡⚡⚡⚡⚡⚡⚡ في منزل آسيا
ايمن: يعني مصممه يا آسيا تسبيني وتسافري آسيا: يا حبيبي متضرة أيمن: طيب خلاص ماشي بس لازم تتعشي معايا انهاردة آسيا: بس كده ماشي من عنيا ويا ترى مين فينا هيحضر الأكل أيمن: لا أنا ولا انت طلبت اكل آسيا: ماشي هجهز الشنط وهطلع وراك ⚡⚡⚡⚡⚡⚡⚡⚡⚡⚡⚡⚡⚡ في مستشفى
لميا: بس يا فندم هسافر كده من غير ما ابلغ أهلي شوف حد غيري المدير: هي لعبة دي تعليمات نفذي التعليمات يا حضرة الرائد لميا: تمام يا فندم المدير: روحي دلوقتي وجهزي شنط عشان هتسافري بكرة مع بقيت الدكاترة لميا: بعد أذن حضرتك تخرج لميا وهي في قمة غضبها وتصتدم بيحيا يحيا: آاه لميا: ايه ده يحيا اسفة ماخدتش بالي معلش انا اسفة بس متعصبة اوي يحيا: قولي مين الي عصبك واروح اقتله لميا بضحك: لا مش للدرجة دي بس مسافرة بكرة مع بعض الدكاترة يحيا: بجد يا خسارة دا انا كنت عايز يعني لميا: عايز ايه يحيا: لا خلاص لما ترجعي بس يا محاسن الصدف انا كمان هسافر بكرة لأنه تم الموافقة على طلب الاجازة لميا: بجد ...تمام اشوفك لما ارجع من السفر مع اني مش عارفة هرجع امتى يحيا: كلميني بقى وانا هبقى ... يعني اكلمك عشان اطمن عليكي لميا: تمام .... باي عشان الحق اجهز شنطي يحيا: باي ⚡⚡⚡⚡⚡⚡⚡⚡⚡⚡⚡⚡⚡ في منزل آسر
آسر في غضب: يا حول ولا قوة الا بالله يا حج عمار سبني الله يخليك عمار: يا بني دي عروسة لقطة متتسبش آسر: انا من ساعت ما جيت وانت مفيش على لسانك غير جملة انا لقيت فتاة احلامك هو في ايه يا حج عمار: دي بنت بماية راجل قوية و جادعة وكمان شغالة في المخبارات كان اسمها إيه ...اه افتكرت السيدة xx اسر: السيدة xx سمعت عنها بس برده لا لاااااا عمار: خلاص يا ابن الجزمة خليك قاعد في قرابيز الي خلفوني غور هروح اشوف اخوك اصلها عروسة لقطة اسر بسخرية: روح روح ما خالد مبيخدش غير الحاجة الي برميها انا ينظر عمار لاسر بقرف ويخرج ويغلق الباب بعنف خلفه تدخل أخت آسر الغرفة: سوسو حبيبي يعني اول ما ترجع من الجيش تسافر اسر: معلش بقى يا ست رغد هنعمل ايه محتاج افك عن نفسي رغد: بقلك يا اسورة ايه رأيك في العروسة اسر: الله يا خربيت العروسة الي طلعتلي في البخت دي ...اطلعي يا رغد دلوقتي خليني انام عشان هنمشي على الساعة ٧ لازم انام رغد: ماشي يا سي اسر انا طالعة...آه صحيح انا مسافرة أسبوع مع صاحبتي العزبة يعني نغير جو انت عارف طالبة الطب هيموتوا من التعب اسر: ماشي يا حبيبتي بس خلي بالك على نفسك.... ⚡⚡⚡⚡⚡⚡⚡⚡⚡⚡⚡⚡⚡ في بيت نادر
نادر: واخيرا هسافر لحسن كنت اقتربت على الجنون تفتح اخت نادر الباب بعنف وتقول: يا حيوان يا زبالة هتسافر وتسبني نادر: بسم الله الرحمن الرحيم قطعت الخلف يا بت الجزمة مش هتخليني نافع في حاجة ريم: في ايه اشحال مش من الجيش يعني نادر: عايزة ايه اخلصي ريم: انا قلت يعني يا أخويا يا حبيبي لو يعني ينفع... نادر بعصبية: خلصي يا ست النحانيح عايزة ايه ريم بسرعة: عايزة اروح اقعد مع صاحبتي كام يوم في العزبةوانت مسافر نادر بعصبية: امشي يا بت الجزمة من قدامي ريم: في ايه يا نادر مفيهاش حاجة هنروح أسبوع نغير جو انت عارف بقى طالعين من ضغط كليات نادر: ويا ترى صاحبتك دي عندها اخوات ولاد ريم بخوف: آه أخين أكبر منها نادر: عارفة يا حيوانة لو ممشتيش من قدامي هديكي علقة ريم: صلي على النبي اخواتها مسافرين بكرة مع صحابهم نادر: كلمة وقولتها تبكي ريم دموع مصطنعة وتقول: لو كان ابويا وامي عايشين كنت طلبت منهم نادر: خلاص يا ريم روحي بس اوعديني تخلي بالك على نفسك ريم بفرحة: يعيش يعيش احلى اخ في الدنيا ⚡⚡⚡⚡⚡⚡⚡⚡⚡⚡⚡⚡⚡ في صباح اليوم التالي يستيقظ الجميع ويستعدوا للسفر الا شخص واحد
في بيت آسيا
يفتح ايمن الباب على اخته ويجدها نائمة وينظر الب الساعة يجدها الساعة٩ وكانت طائرتها الساعة ٨ ايمن: كده خطتي نجحت ومش هتسافر يقفل ايمن الباب ويخرج من المنزل حتى عندما تستيقظ اخته لا تقتله من غضبها اما في غرفة آسيا يرن هاتفها كثيرا حتى تستيقظ وتنظر للهاتف فتنصدم : الساعة ٩ الطيارة راحت عليا هعمل ايه تتذكر اسيا ما حدث الليلة الماضية.... ايمن: اشربي العصير اسيا: مش عايزة يا بني عصير ايه ايمن: لو مشربتيش العصير مش هكلمك ارجوك اشربيه تشرب آسيا العصير وفجأة تشعر بدوار وتقول انها ذاهبة للنوم في الوقت الحاضر
آسيا: عملتها يا كلب من غير ديل مش هسيبااااك..... هعمل ايه مضطرة اخذ اي اتوبيس هيوصلني لأسكندرية وبعد كده هطلع على مطروح يا ربي ٧ساعات لازم اجهز فورا تتصل اسيا على رقم من هاتفها الاخر: اسفة حضرتك بس انا مضطرة اني اتاخر لاني فوتت طيارتي الشخص: عادي مفيش مشكلة نتقابل اول ما توصلي تجهز آسيا نفسها وترتدي زي رسمي رغم انها ذاهبة لاجازة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تأخذ اسيا شنطها وتنزل مسرعة من البيت وتذهب الي موقف الأتوبيسات ⚡⚡⚡⚡⚡⚡⚡⚡⚡⚡⚡⚡⚡ في موقف الأتوبيسات
تبحث آسيا عن اتوبيس ولكن لا تستطيع ايجاد اتوبيس يوقفها احد الأشخاص الشخص: يا أستاذة حضرتك بدوري على اتوبيس آسيا: يا ريت الشخص: في اتوبيس خاص بمجموعة شباب هيروح مطروح ممكن تشوفيهم ممكن يوفقوا ياخدوكي معاهم آسيا: شكرا بجد حقيقي مش عارفة اشكرك ازاي تتجه آسيا للأتوبيس وتطلب من السائق فتح الباب تصعد آسيا الدرج وتقف في صدمة وتقول: انتم ....... ⚡⚡⚡⚡⚡⚡⚡⚡⚡⚡⚡⚡⚡ يتبع .....
