السيدة X X (بقلم القناع🎭 )

الفصل الثالث 🎬

في المستشفى تحديدا في غرفة ايمن

لميا: اتعرض لانتكاسة تاني لو فضل كده ممكن انه يتعرض لجلطة
آسيا في حزن: هعمل ايه مش راضي يسمع الكلام دايما بيعصبني نفسي يكون شاطر شخص يعتمد عليه اذا كان من اقل حاجة بيتعب هيعمل ايه لما يعرف حقيقة موت اهلنا وان انت اختنا هيعمل ايه
لميا: اهدي يا آسيا متتعصبيش
آسيا في غضب: متقوليش اهدي انا ماشية لما يصحى كلميني
لميا في قلق: هتروحي فين طب استني
تخرج آسيا وهي في قمة غضبها وتركب سياراتها وتمشي مسرعة
⚡⚡⚡⚡⚡⚡⚡⚡⚡⚡⚡⚡⚡
في مكان يشبه أرض سيارات سباق تقف سيارات تستعد للانطلاق
يرمي الرجل المنديل الأحمر وتسرع السيارات في الانطلاق تتقدم سيارة بالون الأبيض وسط السيارات
اسر: الفوز ليا انهاردة مش هسمح لحد انه يقف قصادي
يسرع اسر بسيارته البيضاء ويتقدم على كل السيارات التي امامه ولكن لا يستطيع تفادي سيارة واحدة وهي تتقدم بسرعة كبيرة
اسر في غضب: لا بقى مش انا الي يتعلم عليه مرتين انهاردة
يسرع اسر بالتقدم ويصبح على سوى السيارة الاخرة ويحاول الاسراع اكثر لكن العجلة الخلفية للسيارة تنفجر ويخسر اسر السباق وتفوز السيارة الاخرى وتنزل فتاة من تلك السيارة وهي تضع ماسك على وجهها وتتجه لسيارة اسر الذي نزل هو الاخر من السيارة وكان في قمة غضبه ولكن لم تستطع الفتاة رؤية وجهه بسبب القناع الذي على وجهه
الفتاة: هدي نفسك يا كابتن ادائك كان حلو كان ممكن تكسب بس تقريبا الحظ كان متخلي عنك النهاردة
اسر في غرور: صحيح الحظ اتخلى عني انهاردة بس مش هعتب عليه لانه عمره ما خذلني
آسيا: الحظ غدار متثقش فيه وتعتبره صديق
اسر وهو ينظر باعجاب لكلامها: مدام مش هاثق في الحظ برايك مين الي يستحق الثقة
آسيا بنظرة اعجاب وثقة: وهل في شخص يستحق الثقة غير نفسك دا انت حتى المفروض متثقش في اخوك
تتبدل نظرات اسر للغضب لتذكره ما فعله اخوه ويقول بنبرة حادة: شكلك متعرفيش انا مين انا محدش يقدر يعلم عليا انا الي بعمل الحظ
آسيا: واثق من نفسك تمام هديك فرصة ثانية لكن بشرط
اسر: موافق بس اعرف الشرط
آسيا: افا هضربك افا لو خسرت
آسر وهو يتذكر تلك الفتاة التي ضربته في المستشفى فيقول: ماشي بس لو خسرتي انت هتبوسي جزمتي
تنظر آسيا لأسر نظرة كفيلة تقتل اي شخص من الخوف وتقول: ماشي بس احب اقول لك شكلك انت الي متعرفش انا مين بس لما تخسر متزعلش
تتجه آسيا نحو سياراتها وتركبها ويركب اسر سيارة شخص اخر ويبدأ السباق ولكن آسيا تقدمت على اسر بشكل كبير وفازت بالسباق
نزلت من السيارة وذهبت لآسر الذي كان سيموت من غضبة
يتجه نحو آسيا بانفعال وغضب : انت مخادعة انت من الواضح كنت بتبيني انك على نفس مستوايا عشان اسابقك لكن انت متقدمة جدا
آسيا: هنبدأ بقى نعمل زي الستات
يتذكر اسر كلام الفتاة من المستشفى ويجد طريقة الكلام متقاربة جدا
تقترب آسيا من أسر وتقول: اقرب ياض
وتضربه آسيا بالقفة وتلتفت آسيا لتذهب ولكن يمسكها اسر ويسحبها له ويقول: انا لازم اعرف انت مين اصل بتفكريني بواحدة كده
يرفع اسر يده لينزع قناع آسيا ولكن في لحظة كانت آسيا تقلب اسر على الأرض وتقول بنبرة حادة: زي ما قولت انت متعرفش انا مين انا اقوى مما تتصور فمتحولش تعلم عليا لاني انا الي علمت عليك
وتلتفت آسيا وتذهب بينما يحاول اسر النهوض ولكن يجد ان كتفه اتخلع فيضطر للذهاب الي المستشفى
⚡⚡⚡⚡⚡⚡⚡⚡⚡⚡⚡⚡⚡
في المستشفى