عند ريم ورغد في الفندق
تجلس رغد وريم في غرفة الفندق يخافوا ان يخرجوا منها حتى لا يراهم اخوتهم
فجأة يدق باب الجرس ليصيبهم بالفزع
رغد: قومي افتحي
ريم: يا سلام يا ختي افرضي طلع اخويا
رغد: طب لو طلع اخويا
ريم: طوبة ورقة مقص والي يخسر يفتح الباب
رغد: ماشي
تقولان رغد وريم طوبة ورقة مقص في صوت واحد وتخسر رغد وتتردد في فتح الباب فتدفعها ريم تفتح رغد الباب وريم تغطي وجهها خوفا مما سيحدث
رغد: الله يخربيتك قطعت الخلف وتنظر للخلف اطلعي يا ست ريم دا خدمة الغرف
ريم: الله يحرقك يا شيخ
الموظف: هو في حاجة يا هوانم
رغد: مفيش روح امشي
الموظف: الاستاذ مدير الفندق بعتلكم العصير ده وبيقلكوا اتمنى الغرفة تكون عجباكم
رغد: ايه دا خمرة لا مش بنشرب والله
الموظف: لا دي مش خمرة دا نبيذ
رغد في غضب: روح يا رجل يا اهبل من هنا
وتغلق الباب في وجهه
ريم: اتفرجي دا الي كان ناقص مدير الفندق حاطط عينه علينا والي يجي حظه معاها اشطا وايه بعتلنا خمرة كهدية
رغد: لو سمحتي دا نبيذ مش خمرة
ويبدأ الاثنين في الضحك
⚡⚡⚡⚡⚡⚡⚡⚡⚡⚡⚡⚡⚡
في المستشفى
تجلس سلوى على سلالم الدرج تبكي من الكلام الجارح الذي قاله زين وخصوصا ان والدتها ماتت بعد ولدتها لها
زين: انا اسف جدا على الي قلته
سلوى: امشي يا حيوان
زين: مكنتش اقصد
تزيح سلوى وجهها عنه وتقول: مش عايزة اشوف وشك تاني عشان كل ما هشوفه هيجيلي قرف
ينظر لها زين في غضب ويحاول ان يتمالك اعصابه وفجأة يركع على ركبتيه ويقول: حنيت لكي جزعي افلا تحني وتشرق شمسك من جديد فكاد جزعي ينكسر من شدة امطارك الغزيرة
سلوى: اشرقت شمس حجبت بنورها نجوم السماء فلم يعد احد يراها ويا من اعتدت على غزل النجوم بكلام معسول فاحذر فشمس ملكتهم ونورها يحرق عيون من يريد رؤيتها .
تعجل سلوى بالرحيل وهي تقول في ذهنها: الواطي متعود يعاكس بنات يا دي حظي المهبب اعمل ايه دلوقتي انا .
ويلحقها زين بالرحيل ووجهه كله احمر ويتذكر كل ما قالت
يقابله خالد وجاسر في الطريق ويوقفونه: في ايه مالك يا ابني
زين: كوباية ماية بسكر لحسن دايخ
جاسر: وشك احمر اوي انت سخن في ايه مالك
خالد وهو يضحك ويقول في سخرية: نار الحب يا قلبي نار....نار
زين: اظاهر اني قربت من الشمس بزيادة
جاسر: افندم انتم بتقولوا ايه
خالد: حاجات الي زيك مش هيفهموها
جاسر: ليه انشاء الله
خالد: عشان انت متجوز ومخلف فمش هتفهم اصل قطر الحب فاتك
يبدأ زين وخالد بالضحك ويلتفوا متكاتفين للذهاب
جاسر: قطر الحب فاتني ...... خد ياض منك ليه تعالى ويبدأ يجري خلفهم
بينما أسر ولميا يقفون امام لوح الزجاجي الي يطل على يحيا
لميا: اسر انت قدرت تلاقي كامليا
آسر باستغراب: بتسألي ليه
لميا: لا بس احنا كنا بقينا صحاب وفجأة اختفت
آسر: لا مشغول الفترة دي بس لو لقيتها معتقدش ان مقابلتنا هتكون كويسة لان انا حاليا معرفش هي مين
لميا: انت بتحبها
آسر: بتسالي ليه
لميا: متفهمنيش غلط بس يحيا كان بيكلمني عليك دايما وانك اكتر من اخ بالنسبه ليه ومن كلامه الواضح انك شخصية غير مبالية بقيمة الاشياء الي عندها
آسر: يمكن معاكي حق لكن اذا بينت نقاط ضعفي للعدو هيستغلها وسعتها النتيجة اني هخسر
لميا وهي تبتسم: انت مش في ارض معركة عشان متظهرش نقاط ضعفك انت بتحب والي بيحب بجد بيلعب ديما بورق مكشوف قدام حبيبه وساعتها لو كسبت في اللعبة هتعرف ان الشخص ده بيحبك
أسر: لو خسرت هعيش طول عمري خسران
لميا: عارف ايه اجمل حاجة في الحب
أسر: ايه هي
لميا: انه الحب هي الحاجة الوحيدة الي لا يمكن تخسر فيها وصلتك الفكرة
آسر: ازاي مش فاهم
لميا: ان خذلك الحب فلن يخذلك قلبك في من احببت
آسر: الجملة دي عميقة اوي
لميا: اتمنى انك تكون فهمت انا عايزة اوصلك ايه
آسر: مهما كان الحب مرير وتجاربه صعبة لازم اكون عارف ان البنت الي اخترتها لا يمكن تسبني في نص الطريق ابدا
لميا: عشان تعرف
آسر: ماشي يا اختي الصغيرة
تنظر له لميا بابتسامة قائلة: العفو يا اخويا الكبير
تقاطعهم ممرضة تقول: دكتور اسر محتاجينك في الاستقبال جيلنا حالة تسمم
أسر: بس انا
الممرضة: الدكاترة كلهم مش فاضين ودي حالة مستعجلة
لميا: روح انت يا دكتور أسر وانا جاية وراك وتغمز له
اسر: شكرا
⚡⚡⚡⚡⚡⚡⚡⚡⚡⚡⚡⚡⚡
بجلس جاسر في احد الغرف
يتحدث مكالمة فديو مع زوجته وابنه ويقول: انا اسف يا حبيبتي مش قادر اكون معاكي وانت حامل
زوجته: عادي مفيش مشكلة انت هتفضل احلى حاجة في حياتي خد كلم ابنك اهو
ابنه: بابا انت هترجع امتى لحسن ماما بتعيط كل يوم زي دلوقتي
ويظهر ابن اسر امه التى تبكي
جاسر: بتعيطي ليه دلوقتي مش بايدي
زوجته: انا عارفة بس من حقي ان يكون زوجي عايش معايا حياة طبيعية اختار لبس البيبي معاه نتغدى سوى نخرج تحكيلي يومك كان عامل ازاي احكيلك يومي كان عامل ازاي
جاسر: انت الي اخترتي العيشة دي يا بنت الناس انا مجبرتكيش عليها وفهمتك ان حياتنا مش هتكون طبيعية
زوجته: وانا عشان حبيتك رضيت بيها
جاسر: يبقى اتحملي
يغلق جاسر الخط في وجه زوجته
اما هي فتنهار في البكاء وفجأة تاتي لها الام شديدة في بطنها ويفزع ابنها ولا يعرف ماذا يفعل
⚡⚡⚡⚡⚡⚡⚡⚡⚡⚡⚡⚡⚡
في الاستقبال بالمستشفى
يدخل سرير المحمل بآسيا التي اصبحت بنصف وعي لا تعرف ماذا يحدث حولها بينما آسر يجري على المريضة لينظر للمريضة بصدمة ويقول: كامليا
فيتعجب الشخصان الموجودان مع آسيا وتقول الممرضة: انت تعرف المريضة دكتور يا دكتور
وآسر لا يوعى لشيئ سارح في شكل آسيا الملطخة بالدماء ولا يعرف ماذا يفغل او يقول ثم يعود لوعيه مرة أخرى ويقول: لا معرفهاش ويدخلوا المريضة للداخل
وتأتي لميا لرؤية المريضة وتنصدم من منظر أختها ولا تعرف كيف تعبر عن مشاعرها بسبب الموجدين وتحاول التصرف بجمود وحبس دموعها وتبدأ بالكشف على اسيا ....
⚡⚡⚡⚡⚡⚡⚡⚡⚡⚡⚡⚡⚡
يتبع .....
أنت تقرأ
السيدة X X (بقلم القناع🎭 )
Açãoفتاة في المخابرات المصرية الكل يعرف عن انجازتها ولكنها تظل شخصية غامضة تتمنى ان تأخذ اجازة فيقرر رايسها ارسالها الي مطروح للتصيف بجانب مهمه سرية بينبا كتيبة الصقور العسكرية تنتهي من مهمة خطيرة وتتمنى ان تاخذ اجازة وبالفعل تستطيع اخذ التسريح ويقرروا...
