Chick Clique Series 04: Play and Fall Hard (Complete)

Kabanata 23

Nahuli sila Bera, magkakasunod lang kami kanina ah. Andito na rin si Pietro, nag uusap sila ni Lessio. Lessio's hand stayed on my thigh, nagtaas ng kilay si Amber sa akin at ngumising aso.

Ngumuso ako, nag order na kami kahit Wala pa iyong dalawa. Si Bera at si Lia, napatalon ako ng may umupo sa tabi ko.

"Bakit nahuli kayo?" Tanong ni Pris sa kanila. Itinuro agad ni Bera si Lia na may hawak na paper bag at umuupo sa tabi ni Ari.

"May nakita kaming stall sa malapit, I bought foods, it looks delicious." Sagot niya, inilapag niya ang kanyang mga gamut sa table tsaka tumayo ulit para kausapin ang guard niya. Umupo si manong sa isang mesa at umorder.

Laging ganyan si Lia, hindi pwedeng siya lang ang kakain at ang guard niya ay hindi. "May competition oh, eating competition. Isali natin si Lia." Sabi ni Bera.

Bumalik na sa table namin si Lia, "Pris, where is your driver?"

"Hindi ko pa tinext, why?" Inipag ng waiter ang order namin, may beer sa harap nila Lessio at Pietro. Tinignan ko si Lessio, nagtaas siya ng kilay sa akin.

"Tanghaling tapat tapos iinom ka?" Bulong ko sa kanya, he put barbeque on my plate and set aside the sauce and the vinegar, inilapit niya iyon sa akin.

"Isa lang." He said.

"You need to eat first, then." Sabi ko at kumain na, kumuha rin ako ng kanin. Masarap rin ang Kare Kare nila rito, naglagay ako sa plate ko at nilagyan rin ang Plato ni Pietro.

Nilagyan ko rin ng kanin, he's eating silently. "May gig ako bukas."

Nilingon ko si Bera bago sumubo, I laughed when I saw her plate. Punong puno, "Gutom yan?" Panunuya ko.

"Oo gaga, nag quiz kami kanina. Buti nga may naisagot ako," si Ari lang ang walang kasama kanina. Nag order ako ng sisig tsaka kumain, nag uusap si Pietro at Alessio tungkol sa business. Tahimik lang akong nakikinig, dapat unahin ang pagkain.

"Kumopya ka." Sabi sa kanya ni Lia, we laughed at her. Prangka rin ang isang ito. Tahimik lang iyan pero palaban, lalo na kapag hindi niya nagustuhan ang sinabi o ginawa sa kanya.

"Hindi lahat ano, sariling sikap iyon iba. Surprise quiz kase iyon, literal na na surprise ako." Reklamo niya.

"Lesson learned na, kaya dapat makinig ka." Halakhak ni Ari, hindi siya kumakain ng kanin. Nagpapapak lang siya, umiling ako at kumuha pa ng kanin. Lakas ko kumain, magdadiet ako sa susunod na araw, 'wag muna ngayon.

"Nag-I- invite sila Stefano ah, birthday niya next week?" Tanong ni Bera. Oo nga, nagtext rin siya sa akin. I looked at Lessio, nakikinig rin siya sa amin.

"I'll go if you let me." I said to him, tumango lang siya sa akin at kumuha siya ng tissue at ipinunas iyon sa labi ko.

"You're messy. Eat properly." Sabi niya at kumain na, kumakain siya habang umiinom. Pietro smiled at me when he saw me looking, tahimik rin si Alessa na nagpapalit palit ang tingin sa amin ni Lessio. She's so dence and oblivious that's why she doesn't know.

"Sabado iyon, 'diba?" Tanong ni Amber.

"Sa susunod na sabado," sagot ni Ari, uminom ako ng tubig na malamig tsaka pinunasan ang labi ko.

Nakikinig lang ako sa usapan nila tungkol kila Stefano, nang pumasok si Zacharius, iyong taga Amorevine na law student, kumaway siya kay Ari. Close niya? I didn't know Ari is friendly, she isn't before.

"You're friendly na ha?" Alessa teased.

Umiling agad si Ariadne at nilingon si Zach na kumakaway pa rin hanggang ngayon, Hindi halata na law student siya sa mga aksyon niya. He's Alonzo, ang kalaban ng business nila Ari, I smirked.