#منقبه_عظيمه
بقلم ايثار_كمال🦋
(١)
___________
ما قبل البدايه
*تعريف*
نون: بطله القصه في آخر سنه من جامعه
فاتن: ام البطله عمرها 39
محمد:الاب عمره 43
يونس: اخو البطله مغترب في عمان
___________
صحيت من الصباح مشيت بقيت محتاره اشيل اي عبايه اخدت لي وحده لونها اخضر غامق شلت معاها نقاب نفس اللون ختيتهم في الشماعه و إتجت على التوليت
اخدت كريم مسحت وشي وعملت ماسك لعشره دقايق بعدها غسلت وشي ولبست
كانت عبايه خضراء غامقه شويه مع نقاب نفس اللون ونزلت صبحت عليهم مشيت سقت عربيتي ومشيت
....
وصلت لقيت صحباتي منتظرني بره
سلمنا وإتجهنا على الكافي الجمب الجامعه
* ( الكافي دا كان جمب جامعتنا كان سيدو عايز يبيعو فعملنا شير اجرناه لي خالتو سناء بتعمل شاي في جامعتنا المهم ظبطناه ليها وهي بتعمل فيه شاي ومعاها بنات بعملو كيك وجاتو وما شابه وكان كافي بتاع بنات بس )
طلبت شاي مع كيك وابتدينا ونسه كانت الشله بتتكون من
ابرار: زوله طيوبه شديد وعلى نياتها
إسلام: دائما بتضحكنا
فاطمه: دي الزوله العاقله
نحن كلنا منقبات
جابو لينا طلباتنا وبعد خلصنا طوالي مشينا على القاعه وابتدت المحاضره
___________
ابوي مهندس بترول وضعنا الحمدلله كويس شديد اتنقبت من سنه تالته ثانوي كنت لاقيه دعم كبير من اهلي حتى انو امي بتلبس عبايات بس لكن ما منقبه
والحمدلله وفرو لي كل حاجه وما قصرو مني
__________
{ عني }
انا بدرس تصميم ازياء حتى انه عندي محل خاص بي بعد الدراسه بتوجه ليه اشوف الحاصل فيه والمفروض يحصل اضافات وكدا ...
المحل كان في فريق لي شغل تياب السهرة و فريق لي فساتين الزفاف وكان في لي تياب جرتق
كان الفريق عيناه بي دقه ومعظمهم اجانب
المهم ...
__________
بعد خلصت محاضرات اتجهت على الفرع الرئيسي في كافوري
دخلت على الرسبشن سلمت ومشيت لفيت على الفريق
ودخلت على الحسابات شفت الطلبات الجديده والاسعار الدخلت في اليوم دا
ابتسمت بي رضا وحمدت ربنا
نون: رودي عليك الله خليهم يجو صاله الاجتماعات اسي
رودي: طيب من عيوني
_________
فلا اقل من 5دقايق كان كل الموجودين جو قريب 70 شخص
نون: احم بما انو الحمدلله الشغل ماشي كويس والطلبات زايده فأنها حا ازيد لكم المرتبات وان شاء الله من الشهر الجاي اي زول حا يستلم مبلغ جديد وشكرا لكم
و نزلت على المكتب تحت شايفه في وحده عامله جوطه من الزبونات
نون: خير ان شاء الله في شنو ؟!
....:انا عايزه اقابل نون وهم مارضو ممكن تخليني اقابلها !؟
نون: (حمرت للبت الفي الاستقبال) وقلت لي البت دي اهلا انا نون اتفضلي
سقتها معاي المكتب
نون: خير اتفضلي اساعدك بي شنو
....:والله يانون زواجي قريب وانا عايزاك انتِ تصممي لي الفستان واذا عندك وحدين في المعرض انتِ مصمماهم حا اشوفهم
نون: ايوا في وحدين
اتصلت على خط الارضي
نون:رودي تعالي وديها المعرض قسم تصميمي
رودي: طيب
مشت البت اختارت الفستان واختارت الحجاب ودفعت عربونها وطلعت
**( صح انو في اجانب شغالين معاي بس شرطي معاهم انو كل الفساتين تكون بأكمام طويله ومعاها حجابها .. وكذا وحوه بتجي لي تصميم فستان بدون اكمام ما بنرضى)
تاني مريت عليهم كلهم واتجهت على البيت سلمت وطوالي طلعت على غرفتي البصمم فيها
طلعت عبايتي ختيتها في الطرف وابتديت اتم تصميم عبايتي الجديده الكانت سوداء وعليها تطريز جميل وكانت بتنفع لي اجتماعات او حتات راقيه
بعد خلصت منها لبستها ونزلت تحت وريتها لي ناس امي وابوي
فاتن: مبالغه من اسي انا عايزاها
نون: ما تغلى عليك يا ست الكل
محمد: والله يا نون ابداعاتك حلوه شديد
نون: تسلم يا عسل انت
ابوي ولا امي صوروني ارسلها لي يونس
فاتن: ههههههه انت كل ما تعملي وحده وتعجبك توريها لي يونس
نون: هههه اكيد طبعا هو الداعم الاول
فعلا صوروني ورسلتها ليه وكتبت عليها ابداعات اختك
حتى يا دوب مشيت اشوف حاجه آكل بيها
دخلت خالتو عواطف عشان تجهز لي اكل بس اصيرت اني اجهزه
ختيت بطاطس جاهزه في المقلايه واستنيتها لمن خلصت و طلعتها غرفتي
...
_مسج
رودي: ي ننو عايني الليله الحجوزات زادت شديد وفي بت مصره تصممي ليها فستان ملكي وقالت مستعده تدفع لك بالدولار
نون: رودي والله انا ماعندي وقت زي ما شايفه وبعد دا قربت اخلص الجامعه وامتحانات وموال فبشوف ووريها
رودي:طيب يعسل اسي جايه عليكم انا
نون: مستنياك ي قلببي
_________
(اتصال)
يحيى: خالتو فاتن كيفك ؟
فاتن: يحيى حبيب خالتو تمام انا انت كيف ؟
يحيى: تمام والله فاقدك بس
فاتن: طيب رايك شنو تجي تشرب معانا شاي المغرب ؟
يحيى: من عيوني والله خلاص اشوف رودي واتحرك عليكم
فاتن: خير حبيبي لي بعدين
....
فاتن: ي نون يحيى جاي يشرب معانا الشاي جهزي توبك
نون: طيب حاضر
لبست جونتات و شرابات وختيت جمبي توب اول ما الجرس دق اتكمكمت بالتوب وبقينا مستنينهم
دخلو هو ورودي
يحيى: السلام عليكم كيفكم
نون: وعليك السلام تمام الحمدلله
سلمت على رودي وقعدنا شويه قلت مسافه ما خالتو عواطف تجهز الشاي والكيك طلعنا انا ورودي فوق
طلعت التوب وقعدت
رودي: لا انتِ جاده بتخجلي من يحيى وبتغتي وشك منه ؟
نون: رودي ! انا منقبه ما صح ولد يشوف وشي حتى لو كان يحيى .. هو الحمدلله اني ما بلبس نقاب عديل
رودي: غايتو سبحان الله
اتجاهلتها وطلعت ليها العبايه الصممتها قبيل وريتها ليها
رودي: لالالا اصلو ما بصدق شكلي حدمن عبايات بعد كدا
نون: والله احسن لك من لبسك دا
شالتها قاستها وكانت حلوه عليها لكن ما اقتنعت فسكت خليتها !.
اتصورت بيها وطلعتها
نادتنا خالتو عواطف نزلنا وزي ما قلت ماف شي ظاهر مني غير عيوني قعدنا ورا يحيى انا ورودي عشان اقدر اشرب الشاي بي مزاج وهو ما حيشوفني لانو قدامنا
بدينا نشرب كدا قبل علينا وبدا يسأل عن الجامعه قبلت وشي وبقيت ارد عليه
بعدها استأذن وكانت رودي حتبيت معانا
رودي: والله يا خالتو ماعارفها لي بتعمل كدا يعني يحيى غريب !؟
فاتن: في النهايه راجل
انا ابتسمت ليها بي شر
رودي: انتِ معاها يعني والله ياخالتي مافيها حاجه
فاتن: لا فيها ...
اتونسنا شويه مع امي وطلعت فوق جات لحقتني رودي
رودي: احم ي نون صراحه كدا انتِ ما ملاحظه ولا عامله رايحه
نون: لشنو بالضبط ؟
رودي: طيب انسي
خلتني متشوقه وانا عارفها عايزاني اسألها بس عصرت على نفسي ليمونه وما سألها رغم انو اموت واعرف
يتبع ...
#منقبه_عظيمه
#ايثار_كمال
قراءه ممتعه ❤️
'' كم اود ان ابوح بما بداخلي ولكن هذا ليس الوقت المناسب للبوح ''
