#منقبه_عظيمه
بقلم ايثار كمال 🦋
(٢)
________الصباح
اول حاجه اتصلت على ابرار ووريتها اني ما حا احي الجامعه الليله وحمشي المحل طوالي
مشيت كالعاده للتلاجه الصغيره الفيها متنجات العنايه بالبشره اخدت ماسك عملته بعدها غسلته بي صابونه وعملت ترطييب
في اللحظه دي صحت رودي مشت اتسوكت وجات
رودي: حزينه ياخ اللبس شنو الليله وانتِ ماعندك شي غير العبايات ؟!
نون: رايك شنو تجربي الليله ؟
رودي: طيب ما عندي حل
نزلنا صبحنا على ناس امي واتكلمنا حبه ووريتها انو طالعين المحل طوالي
طلعت جهزت لي عبايه لونها رمادي غامق مع نقاب نفس الدرجه وفتحت الشماعه لي رودي قلت ليها اختاري
اختارت وحده لونها بيج شالتها وطلعت
لبست واتجهزت واتصلت على يونس
نون: ينووسي حبيب قلبي كيفك
يونس: ينوني حبيبه فشفاشي تمام انا انت كيف
نون: كويسه اشتقنا لك بس
يونس: الحمدلله .. طيب اقول لك على سر
نون: هاا
يونس: جاي بعد كم يوم
نون: عليك الله اخيييييرا ؟؟؟
يونس: اي والله
نون: خلاص مستنينك
يونس: يلا ي عسل لي بعدين سلمي على امي وابوي
نون: من عيوني
__________
(رودي: بت خالتي واربعه وعشرين ساعه نحن مع بعض وهي ماسكه الحاجات الاساسيه في المحل
يحيى: اخوها وود خالتي برضو
فتون: امهم وهي توأم امي برضو اربعه وعشرين ساعه سوا
ابوي بطلع الشغل وهي يا بتمشي ليهم يا بجوها )
نمشينا طوالي على المحل لقينا بت واقفه بره
رودي: اوو اهلا لي ما دخلتي ؟!
....: ابو يدخلوني
نون: طيب اتفضلي
دخلت زفتهم كيف وكيف يخلو زباينا يكونو واقفين برا ما يدخلوها الرسبشن
....:شركتكم حلوه ممكن يا رودينا توديني لي نون محمد ؟
رودي: هدي نون
واشرت علي
....: نووووون والله انا من زمان متمنيه فستان عرسي تعمليه لي انتِ عليك الله اعمليه لي والله مستعده ادفع ليك بالدولار وقعدت تبكي
نون: عاينت لي رودي نظام مالا بتبكي ومستغربه انا
والله يا اسمك منو انتِ
بسمات: اسمي بسمات
نون: ما عشان السعر بس عشان حلمك المن زمان ف خير يا بسمات تعالي معاي غرفه القياس
مشينا و اخدت المقاسات ومشت قسم القماشات اختارت الاقمشه وقلت ليها الاستلام بعد شهر
بسمات: طيب وشكرا لك
بعد طلعت ختيت يدي في راسي وبقيت افكر هل حا الحق في شهر اعمل الفستان دا خصوصا انه ما بسيط يعني محتاج شغل زي الشغل
رودي: ماف شي صعب وانت قدها وانا معاك بننجز
نون: خير ان شاء الله
قعدنا كدا وانا شايفه البنات الاستلامهم الليله بياخدو طلبيتهم وبعيانو ليها بي كل فرحه في الدنيا وكل وحده تبتسم لي
ابتسمت بي رضا وبدعي لكل وحده ربنا يتمم ليها على خير
________
(في اتصال)
يونس: يحيى عليك الله اغشى المحل الفي () شيل منو هديه بأسم نون ممكن توديها ليها
يحيى: جدا
________
_بلسان يحيى
ما حتصدقو اتبسط قدر شنو وانا اصلا كان دوامي قرب يخلص
(النظام انو من 8 لحدي 10 وفي ساعتين ليك على كيفك مكان تمشي تمشي وتاني من الساعه 1 لحدي 3 الدوام الاخير)
انظرت الساعه عشره وطوالي على المحل شلت الهديه ومشيت على كافوري
_______
بعد نص ساعه
في الرسبشن سامعه البت بتقول والله ما بدخل الضمني شنو انك بتبقى ليها ؟؟!!!
يمكن حرامي اسي
ونسبه لي انو مكتبي مع الرسبشن فكنت سامعه الكلام
طلعت برا سمعته بقول ليها
يحيى: شكلي دا شكل حرامي اسي دي ناس تكون في الرسبشن
لمن شفت يحيى استغربت
نون: يحيى !!!!!! اتفضل
وقلت ليها لو في زول قال ليك من طرفي دخليه
عاين لي ديك بي انتصار ودخل معاي المكتب
رودي: اووو وانا اقول الشركه نورت ليه ؟
يحيى: هههه بطلي
نون: اقعد ي يحيى
طلبت جابو ليه عصير
يحيى: شكرا
جيت عشان اخوك الما بخلي زول في حالو دا
غلغلني قال اجيب لك الهديه دي
نون: والله ياخ شكرا للتوصيل وبعتزر بالنيابه عن يونس انو ضغط عليك
يحيى: يابت بهظر انا وانا زاتي لاقي وين انو اجي لي نون شخصيا
سكت وما رديت
قعد معانا واتونسنا لقيت الساعه 11 ونص
رودي: بعد دا جعت انا طلبنا اكلنا كلنا وهو اصر يدفع وطلع جا راجع جاب لينا عصير وطلع تاني
والحمدلله اني كنت لابسه النقاب لاني ابتسمت واذا ما كنت لابساه كانت رودي حا تعمل لي موضوع
رفعت النقاب وشايفه رودي تعاين للهديه
نون: يااربي يحيى دا غلط انو جابها قدامك اسي ما حتخليني الا افتحها .. ردوي قعدت تضحك
فتحتها كانت رورد مع مصحف ملون وسبحه إلكتورونيه ونقاب كدا لونه بني ومعاهم سبحه عاديه لقيت في رسالتين
الاولى:-
ربنا يثبتك ي حبيبه اخوك خليك دايما رافعه راسنا بي احتشامك وادبك حاجه بسيطه كدا .. وعلى فكره نقابك هو سبب جمالك ..
طوالي قعدت ابكي اتبسط شديددد يااه
الرساله التانيه:-
عارف رودي حتكون في وشك عشان كدا وصيت يختو ليها لُبانه ان شاء الله موجوده بس ؟ ومعاها ههههههه ...
ضحكت واتصلت ليه طوالي
نون: ينوسي ياخ
يونس: ينوني ياخ
نون: بالجد فرحتني شديد شكرا لك
يونس: تاني تستاعلي الدهب ي عسل
نون: طيب صحي جبت لي رودي لبانه !
يونس: معقوله ياخ جبت ليها شوكلاتات
نون: ااا اوك كدي باي اسي
يونس: ههه سلام
________
عاينت لي رودي المن كرسيها ما قامت
نون: شنو الادب دا مالك ما جيتي شفتي
رودي: ما انتِ ما ناديتيني
نون: ههههه طيب تعالي اسي
فعلا جات اديتها الرساله والشكلاتات اتبسطنا وهي طلعت على شغلها
انا شغلت التاب بتاع التصميم وابتديت اعمل تصميم لي فستان بسمات
لحدي ما وصلت لي تصميم حلو حفظته وقفلت التاب ...
_________
_بلسان يحيى
صراحه رغم انو ما بتزكر آخر مره شفت وشها متين ورغم انو ما حصل مره شفت وشها الا زمن الثانوي لكن معجب بيها شديد
لمن يونس كلمني ما فضل لي الا اطير من الفرح وانو حا الاقيها ..
ودايما لمن اكون عايز امشي بيتهم بكلم خالتو فاتن يا اما قالت تعال اتغدى او اشرب الشاي ..
والحاجه المفرحاني اكتر انو اذا اتزوجتها بإذن الله ماف زول حيشوفها غيري ..
يارب تكون من نصيبي ...
________
فجأة اتزكرت كلام رودي بتاع بليل
نون: صحي انا امس ما ملاحظه لي شنو ؟
رودي: لي يحيى
نون: مالو
رودي: يابت في بت عاجباه دايره تقتلو عديل .. ما ملاحظه انو عندو بت او كدا
نون: لا والله ما لاحظت بعدين فيها شنو يعني ما لازم يجي يوم وبت تعجبه !!؟ ولا كلامي غلط
رودي: لا بس محنني لانو نهائي هي ما مدياه وش وهو متأثر ياخ
نون: والله ربنا يكون في عونو
________
_بلسان رودينا
احيي منها نون دي انا بلمح ليها وهي تقول لي الله يكون في عونو ؟!!
غايتو تاني ما حاقول ليها شي
يعني ياربي بالجد ما ملاحظه للحاجه دي
واسي ما حسيت انها ادت الموضوع اهميه اساسا
ربنا يصبرك ي يحيى
لكن شكلي حكلم خالتو فاتن هي الحتساعدني
________
يتبع ...
#منقبه_عظيمه
#ايثار_كمال
قراءه ممتعه
'' يتحدثوا بصيغه الغريب والمقصودة انا ''
