#منقبه_عظيمه
بقلم ايثار كمال 🦋
(٣)
وانا في المكتب جاني اتصال الرقم مسجل ب( مركز نون الخيري)
رديت بي لهفه
نون: اهلا ماما غاده خير ان شاء الله
غاده: اهلا يبتي ما شفتي سحر عيانه وقالت دايراك
نون: عليك الله عندها شنو وانتو وين ؟
غاده: في المستشفى الجمبنا
نون: خير جايه اسي
مشيت لي رودي في مكتبها وريتها وطوالي طلعت
مشيت وانا خايفه شديد
وصلت المستشفى وسألت عنها
مشيت لقيت ماما غاده قاعده وتبكي وسحر مركبين ليها درب ونايمه
جريت حضنت ماما غاده وقعدت ابكي معاها
نون: مالا عليك الله ان شاء الله ما شي خطير بس ؟
غاده: والله يابتي شكلها ملاريا لكن هلكتها هلك ليها كم يوم وانا ما عارفه .. لمن سألت المشرفه قالت ليها كم يوم ظاهر انها عاينه بس قالت بتكون حاجه عرضيه وبتروح
نون: احي ي سحر
شويات كدا وهي صحت طوالي مشيت حضنها
سحر: خالتو عليك الله سوقيني معاك
نون: حاضر ي حلوه حاضر قشيت دموعي وبقيت اضحك فيها عشان تخف شويه وما تحس بي حاجه
سحر: انتِ عارفه يا خالتو شفت خالتو سميره بتخت لينا اكل كعب وهي بتشيل اكل سمح تديه لي اولادها و شفتي احمد بتدقو طوالي ...
عاينت لي ماما غاده الكانت مستغربه وهي بتسمع الكلام دا
نون: كيف الكلام دا ؟ طيب ي حلوه انا بتكلم معاها وتاني ما بتسألكم
سحر: طيب
_________
(في اتصال)
نون: اهلا سميره كيف
سميره: هيا بتي كيفك والله مشتاقه لك
نون: شكرا
دايره اسألك انت بتدقي الاولاد ديل ؟؟ وبتديهم اكل كعب
سميره: منو دي انا ؟؟؟ برررري
نون: خيرو و فقلت
_________
_سميره بي جواها
والله يا سحر الليله ما ترجعي بس والله اكتلك شوف الشافعه المسلطه تشتكيني ؟؟
_________
ماحبيت اتكلم كتير معاها بس طوالي مشيت لي ماما غاده
نون: خلي بالك عليها اسي بجي انا
غاده: كويس اسمعي سوقي معاك راجل المره دي ما مضمونه
نون: طيب
صراحه خفت لي كلامها وقلت اذا ماف شي ما كان حتقول لي كدا
ما عرفت اسوق منو وابوي شغلو بعيد ما بقدر يجي اتصلت وريت امي قالت لي سوقي يحيى اتوكلت و
طوالي عملت اتصال
....
نون: الو يحيى اهلا
يحيى: نون ازيك
نون: تمام والله محتاجاك في خدمه
يحيى: طوالي
نون: ماشا المركز حقي في شويه مشاكل ممكن تمشي معاي
يحيى: جدا ثواني آخد إذن وارجع لك
نون: خير
بعد عشره دقايق كدا رجع لي
يحيى: تعالي لي في المستشفى ونمشي بي عربتي
نون: طيب
....
بعد وصلت بركنت العربيه ومشيت لي عربيتو
طوالي اتحركنا على المركز
*(( هو مركز خيري فيه قسم لي تحفيظ القرآن الكريم .. وفيه عياده صغيره كدا .. وفيه قسم العاب للأطفال وفيه فصول بتدرس باقي المواد ..
عملته زي دار كدا فيه اطفال ايتام ومشردين فيه حوالي 500 طفل
وكان فيه كل شي متوفر كراسات كل شيء للأكل واي شي موفراه ليهم
وكنت مانعه منع بات انو يشتغل فيه راجل كلهم كانو حريم ))
لمن وصلنا اول ما دخلنا لقيت راجل راقد سرير وجمبه شاي
يحيى عاين لي نظام مش ماف رجال هزيت ليه راسي
الراجل قام على حيله وجا علينا
....: هي انت وهي داخلين زريبه انتو !!! ما شايفني ولا ما مالي عينكم
ماشتغلت بيه وواصلت مشي مسكني من يدي ووقفني طوالي اديته كف ويحيى تم الباقي
نون: كفايه ي يحيى
يحيى: ماسكها لي يا كلب ؟؟ بي صفتك شنو
....: زح منو يحيى وجرا تحت السرير جاب عكاز كبير وجا لي يحيى انا بقيت ماعرفه اعمل شنو ما حسيت الا بي اني بصرخ وبقول
نون: انا ست المحل دا انت منو
بعد ما كان داير يضرب يحيى رمى العصايه وعاين لي بي خوف
...: انا آسف يا استاذه
عاينت لقيت احمد بعاين بي الشباك وببكي من الموقف الحصل اتقدمت شويه عليه
احمد: (بتردد) خالتو نون ؟ (عشان النقاب)
نون: ايوا نون يحبيبي حضنتو وقعدت ابكي معليش يا احمد معليش حبيبي مشيت حضنتهم واحد واحد وابكي ويحيى يسلم عليهم بي وراي ويشيل دا ويشاغل دا
نون: طيب حبايبي اقعدو مع عمو شويه اسسي بجي
يحيى: لالا ما بخليك براك
نون: ماتخاف ماف شي
مشيت آخر الممر في حمام وبي مسافه في المطبخ سامعه سميره وسامعه استفراغ (عفوا)
سميره: ابقى راجل يا مزمل انطق كلمه لي نون ولا سحر عشان اكتلك تم استفراغك دا سريع (عفوا)
دخلت شايفه سميره بتضرب فيهو في ضهرهو
سميره: قلنا سريع وانا كان ما نومتك جاعن امس طارش دا كلو ماكل شنو انت (لموآخذه يعني)
نون: سمييره مابصدق دي انتِ
سميره بلعت ريقها !!!!!!!
________
بلسان يحيى
نون اتأخرت شديد وما كنت حابي اخلي الاطفال براهم بس كمان ما حقدر اخليها هي
يحيى:حمودي ثواني بس عايز اشوف خالتو لي اتأخرت
وطلعت لاقاني ممر نهايتو في بابين فاتحين في بعض
اتجهت قدام شايف قاعده في كرسي في المطبخ وبتبكي
يحيى: بسم الله مالك ينون ؟
نون: ماشفت يا يحيى بعاملوهم كيف والله يحنونك
عاين مزمل بقى عامل كيف
يحيى عاين لي مزمل القاعد في الكرسي التاني وخاتي راسه في الطربيزه وواضح عليه الارهاق
نون: ما عارفه اتصرف كيف مفروض امشي لي سميره
يحيى: ما ممكن تمشي كدا ثواني اهدي
فتح التلاجه لقاها مليانه عصاير ومويه وحتى اناناس معلب
طلعت ليها عصير وعلبه مويه لحدي ما هدت حتى قلت ليها بعد كدا يلا لي سميره وسقنا مزمل لي باقي الاطفال ..
مشت قدام ومشيت ورها
واصلنا في نفس الممر بس على الاتجاه العكس مشينا كان فيه غرفه فيها سميره والراجل القبيل وظاهر عليهم التوتر
نون: اول حاجه الراجل دا منو وجا ليه ؟
سميره: اااا دا زوجي وجا عشان يتقلنا يعني
نون: والحرس البرا ديل مالم ؟؟
سميره: والله يعني هناي ...
نون: خلينا السؤال الما ليه جواب دا .. الاكل دا مقصره في شنو انا عشان انتِ ما تعملي ليهم وبتديهم كعب وبايت اسي بكره كلهم يكون عندهم تسمم لي ؟؟؟ وانتِ مقصره معاك اولادك زاتهم معتبراهم من عيلتنا
دي آمنه امنتك ليها ما عشان اجي القاهم ضايعين كدا حسبنا الله ونعم الوكيل
مشيت ناديت كل الناس الشغاله فصلتهم ما عدا وحده لانو لمن قلت ليها امشي كل الاطفال بكو قالو عايزنها تقعد
سميره: والله يا بتي محتاجه للشغل خليني عليك الله
نون: والله انت الخليتيني اعمل كدا معليش
كلهم مشيتهم وعملت اعلان في صفحه الفساتين
بعدها لقيت الرسائل كتيره وناس قالت انها في حوجه ماسا للشغل وفي الما وافقو عشان في مبيت
المهم اتكلمت ووصيتهم وطلعت قعدنا معاهم شويه وكلهم حبوهم
عايزين نمشي كدا جا واحد جاري هو ومعاه بت
همس لي ماما
نون: عيون ماما
....: ممكن المرا الجايه تجيبي لي عربيه ؟
نون: عيوني ليك حبيبي وانتِ يعسل
...: انا عايزه عروسه يا خالتو
نون: حااضر لمن سحر تكون جايه بجيبها وبجيب ليكم معاي حاجاتكم بستهم
لقيت يحيى بعاين لي ومبتسم
يحيى: اسي يانون انت كان ابتسمت لي انا اشوفك كيف
قعدت اضحك
يحيى: وماشاءالله تعاملك حلو شديد مع الاطفال وزوله قلبك كبير ربنا يحفظك
نون: يا زول ما تخجلني ياخ
يحيى: ههههههههه
يتبع ...
#منقبه_عظيمه
#ايثار_كمال
قراءه ممتعه
'' ماذا لو منحتيني فرصه ؟ سأكون مُمتن ''
