#منقبه_عظيمه
بقلم ايثار كمال 🦋
(٥)
لقيته قاعد في الحوش وزفر بي ضيق
نون: يحيى
يحيى: نون معليش بس عليك الله عايز اقعد براي شويه
نون: عليك الله اسمعني والله ما قصدي حاجه انا ايوا رده فعلي كانت قويه او كدا بس بالجد ما قصدي حاجه والله بس في النهايه الالتزام التزام
يحيى: والله رده فعلك مزعلاني والله حاسي بي احساس ما قادر اعبر ليك عنه
نون: معليش والله وانا كمان اتحسست بس يعني انا غلطانه ؟!
يحيى: لا ي نون
وقام طلع علي الجهة التانيه من الحوش بقيت قاعده وحابسه دموع لاني ما بحب أاثر زول او ازعله بي تصرف او فعل شايفه بولع في سجاره وانا بتطايق من ريحتها شديد
جاتني قحه مشيت دخلت غرفتي
جا يونس ...
يونس: في شنو يا نون مالا عيونك محمره كدا ؟؟ وشك زاته حمر
نون: شميت سيجاره
يونس: يحيى ؟؟؟ هو بسجر
نون: ايوا .. ما عارفه اول مره اشوفه
زاد المروحه وجا بقى يهبب لي
نون: يونس انا غلطانه في رده فعلي القبيل ؟ انا اتخلعت انه في لاني ما انتبهت بعدين اصلا رده فعل طبيعه
يونس: لا ما غلطانه بس مفروض تنزليه براحه نزلتيه كانو زول غريب
نون: غايتو اعتزرت ليه بس شكلو زعلان
يونس: حا يرضى ان شاء الله
نون: ان شاء الله
يونس: طيب نومي شكلك تعبانه
فعلا طلع قريت قران شويه دايره انوم كدا اتزكرت سحر واللعبات
طوالي اتصلت
...
نون: الو ماما غاده معليش اعفي لي ما ضربت سألت من سحر كيف بقت وانت كيف
غاده: مامشكله يابتي الشغل كويسين والله بعد امس مرقتي طوالي طلعونا
نون: كويس والله خلاص انا بجيكم اسي
غاده: تمام منتظرنك
طلعت لي عبايه جديده لبستها ونزلت لقيت يونس راقد في رجول امي وامي بتمسح في راسو وهو شكله حينوم
نون: امي انا مفروض امشي المركز قبيل ومرق من بالي ف حمشي
يونس: اسي امشي الصباح !! المغرب شويه ويأذن وانا لو ما تعبان كان مشيت معاك
فاتن: خليها تمشي بضرب لي يحيى يمشي معاها
نون: لالا عليك الله اول شي زعلان مني تاني شي امس تعبتو معاي
فاتن: براك ما بتمشي
نون: طيب اتصلي ليه انت
الجرس دق كان ابوي جريت فتحو سلمت عليه وبست راسه
محمد: شامي ريحه يو...
يونس طوالي جا حضنو ويبوس راسه ويبوس يدو وانا تاني بكيت
حرفيا المواقف الزي دي بتأثرني شديد
المهم بعد نص ساعه كدا يحيى جا
يحيى: مشينا ؟!
نون: ايوا
يونس: ما اوصيك
يحيى: معقوله
طلعنا وكل زول ماسك خشمو عليه زول اتكلم مع زول ماف
نون: معليش بس غشيني محل العاب
يحيى: طيب
فعلا وصلني محل طلبت منو 500 لعبه ليهم كلهم
المهم حاسبت رغم انو يحيى اصر بس يدفع بس في النهايه دفعت انا
وصلنا المركز ويونس كل دقيقه يتصل يتطمن على المهم ..
لقيتهم كلهم كانو مستنيني سلمت عليهم واول احمد وسحر طبعا
لانهم اول اتنين كانو معاي في المركز وحتى ناس امي بعرفوهم عمرهم زي 10 سنه
سلمت عليهم كلهم وطلعت لي كل زول هديه وشايفه البسطه والفرحه قدر شنو في وشوشهم ..
اتونست معاهم وبقيت تحكي ليهم في قصص
جبت الولد والبت الامس طلبو مني اللعبات يلا عمر زي 7 سنه قعدتهم في رجولي وبقيت اونس فيهم بعد المغرب اذان صليت وطلعت لي ماما غاده
غاده: والله يا بتي ما شاء الله على الموظفات الجديدات ربنا يجزيهم خير
نون: صحي الحمدلله الشفع ديل بحسهم اولادي ما عايزه ينقصهم شي والله
ماما غاده دخلتني المطبخ وقتحت التلاجه قالت لي شوفي
كانت مليانه اكل
غاده: والله ماشاءالله سجود هي البتعمل كل دا
نون: ما قصرت والله بلغيها تحياتي انا لازم اطلع
ونزلت لي يحيى
نون: معليش اخرتك
يحيى: لا ما مشكله وقبيل نسيت انك بتتحسسي من السجاير الا جا يونس شاكلنحتى اتزكرت +يونس
بخاف عليك شديد حتى اني بغي....
نون: انت شنو !!؟
يحيى: ااااا اسمو شنو الساعه كم اسي حنزل اصلي في الجامع دا واجي
نون: بإستغراب طيب
ووفق العربيه ونزل ..
________
_ يحيى
كنت عايز اقول شنو انا الحمدلله ربنا ستر كنت عايز اقول ليها بخاف عليك شديد حتى اني بغير منو صراحه
كنت امشي وين ما حعرف ورغم اني صليت الا انو اتحججت بي اني انزل عشان ما تسألني لاني زي ما قلت ما حابي تعاملها معاي يتغير
.. وكمان لازم اخلي التدخين عشانها
رجعت بعد خمسه دقايق كدا للعربيه
ورجعنا للبيت
________
فاتن: شكرا يا ولدي ما قصرت
يحيى: على شنو ياخ
وطلع طوالي وناس امي قالو الصباح حا يجو ناس خالتي لي يونس وكدا
فطوالي طلعت لي رودي
نون: شايفاك مستلمه غرفتي جبتي لي وجع وش في الشغل والبيت معقوله بس ؟؟
رودي: معقوله بس دي حقت يحيى 🌚
نون: يااربي بطلي يااخ
رودي: واااو حتى بطلي
نون: زووفتي ياخ غلطانه انا مشيت غرفه يونس لقيتو نايم بستو في راسو وهمست ليه
بنحبك ياعمود البيت 💙
(بالجد ياخوانا علاقتي بي يونس مهما وصفتها ما بتقدرو تتخليلوها يونس دا روحي عديل تعاملو معاي حلو ما حصل مره زعلني منو دايما بثبت لي انو تربيه امي وأبوي كانت صح ..
بشجعني على كل شي ودايما معاي فحتى العائله وناس البيت عارفين انو يونس عندي خط احمر
بتزكر مره اتطرب في المدرسه واحد لزاه ووقع في حديده وانا كنت معاه في المدرسه من شفته طوالي صدمت وبعد وعيت يعني تلاته يوم ابكي من خوفي عليه وهو يضحك
#الاخوان نعمه )
طلعت من الغرفه لي غرفتي
رودي: انا ماشا حجي بكره
نون: لي ياخ
رودي: والله دايراك تشتاقي لي
نون: ههههه والله انت
فعلا رودي مشت وانا صليت العشا ونمت
________
_رودي
مشيت البيت عشان اعرف يحيى عمل شنو وما حاول يلمح ليها او كدا انا صراحه لو علي طوالي اكلمها متيين ياخ تبقى مره اخوي
...
رودي: اها يا يحيى ان شاء الله كلمتها
يحيى: والله يا نو. اقصد رودي قربت بس سكت
رودي: ههههه احي انا نون قلت لي
يحيى: بطلي ياخ
رودي: يحيى بتحبها ؟
يحيى: بطريقه ما بتتخيليها
رودي: ربنا يجعلها من نصيبك
________
انا عارفه انو نون ما زوله كلام زي دا وهي ما حيكون عندها مشكله في يحيى يعني لكن خايفه انو الموضوع ما يتم ويحيى يتكسر لانو شايفه الحُب في عيوني والله عيونو حب حب بس هي ما حاسا او عشان ما خاته في بالها
________
_ الصباح 🦋
قمت من الصباح جهزت عبايه ونقاب واستحميت وقلت امشي الشغل واجي لناس خالتو
او شي مشيت غرفه يونس
يونس: صباحك فُل ي حلوه اسي كنت جايك
نون: يسعد صباحك يا يونسي💙
يونس: ماشا الشغل ولا الجامعه ؟
نون: والله الشغل الجامعه عشان آخر سنه وكدا مافي شي كتير
يونس: كويس والله وبالمناسه نقابك دا عاجبني عجب ومخليني فخور بيك
نون: ان شاء الله دايما فخور بي يلا حبيبي حمشي انتبه لي نفسك ولي ناس البيت لمن اجي
يونس: ظابط ياحلوه
________
(في رساله)
يحيى: نون صباح الخير
انتِ مرتبطه !؟
يتبع ...
#منقبه_عظيمه
#ايثار_كمال
'' ذات النقاب هي الفتاة المحترمه الجميله فتحيه لكل ذات نقاب وتحية لكل منقبه عظيمه ''
