#منقبه_عظيمه
بقلم ايثار كمال 🦋
(٦)
اتجاهلت صباح الخير وفتحت عيوني كبيير وانا بقرا مرتبطه ؟؟
استغربت و ما اديت الموضوع اهميه + دا شي خاص ماف زول مفروض يتدخل فيه اساسا ..
قريت الرساله وطلعت من الشات قربت احظره بس لعنت الشيطان
دخلت على غرفه التصميم الخاصه بي في الشركه طلعت وكان فيها زي مطبخ صغير عملت نسكافيه وطلعت النقاب وبديت اقص الاقمشه على التفاصيل الاخدتها
ختيت القماش الاول وخيطه على البترينا (البعرضو عليها البس وبصممو فيها)
بعد خلصت من الخياطه لبست نقابي واخدت صوره في الغرفه الي هي كلها عباره عن مرايات كل حيكه مجلده بي مرايه اتصورت جمب التصميم وكان المحل بيحوي على انو قدر شنو هو راقي ومميز حمدت ربنا ودعيت ربنا يسهل لكل بت الحاجه البتتمناها
كان الظهر اذن صليت وطلعت لاقتني إصلاح
إصلاح: صباح الخير استاذه نون العبايه خلصت تعالي شوفيها
نون: الله طيب
مشيت معاها لقيتها معلقه ويعني حاجه كدا ما بقدر اوصفها
مبالغ مبالغه مبالغه
نون: والله مبدعه انت
إصلاح: منك ي حلوه
كانت عبايه بنفسجي غامق كدا وفيها شغل جميل وفيها شويه نفشه وعليها تطريز يعني ممكن تنفع لي عرس او حاجه زي كدا
طلعت ليها قروش من الشنطه حلفت ما تشيلها
نون: اصلاح دا شغل وتعب وسهر ما ممكن يروح كدا ساي ف عليك الله شيلهم عشان تاني آخد منك عادي
إصلاح: لا والله هذي المره مجان وهديه مني المره الجايه باخد منك
نون: والله شكرا ياخ
إصلاح: الشكر لك
شلت العبايه الخدتتعا لي في كيس هدايه جميل كدا صورتو وطلعت على البيت لقيتهم موجودين الي هي فتون بس لانو خالتي التانيه ماف واصلا ابوي ما عنده اخوان
المهم بقيت ادعي اني ما الاقي يحيى
فتون: ما بدري يا نون شنو ياخ من قبيل مستنينك
نون: معليش يا فوفو والله اشتقت ليك ي قلبي وجريت حضنتها
فتون: وانا اكتر حبيبتي
نون: طيب ي عسل اغير بس واجي
فتون: طيب
طلعت لبست بجامه اكمامها طويله وشربات وجونتات الظروف ما معروفه 😂
وشلت توب من امي ونزلت
ومع الونسه التوب نزل وانا بتونس مع رودي
رودي: وااي ماشفتي البت البحبها يحيى قررررضه
متين بس يعترف ليها
ازكرت سؤال قبيل قلت دا بلعب ولا شنو بعدين انا مكبره الموضوع ممكن عايز يعرف من اجل الفضول
نون: متين يجي اليوم ونشوفها
رودي: قريب قريب ادعي بس وطبعا انا بعرفها يعني لكن زيك واحد مخ ماف نهائي ما بتفهم انا كم مره المح ليها بس زي ماقل ليك مخ ماف
نون: هههههه ربنا يهديها غايتو
شمعت يونس عمل احم احم عشان ينبهني انهم جو
رفعت توبي واتكمكمت وقلت ليهم اتفضلو
يونس قعد مقاصدني ويحيى زاتو
بقيت بفتش في السبب البقومني
يحيى: رودي عليك الله اعملي لي قهوه مصدع
رودي: سلامات ي عسل اسي بعملها
نون: حجي معاك
وفعلا قمت معاها
رودي: اتخيلي يحيى اخد اجازه شهر وقال ماشي يقعدها مع صحبه
نون: لي
رودي: ماعارفه والله ابى يكلمنا من بكره حيمشي
نون: يا ربي ماله
رودي: والله ما عندي فكره
عملت القهوه ووديتها ليه وتاني رجعنا قعدنا معاهم امي وفتون طلعو فوق وخلونا الشباب برانا وانا ما كنت مرتاحه فقلت اطلع
يونس: نون مالك انت
نون: مرهقه بس
يونس: طيب اطلعي ارتاحي. فرصه وجات طوالي طلعت ونمت وخليت معاهم رودي ..
_________
عند يحيى
لمن لقيتها ما ردت على ما حبيت اضغط عليها وفكرت انو اصلا لو هي وافقتا موضوع التدخين دا حيأثر معاها فلازم ابطل فقلت امشي ااجر شقه اقعد فيها الفتره دي واحاول ابطل تدخين
من الصباح ما دخنت عشان كدا مصدع
طلعت منهم اتجهت على البيت شلت شنطه فيها غيارات كتيره ووديتها على الشقه وبعدها مشيت لي ناس امي عشان ارجعهم فعلا سقتهم وطلعنا
كان نفسي اشوفها قبل الفتره الحا اعتزل فيها دي
من بليل ودعتهم ومشيت على الشقه كنت مرهق شديد ومصدع وبس كنت عايز ادخن بس ثبت وانا عشان نون حعمل المستحيل
...
__________
صحيت من النوم لقيتهم طلعو اتونست مع امش شويه واتاني نمت ماصحيت الا الصباح
كان فاتني المغرب والعشا واسي الصبح زعلت زعل صليتهم ومشيت شلت الحاجه الحمشي بيها
طلعت عبايه بيج فيها شخابيط كدا بالتطريز يالاسود طقمتها مع اسود وطلعت
طوالي مشيت لي فستان البت اشتغلت عليه بالدبابيس انو اثبت الحاجات عشان اشوف هل حتديني الشكل النهائي حلو او لا
بعد خلصت خيطت جزء
( كانت عايزاه منفوش شديد وفيه زيل طويل قالت يشيل اهلها كلهم😂)
المهم اشتغلت فيه كتير لحدي العصر وانا كل يوم بنفس المنوال دا
لحدي ما يوم انا في المكتب جاتني رودي تبكي
رودي: نون عان يحيى بقى كيف ؟؟
نون: بسم الله ماله !! مايكون حاصل ليه شي
رودي: ما عارفه ما عارفه
(كان عباره عن زول سمين يعني ما يحيى الزمان وعندو هالات والبشوفو بقول اسي بموت)
نون: لي عانل في نفسه كدا
رودي: عشانك ياخ يعشاانك ...
نون: !
__________
_يونس
كنت طوالي بمشي لي يحيى البقى طوالي عايز يتشاكل بقى طبيعي قلقان ومتوتر وما عنده اخلاق ولا صبر وكان لازم يكون في البيت عشان التدخين السلبي ما يأثر عليه ...
كنت طوالي ببيت معاه لحدي ما يوم جا سألته
يونس: عايز تبطل تدخين عشان حيضرك ولا عشان نون ؟
يحيى: نون
يونس: ما هو واضح جدا والله ياخ ربنا يقويك ماعندي شي اقوله غير كدا
يحيى: مصدع يا يونس الصداع عايز يكسر راسي
يونس: قربت تعبر ما ترجع لي نقطه الصفر نون حتكون منتظراك
يحيى: بحبها انا ووالله حكون ليها الزوج الصالح
يونس: واثق منك
كنت برفع ليه في معنوياتو وما كان عندي مشكله في اعجابه لي نون لاني واثق منو وعارفو ما زول لعب وبما انو اسي بصارع عشانها بعدين حيكون معاها كويس
اتصلت علي رودي
رودي: الله يرضى عليك يا يونس وديني ليه ولا والله اكلم امي واوريها الصور واخليها تشوف حاله ولدها
يونس: مجنوونه انت عايزه امك تموت ؟ هو ما ناقص زياره وبقى عصبي وما بستحمل اسبوع كدا وبجيبك
رودي: اسي بس وما بغير كلامي وانا مستنياك
وقفلت الخط
لقيت يحيى نام في الكنبه طوالي شلت المفتاح ومشيت على المحل لقيتها هي ونون مستنيني
عاينت لي نون لقيت عيونها حمر وردي اصلا عيونها عايزه تطلع من مكانها من الدموع وديتهم وفتحت باب الشقه بس جرت ليه تصحي فيه ما صحى
رودي: ماله عامل كدا يحيى مات ؟؟؟؟!
يتبع ...
#منقبه_عظيمه
#ايثار_كمال
قراءه ممتعه
'' هل بعد ان اردت ان ابادلك نفس الشعور سترحل للأبد ؟ ''
