روح راشد ..

البارت الثالث ..

‏لا أمحو الود،
لكني سأقطع الوصل إن انتقصت من قدري ."

سكينه : بتتحدي راشد ?? ، هه شكلك حابه تنرمي بالشوارع انتي و اختك.
فراس : لا تدخلي انتي ولا شكلك حابه يصير فيكي مثل العصر.
لانا : اسمعيني انتي انا العصر سكتت بس عشان خلاكي راشد تعتذري بسس هلق لااا(وهجمت عليها وقطعت شعرها بايدها وسكينه ما قدرت تدافع عن حالها لانو ما كانت متوقعه، وطلعو ابو راشد و ام راشد و فرح و لينا لانو سمعو صوت الصراخ.
وراشد بحاول يبعد لانا عن سكينه بس خايف يشيلها عنها و هيه ماسكه بشعرها و يروح راس سكينه 😂😂 ما لقى طريقه الا يضحكها (يزغزغها يدغدغها مبعرف شو بتحكولها 😂😐)
وقدر يفك سكينه ودغري حتى قبل ما تاخذ نفس صار يصرخ.
راشد. : انتي ايش مالك ليش تمدي ايدك عليها وضربها كف(وهوه اصلا كان معصب منهم و هلق زادت عصبيتو من تصرفها )
لانا(تحجر الدمع بعيونها و حكتلو :  حقير الله يكسر ايدك وراحت ع غرفتها.
لينا (ما قدرت تضل ساكته خاصه انو حاسه هي اهانه بحق اختها انها تنضرب و قدام مين ?? سكينه ?) : انت مين سمحلك تمد ايدك عليها،  انا رح اتصل ب خالو و نرجع لسوريا انا و اختي باربد ما رح نضل ولا ثانيه اذا هيك ولسا مافي بينك و بينها شي رسمي لست سكينه بس يصير شي رسمي يمكن تمسينا بقتله و تصحينا بقتله هه (وراحت بدون ما تسمح لحد يحكي معها اشي ) .
ابو راشد من اول ساكت فكر انو راشد رح يتصرف غير تصرف و ما يرفع ايدو على بنت اخوه : راشد تعال ع المكتب وراي.🚶🏾‍♂️
راشد راح ورا ابوه
وام راشد و فرح اخذو سكينه غسلولها و رتبت حالها و روحت.
و فراس ضل يفكر انو معقول يخليهن ابو راشد برجعن ع سوريا عند خوالهن و انو ما رح يسمح بهالشي يصير.

فوق بغرفة لانا و لينا.
لينا : بدي اتصل بخالو ونرجع لسوريا هون ما عاد نضل ثانيه وحدهه.
لانا : لو ماما وبابا موجودين ما كان سمحو لحد يرفع ايدو علينا.
لينا : الله يرحمهم (و بكوو الثنتين) و بعدين حكت لينا ما رح نضل نبكي و نندب حظنا رح اتصل بخالو عشان نروح لعندو.
لانا : ما بتوقع عمو يقبل بهالشي بسس لو نزعلو لازم نروح ما بدي ضل هون . 😞
لينا : وعد رح نروح استني بسس.
اخذت تلفونها و اتصلت ب خالهها.
لينا : مرحبا خالو كيفك شو اخبارك.
خالهن اسمو سمير و مرتو اسمها فريال و عندو ولاد ثنين صغار محمد و موسى : اهلين خالو مشتاقلكن يا روح خالكن. ❤️
فريال فرحت انو المتصلات بنات اختو طبعا مش لانها بتحبهن
  ، عشان مصاريهن(اخذا التلفون من سمير ): مرحبا
لينا : اهلين مرة خالو كيفك.
فريال (بحب مزيف) :  مشتاقه الكن و لشوفة عيونكن يا حبيبتي انتي 😘
لينا و هيه ما بتعرف شو نية مرة خالها: حبيبتي مرة خالو بدنا نيجي عندكم اتصلت احكي ل خالو عشان يجي ياخذنا لعندكم.
فريال : تكرمي من عيوني بخليه يجي ياخذكم بس ليش شو صاير احكيلي.
لينا ما حبت تحكي اشي عشان عمهاا : مافي شي بس اشتقنالكم.
فريال و هيه حاسه في شي بس بدها تكسبهن لصفها: طيب حبيبتي يومين بالكثير او يوم بكون خالك عندكم و بيجي ياخذكم جهزن حالكن انتن.
لينا: تمام الله يسعدك شكرا الك سلمي ع خالو سلام.
فريال : سلامم

عند فريال بسوريا.

فريال (ونيتها طمع بمصاريهم) :  اسمع من بكرا الصبح بتبلش تجهز وراقك قال اشتاقن النا قال بدي اقص ايدي اذا ما صاير اشي اكبر.
سمير: طيب طيب بصير خير بعدين ليش ما حكيتيلها ما معنا مصاري ناكل ل اجيبهن هنه كمان.
فريال:  بسكنو ببيت ابوهن و مصاري يصرفن من البنك ولا ششو مفكر بدي اصرف عليهن معاهن مصاير بتدملني.😒
سمير: بصير خير.
فريال:  ما تنسى من بكرا تجهز الوراق عشان تروح.
سمير: طيب طيب.

نرجع ل اربد و شو صار مع راشد و ابوه ،
بالمكتب :
ابو راشد (ضرب راشد كف) : هاد الكف الي ضربتو ل لانا.
راشد مصدوم انو ابوه ضربو لانو ما عمرو مد ايدو عليه ،  كل هاد عشان لانااا. ????

ابو راشد بكمل كلام و بحكيلو: بنات عمك ممنوع تقرب عليهن الا اذا انا حكيتلك تاخذهن لشي مكان او تعمل اشي معين غير هيك ما تلوم الا نفسك ، روح من وجهي هلق.

بس طلع من عند ابوه راح ركب السياره و ساق فيها بسرعه و هوه يفكر كيف يندم لانا و يادبها : والله ل اندمك ع كل حرف طلع منك و الاهم ع الكف الي انضربتو رح يرجعلك بدل الكف عشرهه. 😡

طبعا لانا و لينا عم بجهزو غراضهم عشان يروحو لسوريا و هنن مصممات انو يروحن حتى لو عمهن رفض بس لو زياره صغيره و ينامو ببيت اهلهم لانو اشتاقو لحنيتهم 🥺🥺 .

لينا: حكتلي مرة خالو يومين و بيجي ياخذنا.
لانا:  احسن قومي نشوف شو رح ناخذ معنا.
لينا: طيب قايمه بس هلق كيف بدنا نحكي لعمو.
لانا:  الاحسن ما نحكي اشي و ننزل ناكل و نطلع ع غرفتنا وما نقعد معهم لوقت يجي خالو و يحكي بدو ياخذنا وقتها لكل حادث حديث.
لينا: اه صراحه احسن مش ناقصنا نسمع حكي. 😴

وقامو يجهزو اغراضهم و يحطو المستلزمات معهم عشان ما بيعرفو كم رح يضلو هناك و بعدها تعبو و نامو.

❤️💪🏻
بعرف بارت صغير بس فيه احداث كثيره و الجاي احلااا ان شاءالله. 😍❤️❤️