Unicode version
ပုံမှန်မနက်ခင်းတစ်ခုမှာ ရိုးရှင်းတဲ့နိုးထခြင်းနဲ့ နိုးထရတယ် ။ အရာအားလုံးဆုံးရှုံးသွားတာမျိုးတော့မဟုတ်သေးပါဘူး ။ အရွယ်ရောက်ပြီးသားယောက်ျားလေးတစ်ယောက်မို့ အချိန်တန်ရင်အရာအားလုံးအဆင်ပြေသွားမှာ ။
ဆိုင်ထဲက ခုံတွေပေါ်က ကျူးလစ်အဝါတွေကိုကြည့်ပြီး Tommy ကတစ်ချက်ပြုံးတယ် ။ ကျူးလစ်တွေကို သူတအားချစ်တာ အထူးသဖြင့်အဝါရောင်လေးတွေ ။
ချွင်ကနဲမြည်သွားတဲ့ဆိုင်ဝကအသံကြောင့် Tommyက အမြန်လှည့်ကြည့်တယ် ။
" ဘာများအလိုရှိ ... "
" အစ်ကို "
ကျောင်းလွယ်အိတ်ကိုဘေးတစ်စောင်းလွယ်ပြီး မျက်လုံးတွေပျောက်တဲ့ထိပြုံးပြနေတဲ့ သူ့အရှေ့ကကောင်လေးကြောင့် Tommy သက်ပြင်းချလိုက်မိတယ် ။
" မင်းကို .. မနက်စာလာစားတာလား "
" အင်း ဟုတ်တယ် ခဏနေ ကျောင်းသွားမှာလေ "
" ဒါဆိုလဲ ထိုင်လေ ၊ ဘာစားမလဲ "
စိတ်အခြေအနေလည်းပြန်ကောင်းလာပြီး ကိုယ့်ကိုလည်းကူညီပေးထားတဲ့ကောင်လေးမို့ Tommy က လေသံအေးအေးနဲ့ပဲပြောဖြစ်တယ် ။
" မနေ့ကလိုပဲ စတော်ဘယ်ရီချောကလက် "
" အင်း ခဏစောင့်နော် "
Tommy က အနည်းငယ်ပြုံးကာပင်ပြောလို့ထွက်သွားတယ် ။ ပြုံးရောင်သန်းသွားတဲ့နှုတ်ခမ်းလေးတွေကို ကောင်လေးက အမိမရ လှမ်းဖမ်းပြီးကြည့်တယ် ။ ပြီးတော့ သဘောတကျပြုံးလို့ ရိုးရှင်းလွန်းတဲ့လူသားလေးကို သေချာထိုင်ကြည့်တယ် ။
ကိတ်မုန့်ဗန်းလေးနဲ့ပြန်ရောက်လာတော့မှ ကောင်လေးက အကြည့်လွှဲတယ် ။
" ရပြီ "
" အင်း "
အလုပ်ပြီးတာနဲ့ လှည့်ထွက်ဖို့ပြင်နေတဲ့ Tommy ကိုကောင်လေးက လှမ်းတားတယ် ။
" ခဏ "
" ဘာဖြစ်လို့လဲ "
" ကျွန်တော်နဲ့ခဏထိုင်ပါလား "
ကောင်လေးရဲ့စကားကြောင့် Tommy က လည်ပင်းကိုပွတ်သတ်လိုက်မိတယ် ။ customer လည်း မရှိသေးတာကြောင့် လိုက်လျောဖို့ပဲဆုံးဖြတ်လိုက်တော့တယ် ။
YOU ARE READING
DIMPLE | MII2
Fanfictionဤဇာတ်လမ်းပါအကြောင်းအရာများသည် စာရေးသူ၏စိတ်ကူးယဉ်သက်သက်သာဖြစ်သည် ။ Jimmy and Tommy Fan Fiction
