اعقل مجنون

البارت الثالث

اثق بيمن واضم روحي
دنيا بدونچ تخوف
فهد

چا خذتنه وياك صوغة وتدري نقبل
يل عكدناك وي الأبهر مادرينة بساع تنفل

من يومها ماشفته ابد
لاصدفة جمعتنة بعد
ولا بالحلم مر بية..

رواية

اعقل مجنون
عبير ادريس

_______

نغم : ياا ولج رواية يعني انتِ البادرتي بالمحاولة واحنا عبالنا فهد ال.....

شهكت وخلت ايدها على حلكها..

رواية : اي اني اقترحت عليه نتزوج بدون علم اهلي ،وهو رفض احجي لأي مخلوق وكال اي واحد يسألج ذبيها براسي وطلعي منها خلي اللوم عليه انه رجال اتحمل انتِ ما تتحملين.

نغم : كملي وشنو صار بعدين؟

رواية : رجعت للبيت والخوف تملكني احس اللي يباوع بعيوني يشوف السويته، كلبي يدك سريع والهث وصلت لغرفتي وجنت اكل بأظافيري ،طلع منهم دم وماحاسه بنفسي ، نغم تخيلي دكات كلبي هالكد ما جانت سريعة الي خارج غرفتي يسمعها.

نغم : شسويتي بروحج رواية.

رواية : خليني اكمل لاتقاطعيني الله يخليج ..

نغم : اسفة كملي بس خايفة عليج ليش هيج ترجفين؟

رواية : لانه بهذا اليوم شفت الفهد شلون تحول لوحش وماكدرت اسيطر عليه بهذا اليوم فهد كسرني وحولني لجثة هامدة ماكدرت اقاومه ولا امنعه..

نغم : شنو الصار تكدرين تحجيلي؟

رواية : صعب احجيلج يانغم صعب لانه الصارلي ماممكن بنية عادية تتحملة والأ جربت يله عرفت حجاية صعب صحيحة من كال رواية نصيحة مني ابتعدي عن فهد تره الك**** ينهزمن منه انتِ شلون ..

نغم : يعني من خطبج فهد اجاج هجان وحجه وياج؟

بحسرة وتنهيدة كالت..

رواية : اي اجاني وحذرني بس اني ماسمعت وحتى لو سامعة هم ما اكدر اعوفة، فراكه صعب علية تخيلي هسه وبهاي حالتي وطلكوني منه واريده ولو يرجع بيه الزمن ما اطلع من البيت..

نغم :وتموتين احسن؟

رواية : اموت ولا افاركة ..

نغم : بس ايمن من طلعج جنتي تلفظين انفاسج الأخيرة..

رواية : هذا اليوم من نوصلة احجيلج شنو الصار بيه، لأن اني مشتركة وياه مو بس هو..

نغم : شلون يعني مافهمت؟

رواية : بالبداية جانت لعبة بعدين صارت جد.

نغم : شنو يعني ترة فريتي راسي.

رواية : من نوصل لهذا اليوم راح احجيلج بالتفاصيل وشلون عنفني وكسر ايدي..

نغم : كملي يارواية شمسوين انتِ وفهد..